2020-ci ilin aprel ayında Teylor Svift yeddinci studiya albomu Lover (2019) üçün nəzərdə tutulmuş, lakin COVID-19 pandemiyasından sonra ləğv edilmiş altıncı konsert turu olan -də səhnəyə çıxmağa hazır idi. 23 iyul 2020-ci ildə Sviftin Instagram hesabına müğənninin meşədə tək dayandığı, başlıqsız ağ-qara şəklini yaradan doqquz fotoşəkil yükləndi. Daha sonra o, bütün sosial media hesablarında səkkizinci studiya albomunun gecə yarısı yayımlanacağını elan etdi: "Bu yay planlaşdırdığım şeylərin çoxu baş tutmadı, amma planlamadığım bir şey baş verdi. Budur, mənim 8-ci studiya albomum: Folklore. ” O, paylaşılmış şəklin albomun üz qabığı olduğunu təsdiqlədi və trek siyahısını açıqladı.The Wall Street Journal sürpriz elanın "pərəstişkarları və musiqi biznesini qəfil yaxaladığını" söylədi.Billboard isə bu elanın karantin zamanı həyəcan verici xəbər kimi "pop musiqisi dünyasını kor etdiyini" bildirdi. Folklore "Lover" albomundan on bir ay sonra yayımlandı ki, bu da (2017) və Lover arasındakı bir il doqquz aylıq fərqi keçərək o dövrdə Sviftin yeni studiya albomu üçün ən sürətli geri dönüş oldu. Svift başqa bir paylaşımında "Cardigan" mahnısının video klipinin albomla eyni vaxtda yayımlanacağını açıqladı.

Svift YouTube-da "Cardigan" mahısının klipinin premyerasında geri sayım zamanı albomun sözlərində bir çox "pasxa yumurtalarının" olduğunu bildirdi: "Bu albomda qəsdən etdiyim şey sadəcə videolarda deyil, daha çox sözlərdə "pasxa yumurtaları" yerləşdirmək idi. Mən kimin kim haqqında oxuduğunu göstərən obrazlar və təkrarlanan mövzular yaratdım. Məsələn, albomda "Gənc sevgi üçbucağı" adlandırdığım üç mahnı var. Bu üç mahnı sevgi üçbucağını hər üç insanın prespektivindən təsvir edir".O, albomu "melanxoliya və eskapizmlə zəngin" adlandırdı: Kədərli, gözəl, faciəli. Svift “Cardigan” mahnısının isə “itirilmiş məhəbbəti və niyə gənclik eşqinin tez-tez yaddaşlarımızda bu qədər əbədi olaraq qaldığını” araşdıran bir mahnı kimi təsvir etdi.O, albom üçün yazdığı ilk mahnının bəstəsinin tamamilə özünə aid olduğu "" olduğunu qeyd etdi.

Svift 2020-ci ilin əvvəlində yeni albom hazırlayacağını gözləmirdi.Lover Fest ləğv edildikdən sonra müğənni özünü karantinə qapatmış və bu müddət ərzində (1954), Los-Anceles sirləri (1997), Pan labirinti (2006), Jane Eyre (2011), Marriage Story (2019), və Son Rəqs (2020) kimi çoxsaylı filmlərə baxmışdı. O, Dafna dü Morye tərəfindən yazılmış Rebekka (1938) kimi "keçmiş zamanlardan bəhs edən, artıq mövcud olmayan bir dünya"dan bəhs edən kitablar da daxil olmaqla əvvəlkindən daha çox kitab oxuyurdu. Uydurma hekayələr Svifti həmişəki kmim avtobioqrafik mahnılar bəstələməkdən kənara çıxmağa və fərqli yazı tərzini sınaqdan keçirməyə ruhlandırmışdı. Karantin zamanı o, təxəyyülünü tamamilə sərbəst buraxdı və nəticədə Folklore-a çevrilən bir sıra xəyali hekayələr və vizuallar ortaya çıxdı.

Müğənninin hazırladığı xəyali situasiyalardan bəziləri bunlardır:

Svift bütün şıltaqlıqlarını, xəyallarını, qorxularını və düşüncələrini "mahnılara tökdü." O, əvvəlcə Folkloru 2021-ci ilin əvvəlində yayımlamağı planlaşdırsa da, albom gözləniləndən daha tez ərsəyə gəldi və 2020-ci ilin iyulunda yayımlandı. Svift albomun hazırlanması zamanı heç bir qaydaya tabe olmamasından bəhs etmiş və izah etmişdir ki, o həmişə öz yaradıcılığı qarşısına "bu mahnı stadionda necə səslənəcək?" və ya "bu mahnı radioda necə səslənəcək?" kimi parametrlər qoyub. Svift həmçinin bildirmişdir ki, əgər bütün bu parametrləri götürsək, cavab Folklore olar.

Sviftin yazıçılığı Folklore albomu ilə birlikdə eskapizm və romantizmə doğru yönəldi. O, arzuladığı nəticəyə nail olmaq üçün iki prodüseri işə götürdü: 1989 (2014), Reputation və Lover albomlarında onunla birlikdə işləmiş, uzun müddət əməkdaşlıq etdiyi Cek Antonoff və ilk dəfə əməkdaşlıq edəcəyi, amerikan indi-rok qrupu -ın gitaraçalanı Aaron Dessner. Pandemiya səbəbi ilə Svift, Antonoff və Dessner uzaqdan əməkdaşlıq edərək musiqi və vokalların rəqəmsal fayllarını davamlı olaraq mübadilə etməli oldular və nəticədə Folklore yarandı. Albomdakı mahnılar ABŞ-ın müxtəlif yerlərində olan kadrlar tərəfindən hazırlanaraq prosesi nəticəsində yaradılmışdır.

Svift The National ilə daha əvvəl proqramının 2014-cü il epizodunda tanış olmuş və 2019-cu ildə qrupun konsertlərindən birinə qatılaraq orada Aaron və əkiz qardaşı ilə söhbət etmişdi. Svift Aaron Dessnerdən onun bəstəkarlıq texnikası haqqında soruşmuş, o isə cavab vermişdi ki, qrup üzvləri dünyanın müxtəlif yerlərində yaşayır və o, instrumental musiqilər yaradaraq onları mahnının sözlərini yazacaq aparıcı müğənni göndərir. Sviftin karantində musiqi yaratmaq ideyasını da məhz bu fikir alovlandırmışdı.

Pandemiya səbəbindən bütün səsyazma studiyaları bağlandığı üçün Svift mühəndis Laura Siskin köməyi ilə "Kitty Committee" adlı ev studiyası inşa etdi. Albomdakı beş mahnı üzərində işləyən Antonoff Nyu-Yorkdan işləyir, Sisk isə Los-Ancelesdə Sviftin vokallarını qeyd edirdi. "My tears ricochet" Folklore üçün yazılmış ilk mahnı idi. Svift bu mahnını köhnə səsyazma şirkətinin yaradıcısı ilə münasibətlərinin qəfil sona çatması haqqında yazmışdı. Antonoff "Mirrorball" və "August"un yazı prosesini "" (2016) ilə müqayisə etmişdir. Svift "Mirrorball"-u Lover Fest-in ləğvindən sonra musiqisi və konsertləri ilə təsəlli tapan pərəstişkarlarına qəsidə olaraq yazmışdır. Mahnılardan "August" uydurma bir məşuqə haqqında olarkən, "This Is Me Trying" mahnısının zərərli vərdişlərlə mübarizə və ya Sviftin özünün 2016-2017-ci illərdə yaşadığı mental problemlərlə bağlı olduğu ehtimal edilir.

Aprelin sonunda Svift bəzi mahnılar üçün Dessnerə müraciət edir. O növbəti bir neçə ay ərzində albomun 16 trekindən on biri üzərində işləyib bitirir. Dessner "mahnı üçün ideyaların gəlməsinin bir qədər zaman aldığını" düşünürdü və uzaq məsafədən işləyərək nəyəsə nail ola biləcəklərinə dair heç bir gözləntisi yox idi. Lakin Svift Dessneri təəccübləndirməyi bacarır və o, bu anı belə təsvir edir: "musiqini paylaşdıqdan bir neçə saat sonra telefonum Teylorun yeni yazılmış mahnısının səs qeydi ilə işıqlandı və bu impuls heç vaxt dayanmadı." Svift və Dessner üç və ya dörd ay ərzində demək olar ki, hər gün mesaj və telefon zəngləri ilə əlaqə saxlayırdılar. O Sviftə instrumental qovluqları göndərir, Svift isə mahnının melodiya və sözlərini yazırdı. Dessner mahnının nə haqqında olacağını, nə adlanacağını, hətta nəqarətin haraya yerləşdiriləcəyini belə bilmirdi. İkilinin yazdığı ilk mahnı Dessnerin "Maple" adlı eskizlərindən birinə əsaslanan "Cardigan" idi. “Cardigan”dan dərhal sonra yazılmış mahnılar isə “Seven” və “Peace" oldu. "Peace"-in musiqi kompozisiyasını eşidən Svift insanı sülh və rahatlığa qovuşduran "ani bir sakitlik" hiss etdi. O, bu melodiya üçün sülh və rahatlıq haqında sözlərin yazılmasının olduqca gözlənilən olacağını düşündü və bunun əvəzinə mahnı üçün melodiyaya zidd olan mürəkkəb və qarışıq hisslər haqqında sözlər yazdı. Svift bu mahnıdakı bütün vokalı bir dəfə qeydə almışdır.

Bir neçə həftə keçdikdən və Svift və Dessner "altı–yeddi" mahnı yazdıqdan sonra, o, Dessnerə Folklore anlayışını izah etdi. Svift Antonoff ilə bir müddət əvvəl gördüyü işlərdən danışdı və hər ikisi ilə yaratdığı işlərin bir albom kimi rezonans doğurduğu qənaətinə gəldi. Svift və Dessnerin birlikdə hazırladığı işlər arasında "The Last Great American Dynasty", "Mad Woman" və "Epiphany" mahnıları da vardır ki, bunlardan birincisinin musiqisində Radiohead-in 2007-ci ildə çıxardığı "In Rainbows" albomundan ilhamlanmışdır. Mahnının sözləri isə Sviftin 2013-cü ildə Bağ Evini satın aldığı vaxtdan bəri haqqında yazmaq istədiyi amerikalı sosialist Rebeka Harkness haqqındadır. Dessner "Mad woman" üçün fortepiano melodiyasını "Cardigan" və "Seven" üzərindəki əvvəlki işlərini nəzərə alaraq bəstələmişdir. "Epiphany" mahnısında isə o, "nəhəng harmoniyalar yığını" yaratmaq üçün müxtəlif alətlərin səslərini yavaşlatmış və tərsinə çevirmişdir. Svift mahnının sözlərini isə veteran babasının və pandemiyadakı tibb işçilərinin təcrübələrinə əsaslanaraq yazmışdır.

Svift "Exile" və "Betty" adlı iki mahnını sevgilisi, ingilis aktyoru Co Elvin ilə birikdə yazmışdır. O, "Exile" mahnısını duet olaraq oxunması üçün yazmış və mahnının Dessner tərəfindən qeyd olunmuş qaralamasında o, həm kişi, həm də qadın hissələrini oxumuşdur. Svift və Dessner kişi partnyor üçün namizədlər arasından Amerika indi-rok qrupu Big Red Machine-in yarısı olan Bon İverdən Castin Vernonun səsini bəyəndi. Dessner mahnını Vernona göndərmiş vəo mahnını bəyənərək öz sözlərini əlavə etmiş və müvafiq hissəni oxumuşdur. "Betty" mahnısı isə albomda həm Dessner, həm də Antonoff tərəfindən istehsal olunan yeganə mahnıdır. Svift mahnının kompozisiyasında Bob Dilanın (1963) və (1967) albomlarından təsirlənmişdir. Elvin hər iki mahnıdakı müəllif hüquqları üçün Uilyam Boveri təxəllüsündən istifadə etmişdir. Albomun yayımlanmasından sonra media və müğənninin pərəstişkarları Boverninkimliyinin gizli tutulduğuna diqqətçəkmiş və təxəllüsün Elvinə məxsus odluğunu güman etmişdirlər. Svift sonradan Boverinin həqiqətən də elvin olduğunu təsdiqləmiş və "Betti"nin nəqarətinin, "Exile"in isə piano xəttinin və ilk misrasının onun tərəfindən yazıldığını qeyd etmişdir. Albom üçün yazılmış son iki mahnı müvafiq olaraq albomun ilk və sonuncu trekləri olan "The 1" və "Hoax" idi və Svift bu iki mahnının hərbirini bir neçə saat ərzində yazmışdır. Onunla işbirliyindən danışan Dessner "bu mahnılarda gözə çarpan bir insanlıq, hərarət və xam emosiya var ki, ümid edirəm ki, siz də mənim qədər sevəcək və rahatlıq tapacaqsınız" şərhini verib.

1. Lipshutz, Jason. . Billboard (ingilis). 24 iyul 2020. 24 iyul 2020 tarixində . İstifadə tarixi: 24 iyul 2020.
2. O'Kane, Caitlin. (ingilis). . 23 iyul 2020. 2 avqust 2020 tarixində . İstifadə tarixi: 3 sentyabr 2020.
3. ↑ Shah, Neil. . The Wall Street Journal (ingilis). 23 iyul 2020. 9 sentyabr 2020 tarixində . İstifadə tarixi: 3 sentyabr 2020.
4. . Billboard (ingilis). 7 dekabr 2020. İstifadə tarixi: 8 dekabr 2020.
5. Reilly, Nick. . (ingilis). 23 iyul 2020. 6 avqust 2020 tarixində . İstifadə tarixi: 23 iyul 2020.
6. Sheffield, Rob. . Rolling Stone (ingilis). 24 iyul 2020. 24 iyul 2020 tarixində . İstifadə tarixi: 27 iyul 2020.
7. Kircher, Madison Malone. . Vulture (ingilis). 24 iyul 2020. 26 iyul 2020 tarixində . İstifadə tarixi: 28 iyul 2020.
8. Cohen, Jess. (ingilis). E!. 24 iyul 2020. 24 iyul 2020 tarixində . İstifadə tarixi: 28 iyul 2020.
9. ↑ Suskind, Alex. . (ingilis). 9 dekabr 2020. İstifadə tarixi: 8 dekabr 2020.
10. Lipshutz, Jason. . . July 24, 2020. July 24, 2020 tarixində . İstifadə tarixi: July 24, 2020.
11. ↑ Suskind, Alex. . . December 9, 2020. İstifadə tarixi: December 8, 2020.
12. Warner, Denise. . . November 25, 2020. İstifadə tarixi: December 3, 2020.
13. ↑ Doyle, Patrick. . Rolling Stone (ingilis). 13noyabr 2020. İstifadə tarixi: 13 noyabr 2020.
14. ↑ Suskind, Alex. . (ingilis). 9 dekabr 2020. İstifadə tarixi: 8 dekabr 2020.
15. . . July 24, 2020. July 24, 2020 tarixində . İstifadə tarixi: July 25, 2020.
16. Strauss, Matthew; Minsker, Evan. . (ingilis). 24 iyul 2020. 10 sentyabr 2020 tarixində . İstifadə tarixi: 24 iyul 2020.
17. Blistein, Jon. . Rolling Stone (ingilis). 24 noyabr 2020. İstifadə tarixi: 24 noyabr 2020.
18. . Entertainment Weekly (ingilis). İstifadə tarixi: 26 dekabr 2020.
19. ↑ Sodomsky, Sam. . (ingilis). 24 iyul 2020. 25 iyul 2020 tarixində . İstifadə tarixi: 31 iyul 2020.
20. Doyle, Patrick. . Rolling Stone (ingilis). 13 noyabr 2020. İstifadə tarixi: 13 noyabr 2020.
21. (ingilis). Instagram. 10 sentyabr 2020 tarixində . İstifadə tarixi: 4 avqust 2020.
22. Hess, Liam. . . November 27, 2020. İstifadə tarixi: November 30, 2020.
23. Kaufman, Gil. . (ingilis). 23 iyul 2020. 23 iyul 2020 tarixində . İstifadə tarixi: 23 iyul 2020.
24. ↑ Gerber, Brady. . Vulture (ingilis). 27 iyul 2020. 28 iyul 2020 tarixində . İstifadə tarixi: 29 iyul 2020.
25. ↑ Blistein, Jon. . Rolling Stone (ingilis). 24 iyul 2020. 29 iyul 2020 tarixində . İstifadə tarixi: 31 iyul 2020.