İstifadəçi:Eric Moore Hi/Dünyaların savaşı, Herbert Uells

Adı	Dünyaların Savaşı
Orijinal adı	The War of the Worlds
Yazar	Herbert Uells
Azərbaycan dilinə tərcümə edən	Kifayət Haqverdiyeva
Səhifə sayı	112
Format	Karton örtük
ISBN	9789952241907
Növü	Elmi fantastika, Ədəbiyyat, Roman
Dil	Azərbaycan
Ölkə	Azərbaycan, Birləşmiş Krallıq
Nəşriyyat	Altun Kitab
Çap tarixi	2014
Orijinal çap tarixi	1898
Başladığım tarix	02.06.2020, 12:24
Bitirdiyim tarix	05.06.2020, 14:42
Bitirdiyim gün	4

Dünyaların Savaşı Herbert Uellsin oxuduğum ilk əsəridir. Altun Nəşriyyat kitabın Azərbaycan dilində tərcüməsində niyə Dünyaların Müharibəsi yox məhz Dünyaların Savaşı deyə tərcümə edib bilmədim. Kitabla bağlı gördüyüm təkcə nöqsan bu oldu. Əslində bu kitabın deyil nəşriyyatın nöqsanıdır. Herbert Uells, elmi fantastika adlı bir janrın yaranmasında şorbaya duz atan deyil, şəxsən suyu qızdıran, lazımlı ədviyyatları qazana atan, bir sözlə yeməyi hazırlayan aşpazdır. Digərləri isə eyni yeməyi bişirməyə çalışan gənc aşpazlardır. Buynuzun qulağı ötdüyü oxuduğum əsərlər olub onların haqlarına girə bilmərəm.

Herbert Uellsi üstün edən bu janrın təməllərini qoyması və fantastik olmasına baxmayaraq əsərində realist tənqidi yanaşmasıdır. Dünyaların Savaşında dövrün əhəmiyyətli inkişaflarına əsaslanan daha irəliyə baxan bir fantastika var. Marslılar dünyaya hücum edir və insanlıq heç bir şəkildə qarşılıq verə bilmir. Marslıları məhv edən şeyin, burada qeyd edərək oxumayanlara spoyler verməmək üçün hadisənin açar nöqtəsi olan əsas hissəsidir. Fantastik tərəf ondan ibarətdir ki, yadplanetlilər hücum edir və realist tərəf isə insanlığın ortaq düşmənə necə reaksiya göstərəcəyidir. Kitabda bəhs edilən bir başqa realist məqam daim heyvanları ovlayan və onların təbii yaşayış yerlərini məhv edən insanların marslılar tərəfindən o əziyyət etdiyi canlılar kimi görülməsidir. Bu mövzuda əsərin ən yaxşı nümunəsi, ayaqlarımız altında əzilməməyə çalışan qarışqalar kimi insanların aciz vəziyyətə düşməsidir.

Koronavirusun yenidən yaranmasıyla bizi məhv edən bir amil ortaya çıxdı. Həyatımızın tarazlığı necə də alt-üst oldu gördük. O ovladığımız heyvanların meşədəki ovçulardan gizləndiyi kimi bizdə evimizdən çıxmırıq ki virus bizi ovlamasın. Hazırda bir-birimizlə məcburiyyətdən yaranan empatiya vəziyyətindəyik. Dünya olaraq empatiya qurduğumuz halda birliyimizi nə qədər davam etdirə biləcəyik bilinmir. Kitabda yazarın elmi olaraq təbii seleksiyaya çox vurğu etməsini çox bəyəndim. Məncə bu vəziyyət oxuculara maraqlı gələcək. Herbert Uells oxumaq humanist və realist bir perspektivə sahib olmaq üçün ən gözəl yollardan biridir.

Kitablarla bağlı təəssüratlarımı, onlardan götürdüyüm sitatları, həvəskar olaraq öz yazdığım şeir və elmi-fantastika əsərlərimi 1K səhifəmdə yazıram. Aşağıda qeyd etdiyim yazılar Dünyaların Savaşı romanından bəyəndiyim sitatlardır.

Ax, o qəribə gecə!

- Bu marslılar nəyin nəyidir ki?
- Biz nəyin nəyiyik ki?

Hər şey necə olur ki insan üçün yaradıla bilər?

İnsanlar sürü halında aclıq çəkir, qaçır, bir-birini əzir ..

Bəlkə, gələcək bizə deyil, marslılara məxsusdur. 📡🦠

Səhifə 110

Ən qəribəsi - az əvvəl arvadını ölmüş saydığın halda, yenidən onun əlindən tutmaqdır. 🦋

Səhifə 112

"Belə müharibə olmaz" dedi topçu. "Onsuz da heç vaxt müharibə olmadı; insanlarla qarışqalar arasında müharibə olar?"

Hələ yazılmamış kitablar xəyal qurmağı sevən bir insana çox cazibəli gələr.

İnsanlar boş yerə yaşamadıqları kimi boş yerə də ölmürdülər.

İnsanlar ac qalmağa başlayanda mülki hüquqlara hörmət azalırdı.

Ölüm zənn edildiyi qədər qorxulu deyil. Ölümü qorxulu edən ondan qorxulmasıdır.

Bəzən özümdən və ətrafımdakı dünyadan ayrı olduğumu hiss edirəm; hər şeyi zaman və məkanın kənarından, təsəvvür olunmayacaq qədər uzaq bir yerdən, bütün baş verənlərin şiddətindən və dəhşətindən uzaqda seyr etdiyimi hiss edirəm.