Salam. Vikipediyaya xoş gəlmisiniz! Yaratmış olduğunuz "" məqaləsi məzmun baxımından Vikipediyaya uyğun olmadığı üçün tərəfimdən silinmişdir. Məqalə üzərində işləyib təkmilləşdirə bilərsiniz, bunun üçün müvafiq səhifəyə {{iş gedir}} şablonu əlavə edə bilərsiniz, lakin nəzərə alın ki, məzmun uyğun olmalı, ən əsası da mənbələr olmalıdır, Vikipediya bu baxımdan ensiklopediyadır. İşiniz bitdikdən sonra şablonu çıxarmağı unutmayın. Köməyə ehtiyacınız olarsa, yazın, uğurlar. Hörmətlə, Gadir^müzakirə17:35, 3 iyul 2024 (UTC)

Salam,onda zəhmət olmasa,köməklik göstərə bilərsiniz? Mən sizə hazırladığım mətni göndərim,siz yerləşdirin,məndə alınmadı...

Mənbə yoxdur,daha doğrusu,mənbə digər sənətkarlarımızın dedikləridir,xülasə,yazılı mənbə yoxdur,necə edək? () 17:57, 3 iyul 2024 (UTC)

Təəssüf ki, mənbə yoxdursa, məqalə silinəcək. Mövzunun əhəmiyyətini təsdiqləyə bilmək üçün mənbələr vacibdir. Bir də məqalə bədii üslubda olmamalıdır, elmi üslubda yazılmalıdır. Hörmətlə, Gadir^müzakirə18:01, 3 iyul 2024 (UTC)

Oldu,təşəkkürlər.

Amma mən bu məqaləni maksimum dərəcədə bədii-publisistik üslubda yaza bilərəm. Musiqi haqqında ətraflı məlumat əldə etmək çətin olduğu üçün elmi üslubda yazmaq qeyri-mümkündür. () 18:06, 3 iyul 2024 (UTC)

Və mənbə kimi bunu yerləşdirmək olar? https://youtu.be/EiXSQdLwRkU?si=oQqRMVxIcX5v5Igb yazılı mənbə yoxdur. () 18:10, 3 iyul 2024 (UTC)

YouTube "arzuolunan" mənbələr siyahısına daxil deyil. Bura nəzər yetirə bilərsiniz, əsasən yazılı etibarlı mənbələrə üstünlük veririk. Hörmətlə, Gadir^müzakirə18:12, 3 iyul 2024 (UTC)

Təşəkkürlər. () 18:14, 3 iyul 2024 (UTC)

Məqaləni səhifəsinə köçürdüm. Lütfən üzərində işləyin, daha sonra müraciət edərsiniz yayımlayarıq. Bu vəziyyəti ilə əsas ad fəzasında qala bilməz, təkrar məqalə kimi yaratmayın. Hörmətlə, Gadir^müzakirə16:40, 4 iyul 2024 (UTC)

Salam.

Bəs indi?

Cari vəziyyət uyğundur?

Uyğun deyilsə,hansı hissədə dəyişiklik etmək lazımdır? () 17:26, 4 iyul 2024 (UTC)

Etibarlı mənbələrlə və stil kitabçası ilə tanış olun. Həmçinin Vikipediya və digər sosial şəbəkələr də mənbə kimi göstərilə bilməz. Hörmətlə, Gadir^müzakirə17:28, 4 iyul 2024 (UTC)

Təşəkkürlər. () 17:31, 4 iyul 2024 (UTC)

Bəs indi necə?

Oldu? () 16:32, 6 iyul 2024 (UTC)

Salam.

Mümkünsə, sualıma cavab verin.🥲

Mentorlar hissəsində də qeyd etdim, geridönüş edən yoxdur. Bilirəm,hələ yeni başlamışam deyə sizi bezdirirəm, üzrlü sayın.

Amma bu məqalə üçün köməklik göstərin, xahiş edirəm. Başqa mənbələrdən istinadlar tapıb əlavə etmişəm,hələ də kifayət etmir? Cavablandırardınız, hörmətlə,☺️ () 14:43, 7 iyul 2024 (UTC)

() 14:45, 7 iyul 2024 (UTC)

Salam. Xeyr, məqalənin cari halı qaralama ad fəzasından çıxarılması üçün kafi deyil. Hörmətlə, Gadir^müzakirə16:15, 7 iyul 2024 (UTC)

Hörmətlə, () 19:28, 7 iyul 2024 (UTC)

@, bu səhifəyə müraciət edə bilərsiniz, bəlkə sizə bu mövzuda məzmun üzrə kömək etmək istəyən istifadəçi çıxar. Onu da nəzərə alın ki, Vikipediya könüllü layihədir, yəni heç kəs heç nəyə mütləq məcbur deyil, burada sadəcə istəyə görə redaktələr edilir və töhfələr verilir. Məqaləni vikiyə qazandırmaq istədiyinizi görürəm, maraqlı istifadəçilərlə bu istiqamətdə ortaqlıq da qura bilərsiniz. Hörmətlə, Gadir^müzakirə19:34, 7 iyul 2024 (UTC)

Oldu, təşəkkürlər.

Hörmətlə () 19:44, 7 iyul 2024 (UTC)

Salam. Öncəliklə töhfələriniz üçün təşəkkürlər. Siz məqalə yazarkən məzmunu hansısa mənbədən birbaşa copy-paste (yəni birbaşa olduğu kimi köçürmürsünüz ki) etmirsiniz ki? Nəzərənizə çatdırım ki, bu, Vikipediya qaydalarına və icazə verilmədiyi müddətcə müəllif hüquqlarına da ziddir. İstifadə etdiyiniz mənbələrin etibarlı olub-olmadığını yoxlayın və yaxşıca analiz edin. Yaxşı olardı ki, mənbələrdən istifadə edərkən məzmunu, yəni məqaləni öz sözləriniz və cümlələrinizlə işləyəsiniz, mənbədəki məzmunu işləyəcəksinizsə, mümkün qədər sözləri dəyişdirəsiniz, ki, müəllif hüququ problemləri yaranmasın, hər hansı bir dəqiq məlumat üçün də müvafiq mənbələri istinad kimi göstərə bilərsiniz. Yazı üslubunun da mövzuya görə bədii olmamasına mümkün qədər diqqət edin. Müzakirə səhifənizin (bu səhifənin) ən yuxarı hissəsində yerləşdirilmiş şablon vasitəsilə ilə Vikipediya ilə bağlı ətraflı məlumat sahibi ola bilərsiniz. Yenə də Vikipediya ilə bağlı əlavə nə suallarınız olarsa, çəkinməyin, yazın. Təşəkkürlər və uğurlar! Hörmətlə, Gadir^müzakirə10:12, 9 iyul 2024 (UTC)

Salam. Xeyr,plagiatçılığa yol verilmir.

Oldu,daha da diqqətli olmağa çalışaram.

Xoşdur,BDU tələbəsi olaraq mənim də vikipediyaya kiçicik də olsa, töhfəm olduğu üçün çox şadam. Sizə də təşəkkürlər!

Hörmətlə, () 15:51, 10 iyul 2024 (UTC)

Aysu xanım, vikipediyaya töhvə verməyə çalışdığınızı görürəm lakin başqa yerdə olan məzmunu olduğu kimi bura kopyalamaq müəllif hüquqlarının pozulmasıdır. Bildiyiniz(istənilən) xarici dildən məqalələri tərcümə etməklə başlamağı məsləhət görürəm. — Bikar ^müzakirə18:54, 10 iyul 2024 (UTC)

Oldu,tövsiyə üçün təşəkkürlər.

Amma olduğu kimi yazmıram axı,cümlələrdə dəyişiklik edirəm. Terminləri dəyişə bilmərəm,əlbəttə,ona görə olduğu kimi saxlayıram...Lap əvvəl də sıfırdan özüm məqalə hazırladım,viki' üçün uyğun görülmədi(üstəlik,həmin məqaləyə 83 baxış olsa da, heç kim redaktə etmədi,onu da nəzərinizə çatdırım ki,həmin musiqi haqqında (Güldür məni) mətn hazırlamaqda məqsədim əsərin müəlliflərini əbədiləşdirmək, bununla yanaşı Şövkət xanımın irsini növbəti nəsilə ötürmək idi,sağ olsun,heç kim köməklik göstərmədi. Məramım bu idi ki, mənfur düşmənlərimiz musiqini öz adlarına çıxarmağa çalışanda musiqi müəllifləri haqqında məlumat adi vətəndaşlar üçün də əlçatan olsun,amma nə edək ki,gənc nəsl Klassikamızı dinləmir və ona sahib çıxmır,nə isə...) bunu deməkdə məqsədim odur ki,mən bundan sonra hazır mətnlərdə redaktələr edib,Vİki-mətn hazırlamağa başladım(amma plagiat yoxdur...) ,əslinə qalsa,musiqilərimiz haqqında araşdırma edib,hər biri üçün mətnlər hazırlamaq niyyətində idim. İlk məqalə də qəbul olmadığı üçün mən istiqamət tutub lazımi məqalələri hazırlaya bilmədim. Başa düşürəm,bədii üslub olmaz,amma bu musiqidir, onun haqqında yazdıqda poetika mütləq idi(dir!) Nə isə,,,mən viki'ə problem yaratmasam,yaxşıdır. Əlqərəz,köməkliklər üçün təşəkkür edirəm! Sağ olun! Sizə müvəffəqiyyətlər! () 19:19, 10 iyul 2024 (UTC)

Aysu, yeni istifadəçisən, səni başa düşürəm, yəqin bir çoxumuz belə olmuşuq, yəni hamımız yeni olanda vikidə müəyyən dövrlərdən keçmişik. Amma məqalədə problemlər olanda, onlar silinəndə ya da başqaları redaktə etməyəndə buna görə pis olma. Dediyim kimi, bura könüllü layihədir. Vikipediya bir hobbidir, maraqlanıb vaxt sərf etdiyimiz hobbi, ixtisas deyil. Bura mümkün ola bildiyi qədər vaxtımızı sərf edirik və ancaq bizi qane edən mövzularda yazır, dəyişikliklər edir və töhfələr veririk, çünki bura könüllülük prinsipi əsasında formalaşıb. Ola bilər ki, digər istifadəçilər sən yazdığın mövzularla maraqlanmış olsun, amma özləri istəmədikləri halda yazmağa məcbur deyillər. Yəqin bunu sən də sevməzsən, maraqlanıb, amma istəmədiyin bir mövzuda yazmağa. Buna vaxtın və imkanın da olmaya bilər. Təklif et, ortaqlıq qurmağa çalış. Vikipediya həm də kollektiv işdir. Bir nəfər hər şeyi edə bilməz, Vikipediyanın bura qədər inkişaf edib gəlməsində çox istifadəçilərin təmənnalı-təmənnasız əməyi, payı var. İndi bir çoxu aramızda yoxdur. Vaxtla aramıza səni kimi töhfə verməyə meyilli yeni istifadəçilər də qatılır. Vikipediyadakı mövcud məzmun da səni qane etməyə bilər, məsələn, müəyyən məqalələrin mövcud olmaması. Amma onu da nəzərə al ki, burada sadəcə ensiklopedik əhəmiyyətə sahib mövzular barədə ensiklopedik üslub və tərəfsiz şəkildə məzmunda məqalələr olmasına icazə verilir, bunu da müzakirə əsasında istifadəçilərin ortaq qəbul etdiyi qaydalar nizamlayır. Qısacası, yaz, poz, məcbur hiss etmə, özün istədiyin, sənə maraqlı olan mövzularda yaz, yazmağa və soruşmağa çəkinmə. Soruşduqca və yazdıqca özünü daha da inkişaf etdirdiyini görəcəksən. Vikipediyanın vikipediyaçı kimi səni də, fayda verməyə çalışan istifadəçiləri də itirməsini istəmərik. Həvəsdən düşmə. Dəyərli töhfələr verəcəyinə inanıram. Qərarı özün və Azərbaycandilli Vikipediya üçün sən özün ver. Cəsur ol! Hörmətlə, Gadir^müzakirə19:55, 10 iyul 2024 (UTC)

Tövsiyələriniz üçün çox-çox təşəkkürlər! Çox sağ olun! () 20:07, 10 iyul 2024 (UTC)

Salam.

Sonuncu hazırladığım məqalə( Sabiqlər(film-tamaşa,1999)) Vikipediya üçün uyğun hesab edilirmi,yoxsa yenə bir əksiklik var?( Məzmun haqqında qeyd etdiklərim tamaşanı izlədikdən sonra qənaətə gəlinmiş( elə tamaşada obrazların özünün də vurğuladığı) məsələlərdir( ümid edirəm, bədiilik yerində olar, Vikipediyaya uyğun olar.)) () 12:27, 19 iyul 2024 (UTC)

--► Hörmətlə: SolaVirum 11:58, 5 avqust 2024 (UTC)

Salam. Zəhmət olmasa, məqalə yaradarkən səhifə başlıqlarına diqqət edin, VP:MAF qaydası ilə tanış ola bilərsiniz. Yəni hər açdığınız məqaləyə mötərizədə dəqiqləşdirmə əlavə etmək gərək deyil, bir də addan sonra boşluq buraxmağa diqqət edin (dəqiqləşdirmə sadəcə lazımdırsa qeyd edin). Hörmətlə, Gadir (müzakirə) 16:42, 6 avqust 2024 (UTC)

Salam,oldu, çox sağ olun.

Bəzilərində eyniadlı digər məqalələr olduğu üçün dəqiqləşdirmə ilə qeyd etmişdim. () 17:42, 6 avqust 2024 (UTC)

Salam, eyni fəaliyyətə davam edirsiniz. Zəhmət olmasa, film və digər əsərlər barədə məqalə yaradan vaxt eyniadlı başqa səhifə (həmçinin mövzu) yoxdursa başlığa dəqiqləşdirmə daxil etməyin. VP:MAF qaydasını oxuyun. Hörmətlə, Qədir (müzakirə) 22:51, 22 avqust 2024 (UTC)

Salam. Yaxın zaman ərzində yeni məqalə yaratmamışam,oldu, növbəti dəfələrdə bu qaydaya mütləq riayət edəcəyəm. Üzrlü sayın ~ () 02:11, 23 avqust 2024 (UTC)

Salam. Siz üzrlü sayın lütfən, dünən gecə yorğun olmuşam, diqqətizlik etmişəm. Ən vacib müsahibə və Xatirələr sahili səhifələrində redaktələr etmisiniz, həmin məqalələri sizin yaratdığınızı düşünmüşəm. Hörmətlə, Qədir (müzakirə) 07:16, 23 avqust 2024 (UTC)

Bir daha salam. Bəli,bəli, redaktə etmişdim. Eybi yox, canınız sağ olsun. () 08:21, 23 avqust 2024 (UTC)