İspaniya Avroviziya Uşaq Mahnı Müsabiqəsində ilk dəfə 2003-cü ildə iştirak etmişdir. Danimarkanın paytaxtı Kopenhagendə keçirilən müsabiqədə Serxionun ifa etdiyi "Desde el cielo" mahnısı ilə təmsil olunan İspaniya 16 iştirakçı ölkə arasında 125 xalla ikinci yeri qazanmışdır. Növbəti il isə İspaniya Mariya İzabelin təmsilində müsabiqədə ilk qələbəsini qazanmışdır. İspaniya televiziyası müsabiqədə əldə etdiyi uğurlu nəticələrə baxmayaraq 2007-ci ildə müsabiqədən kənarlaşmışdır. Ölkə bir daha Avroviziya Uşaq Mahnı Müsabiqəsinə 12 illik fasilədən sonra 2019-cu ildə geri dönmüşdür. Ölkə təmsilçisi Melani Qarsiya ifa etdiyi "Marte" mahnısı ilə İspaniyaya müsabiqədə 3-cü yeri qazandırmışdır.