Mütəlim Ramis oğlu Şərifli 1958-ci ilin may ayının 8-də Bakı şəhərinin Oktyabr rayonunda, Azərbaycan Sovet Sosialist Respublikasının inzibati mərkəzində fəhlə və tibb bacısının ailəsində anadan olmuşdur. Ailədə ilk uşaq olub, ondan sonra 1 bacısı Esmira (1960-cı il təvəllüdlü) və 1 qardaşı Elçin (1967-ci il təvəllüdlü) dünyaya gəlmişdilər.

Ailəlidir, iki oğlu var.

1962-1965 illəri ərzində rus uşaq bağçasına getmiş, 1 sentyabr 1965-ci ildə isə 20 saylı tam orta məktəbin rus bölməsinə daxil olmuşdur. Pedaqoji heyətin və sinifin tərkibi beynəlmiləl olmuşdur (azərbaycanlanlılardan başqa yəhudilər, ruslar, ermənilər və s.).

1975-ci ilin iyun ayında cəbrdən yazılı, həndəsədən şifahi, rus dilindən yazılı inşa, rus ədəbiyyatından şifahi, tarixdən şifahi, fizikadan şifahi, kimyadan şifahi və ingilis dilindən şifahi olmaqla 8 fənn üzrə buraxılış imtahanları vermiş və həmin orta məktəbi riyaziyyat, fizika, kimya, tarix və ingilis dili fənlərindən aldığı 5 tərifnaməsi ilə bitirmişdir.

Orta təhsilini başa vurduqdan sonra həmin il ali təhsil pilləsinə qədəm qoyaraq avqust ayında Azərbaycan Dövlət Universitetinin Tətbiqi Riyaziyyat fakültəsinə riyaziyyat (şifahi və yazılı), rus dili və ədəbiyyatında inşa, fizika fənnindən isə şifahi olmaqla 4 qəbul imtahanı vermiş və adı çəkilən fakültənin rus bölməsinə qəbul olunmuşdur.

5 illik kursun 3-cü kursunda universitetin "Riyazi fizika tənlikləri" kafedrasının ixtisasına keçmişdir. 1980-ci ilin may ayında universiteti qırmızı (fərqlənmə) diplomu ilə bitirmişdir.

Sovet İttifaqında ali məktəbi bitirəndən sonra əyani aspiranturaya qəbul olmaq üçün 2 il ərzində təyinat yerində işləmək lazım idi. Lakin atası fəhlə olduğuna görə birbaşa aspiranturaya qəbul olmaq üçün Təhsil Nazirliyi müstəsna hal kimi icazə vermişdir.

1980-ci ilin dekabr ayında Azərbaycan Dövlət Universitetinin əyani aspiranturanın "Diferensial tənliklər və riyazi fizika" ixtisasına qəbul oldu. Elmi rəhbər Azərbaycan Elmlər Akademiyasının həqiqi üzvü, BDU-nun "Riyazi fizika tənlikləri" kafedrasının müdiri Məcid Rəsulov olub.

Həmçinin, aspiranturada təhsil alarkən eyni zamanda saat hesabı şərtində universitetin əyani şöbəsində dərs deyib.

1983-cü ilin dekabr ayında aspiranturanı bitirib 1984-cü ildə Azərbaycan Dövlət Universitetinin “Tətbiqi Riyaziyyat” fakültəsinin müdafiə şurasında "Mövcud təsnifatla əhatə olunmayan bir diferensial tənlik üçün qarışıq məsələlərin öyrənilməsi" mövzusunda namizədlik dissertasiyasını uğurla müdafiə edib.

1984-cü ilin avqustun 1-də Moskvadan təsdiq gəlmiş və həmin andan etibarən fizika-riyaziyyat elmləri namizədi dərəcəsinə sahib olmuşdur.

1994-cü ildə Azərbaycan Respublikasının Prezidenti yanında Ali Attestasiya Komissiyasının qərarı ilə dosent elmi adına layiq görülmüşdür.

42 il pedaqoji staja malikdir (1982-ci ildən başlayaraq) və bu illər ərzində bir neçə ali məktbədə dərs demiş və repetitorluq fəaliyyəti ilə məşğul olmuşdur.

Pedaqoji fəaliyyətinin ardıcıllığı:

1. 1982/1983 və 1983/1984-cü tədris illərində Azərbaycan Dövlət Universitetində əyani aspirant ola-ola saat hesabı əsasından "Diferensial tənliklər", "Riyazi fizika tənlikləri" və xüsusi fənlərdən dərs demişdir.
2. 1985-ci ilin fevral atından 2014-cü ilə qədər Azərbaycan İnşaat Mühəndisləri İnstitunun xarici vətəndaşlar üçün hazırlıq fakültəsində dərs demişdir. 1991-ci ilə qədər, yəni Azərbaycan Respublikasının müstəqilliyinə qədər hazırlıq fakültədə Asiya, Afrika və Latın Amerikasından gələn xarici xətəndaşlar rusca təhsil alırdı, 1991-ci ildə sonra ilə Türkiyə, İran, Əfqanıstan və Pakistandan gələn xarici tələbələr Azərbaycan türkcəsində təhsil alırdı.
3. 1997-ci ilin sentyabrından 2004-cü ilin iyununa qədər Moskva Dövlət Açıq Universitetində kafedra müdiri vəzifəsində çalışmışdır.
4. 2004-cü ilin sentyabrından 2021-ci ilin avqustuna qədər Azərbaycan Kooperasiya Universitetində "Tətbiqi riyaziyyat" kafedrasının müdiri vəzifəsində çalışmışdır.
5. 2006-cı ilin sentyabrından indiyə qədər Bakı Mühəndislik Universitetinin "Riyaziyyat" kafedrasının dosenti vəzifəsində çalışır. Burada dərslər ingilis və azərbaycan dillərində keçirilir.
6. 2017-ci ilin sentyabrından 2020-ci ilin iyununa qədər Azərbaycan Dövlət İqtisad Universitetinin Beynəlxalq İqtisadiyyat Məktəbində ingiliscə dərs demişdir.
7. 2021-ci ilin sentyabrından indiyə qədər Azərbaycan Respublikası Dövlət Gömrük Komitəsinin Akademiyasında ingiliscə dərs deyir.
8. 2006-cı ilin oktyabrından indiyə qədər Azərbaycan Respublikasının Dövlət İmtahan Mərkəzi ilə sıx əməkdaşlıq edir. Fizika və riyaziyyat fənləri üzrə DİM-in bunkerində qəbul və buraxılış imtahanları üçün test imtahan tapşırıqlarının hazırlanmasında iştirak edib.
9. 2018-2020 illərdə Təhsil Nazirliyində təşkil olunmuş Dərsliklərin Monitorinq Qrupunda fizika fənni üzrə ekspertizada iştirak edib.

Repetitorluqla 3 dildə (rus, azərbaycan və ingilis) və 2 fənn üzrə (riyaziyyat və fizika) abituriyent hazırlığı ilə məşğuldur.

Fəaliyyəti tarixində abituriyent olaraq ilk və son dəfə kiçik oğlu Oruc ali məktəblərə qəbul üzrə imtahanda riyaziyyat fənnindən bütün tapşırıqları düzgün cavablandırdı.

Ən mükəmməl bildiyi dil rus dilidir, hansı ki, ana dili sayılır, çünki bu dildə ibtidai, orta və ali təhsiləri almışdır. Hesab edir ki, rus dilinin qrammatika və orfoqrafiyasının rusların 99,9%-dən daha yaxşı bilir.

4 dildə (Azərbaycan türkcəsində, rus dilində, ingilis dilində və Türkiyə türkcəsində) dərs deyir. Fars dilini ingilis dilinin vasitəsiylə öyrənib. Bu dildə oxuyub yaza bilir.

Həmçinin, azərbaycan, rus və ingilis dilində 100-dən artıq məqalələri var.

1980-ci ilin iyun-avqust aylarında Ermənistan SSR-nin Leminakan şəhərində hərbi toplanışda olmuş və hərbi hazırlıqda imtahan verəndən sonra Sovet Ordusunun ehtiyyatda olan leytenant rütbəsini almışdı.

Sağ libertarianizm tərəfdarı və türk millətçisidir. Əsas maraq dairəsi İrandır. Türkçülüyü İranda türk dilini 2-ci dövlət dili və türk dilində təsis edilməsinə qədər davam edəcək. Əks halda Güney Azərbaycanın İranın tərkibindən çıxmasının tərəfdarıdır.

Həyat yoldaşı Raifə Şərifli otorinolarinqologiya sahəsi üzrə uşaq həkimidir. Böyük oğlu Əli Şərifli hüquqşünas, vəkilliyə namizəddir, kiçik oğlu Oruc Şərifli isə proqramçı və sahibkardır.