Sahib Axundov 1952-ci il aprel ayının 17-də Gəncə şəhərində ziyalı ailəsində anadan olmuşdur. 1968-ci ildə Gəncə şəhərindəki 1 saylı tam orta məktəbi, 1973-cü ildə isə Kirovabad Dövlət Pedaqoji İnstitutunun (indiki Gəncə Dövlət Universiteti) filologiya fakültəsini bitirmişdir. 1973—cü ilin sentyabr ayından 1974-cü ilin may ayınadık Ucar şəhər 5 saylı səkkizillik məktəbdə müəllim işləmişdir. 1974-cü ilin may ayından 1975-ci ilin iyun ayınadək hərbi xidmətdə olmuşdur. 1975-ci ilin sentyabr ayından 1982-ci ilin iyun ayınadək Ucar şəhər 5 saylı səkkizillik məktəbdə və qiyabi orta məktəbdə müəllim işləmişdir. 1976-cı ildə istehsalatdan ayrılmadan AMEA Nizami adına Ədəbiyyat İnstitutunda aspiranturada təhsil almış və 1983-cü ildə “Qasım bəy Zakirin lirikası” mövzusunda namizədlik dissertasiyası müdafiə edərək filologiya elmləri namizədi alimlik dərəcəsi almışdır.1982-ci ilin iyun ayından 1989-cu ilin may ayınadək AMEA Gəncə Elmi Mərkəzində elmi işçi vəzifəsində işləmişdir.1989-cu ilin may ayından 1995-ci ilin iyun ayınadək Azərbaycan Kənd Təsərrüfatı İnsitutunda (indiki Azərbaycan Dövlət Aqrar Universitetində) mətbuat sahəsində və müəllim işləmişdir. 1995-ci ilin iyun ayında Mədəniyyət İşçiləri Həmkarlar İttifaqı Gəncə Şəhər Komitəsinin sədri seçilmişdir. Hal-hazırda həmin vəzifədə işləyir və bununla paralel pedaqoji fəlaiyyətlə də məşğul olur. Doktorluq dissertasiyasını başa çatdırmışdır. 1992-ci ildən Azərbaycan Yazıçılar Birliyinin üzvüdür. 12 kitabı işıq üzü görmüşdür. 5 elmi monoqrafiyanln, 36 səhnə əsərinin, uşaqlar üçün yazılmış 32 poemanın, 2 povestin, çoxlu sayda şeir və hekayələrin müəllifidir. Əsərləri Gəncə, Mingəçevir, Ağdam, Füzuli Dövlət Dram Teatrlarının, Şahbuz Xalq Teatrının, habelə Gəncə Dövlət Kukla Teatrının səhnəsində tamaşaya qoyulmuşdur. Uşaqlar üçün Şeirləri Türkiyədə, İranda, Ukraynada və Özbəkistanda dərc olunmuşdur. 2013-cü ildə “Əməkdar mədəniyyət işçisi” fəxri adına layiq görülmüşdür.2015-ci ilin may ayından 2016-cı ilin may ayınadək müddətli Prezident təqaüdçüsü olmuşdur. Azərbaycan Mədəniyyət İşçiləri Həmkarlar İttifaqı Rəyasət Heyətinin və Gəncə Şəhər İctimai Nəzarət Şurasının üzvüdür. ”Nüfuz” qəzetinin təsisçisi və baş redaktorudur.

• «Əşrəf babanın arzusu», 1973-cü il. Bakı
• «Hafizin macərası», 1978-ci il. Bakı
• «Balaca qəhrəman», 1983-cü il. Bakı
• «Rövşənin nağılı», 1986-cı il. Bakı
• «Xalqın xilaskarı», 1989-cu il. Bakı
• «Durnalar qayıdanda», 1993-cü il. Bakı
• «Dadaş və dostları», 1994-cü il. Bakı
• «Üfüq və çəpişin nağılı», 1997-ci il. Bakı
• «Nərgiz və erməni quldurları», 1998-ci il. Bakı
• «Azərin igidliyi», 2008-ci il. Gəncə
• «Ata, ana və Tural», 2010-cu il.
• «Tülkü və dovşan», 2013-cü il. Gəncə
• «Qaşqa at və dayça», 2014-cü il. Bakı
• «Hədiyyə çələng», 2016-cı il. Moskva
• «Üçrəngli bayraq», 2018-ci il. Moskva
• «Səlimin arzusu», 2018-ci il. Bakı
• «Yaşarın qoçaqlığı», 2013-cü il. Gəncə
• «Qatar Sibirə gedir», 2014-cü il. Bakı
• «Daş», 2016-cı il. Moskva
• «Kimdir qorxaq», 2018-ci il. Moskva
• «Əliş, Vəliş və Gövhər», 2018-ci il. Bakı
• «Elman və Bozdarın nağılı», 2013-cü il. Gəncə
• «Gecikmiş bahar», 2014-cü il. Bakı
• «Müzadilin xoruzu», 2016-cı il. Moskva
• «Qoçaq Qabil», 2018-ci il. Moskva
• «Yaralı bülbül», 2018-ci il. Bakı
• «Toğrul qayası», 2018-ci il. Moskva
• «Lovğa tülkü», 2018-ci il. Bakı
• «Qaçırılmış köynək», 2018-ci il. Moskva
• «Qar adam», 2018-ci il. Bakı
• «Sehrli çıraq», 2018-ci il. Moskva
• «Dava-dava” oyunu», 2018-ci il. Bakı

• «Tərlan müəllimə və onuncular»

• «Bir ovuc torpaq», 1989-cu il. Gəncə Kukla Teatrı
• «Maşın», 1991-ci il. Gəncə Kukla Teatrı
• «İşıqgələn», 2003-cu il. Gəncə Kukla Teatrı
• «Dartma, yaxam çırıldı», 2010-cu il. Gəncə Kukla Teatrı
• «Yaponlar gəlir», 2011-ci il. Gəncə Kukla Teatrı
• «Məktəb əhvalatları», 2010-cu il. Gəncə Kukla Teatrı
• «Müdir», 2013-cü il. Gəncə Kukla Teatrı
• «Brilyant üzük», 2011-ci il. Gəncə Kukla Teatrı
• «Bir çayxanada», 2010-cu il. Gəncə Kukla Teatrı
• «Xeyrullanın yolu», 2013-cü il. Gəncə Kukla Teatrı
• «Cənnət və Cəhənnəm», 2011-ci il. Gəncə Kukla Teatrı
• «Vicdan», 2010-cu il. Gəncə Kukla Teatrı
• «Ellilər», 2013-cü il. Gəncə Kukla Teatrı
• «Sadığın toyu», 2011-ci il. Gəncə Kukla Teatrı
• «Nazirin yuxusu», 2010-cu il. Gəncə Kukla Teatrı
• «Mən şaham», 2013-cü il. Gəncə Kukla Teatrı
• «Göydən gələn oğlan», 2011-ci il. Gəncə Kukla Teatrı
• «Daş», 2010-cu il. Gəncə Kukla Teatrı
• «Mesaj», 2013-cü il. Gəncə Kukla Teatrı
• «Qara günün pulu», 2010-cu il. Gəncə Kukla Teatrı
• «Cinayət cəzasız qalmır», 2013-cü il. Gəncə Kukla Teatrı
• «Köhnə qonşular», 2010-cu il. Gəncə Kukla Teatrı
• «Nyutonun evi», 2013-cü il. Gəncə Kukla Teatrı
• «Əsrin kəşfi», 2010-cu il. Gəncə Kukla Teatrı
• «Eh, cavanlıq, cavanlıq», 2013-cü il. Gəncə Kukla Teatrı
• «Görücü», 2010-cu il. Gəncə Kukla Teatrı
• «Ərköyün oğlan», 2013-cü il. Gəncə Kukla Teatrı
• «Oğrular», 2010-cu il. Gəncə Kukla Teatrı
• «Müdirin papağı», 2013-cü il. Gəncə Kukla Teatrı
• «Kişilik məktəbi», 2013-cü il. Gəncə Kukla Teatrı
• «Küçə iti», 2010-cu il. Gəncə Kukla Teatrı
• «Zəlzələ», 2013-cü il. Gəncə Kukla Teatrı
• «Tələbə qız», 2013-cü il. Gəncə Kukla Teatrı
• «Avtobusda evlənmə», 2010-cu il. Gəncə Kukla Teatrı
• «Qarğa», 2013-cü il. Gəncə Kukla Teatrı
• «Əziz Şuşa, biz qayıtmışıq», 2013-cü il. Gəncə Kukla Teatrı

• «100 dollar»
• «Məmmədhəsən əminin eşşəyi cəbhəyə gedir»

• «Qasım bəy Zakirin lirikası»
• «Qasım bəy Zakirin poetikası»
• «Əhməd Cavadın həyat və yaradıcılığının Gəncə dövrü»
• «Elm fədaisi (Mir Cəlal Paşayevin elmi-nəzəri görüşləri haqqında)»
• «Aşıq Ələsgər şeirlərinin sənətkarlıq xüsusiyyətləri»