Rövşən Ariz oğlu Süleymanov 15.04.1976-cı ildə Yardımlı rayonun Yardımlı qəsəbəsində anadan olmuşdur. 1983-93-cü illərdə Yardımlı qəsəbə 2 saylı orta məktəbi əla qiymətlərlə oxumuş, 1992-ci ildə Respublika fənn olimpiadasında tarix fənni üzrə II yeri tutmuşdur.1994-98-ci illərdə Bakı Dövlət Universitetinin Tarix fakültəsini bitirmişdir. 01.09.1998-ci ildən Yardımlı rayon Gənclər və İdman idarəsində rəis müavini vəzifəsində çalışmış.Elə həmin il daxil olduğu Prezident yanında Dövlət İdarəçilik Akademiyasını 2001-ci ildə bitirərək ikinci ali təhsilə yiyələnmişdir. 2007-2009-cu illərdə hərbi xidmətdə zabit kimi qulluq edərək ehtiyatda olan Baş leytenant rütbəsi ilə ehtiyyyata buraxılmışdır.Uşaqlıqdan idmana həvəs göstərmiş, tələbəlik və ondan sonrakı illərdə bu sahədə keçirilən yarışlarda iştirak edərək kontak karate idman növü üzrə 1-ci Dan “Qara kəmər” sahibidir. 2021-ci ilin 15 fevral tarixinədək İşlədiyi Gənclər və İdman Nazirliyi Yardımlı rayon Gənclər və İdman idarəsinin rəis müavini kimi Gənclər və İdman Nazirliyi və Yardımlı rayon İcra Hakimiyyəti tərəfindən dəfələrlə fəxri-fərman və təşəkkürnamə, pul mükafatı ilə təltif edilmişdir. 44 Günlük Vətən Müharibəsinə ehtiyatda olan zabit kimi qoşulmuş.Döyüş yolu Füzuli , Qubadlı, Xocavənd, Hadrud, Daşaltı , Laçın koridoruna gedən yolun bağlanması, Şuşa döyüşlərində iştirak etmişdir. Xidmətlərinə görə ona etimad göstərilmiş 15.02.2021ci il tarixdən Yardımlı rayon İcra Hakimiyyətində Vətən müharibəsi iştirakçıları və Şəhid ailələri ilə işin təşkili şöbəsində şöbə müdiri vəzifəsində çalışır. Ailəlidir , iki övladı var. I dərəcə Dövlət Qulluqçusudur

Azərbaycan Ordusunun zabiti olan Rövşən Süleymanov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli Qubadlı, Xocavənd, Hadrut, Daşaltı, Laçın koridoruna gedən yolun bağlanması, Şuşa döyüşlərində iştirak etmişdir.Vətən müharibəsində qızğın döyüşlərdə bölük komandiri yaralandığı üçün bölük komandiri əvəzi vəzifəsi ona tapşırılmışdır.

Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 25.12.2020-ci il tarixli Sərəncamına əsasən Baş leytenant Rövşən Süleymanov Ariz oğlu "Füzulinin azad olunmasına görə" medalı Azərbaycan Prezidenti İlham Əliyevin 29.12.2020-ci il tarixli Sərəncamına əsasən Baş leytenant Rövşən Süleymanov Ariz oğlu "Qubadlının azad olunmasına görə" medalı Azərbaycan Prezidenti İlham Əliyevin 24.06.2021-ci il tarixli Sərəncamına əsasən Baş leytenant Rövşən Süleymanov Ariz oğlu "Şuşanın azad olunmasına görə" medalı ilə təltif edilib. Real TV Cıdır düzündə "Azadlığın ad günü Şuşa" adlı Vətən Müharibəsinə həsr olunmuş sənədli tarixi filmdə döyüş yolu haqqında müsahibə vermişdir.

•   (25.12.2020) — "Füzulinin azad olunmasına görə" medalı
•   (29.12.2020) — "Qubadlının azad olunmasına görə" medalı
•   (24.06.2021) — "Şuşanın azad olunmasına görə" medalı

•   — "Vətən müharibəsi iştirakçısı" medalı

1. Azərbaycan Dövlət İnformasiya Agentliyi. . www.azertag.az ( (az.)). 24.06.2021. 2021-06-24 tarixində . İstifadə tarixi: 24.06.2021.