İsmayıl Sadıqov 1941-ci il iyulun 15-də Naxçıvan şəhərində ziyalı ailəsində anadan olub. 1957–62-ci illərdə Azərbaycan Politexnik İnstitutunda təhsil alıb. Həmin institutun Materiallar müqaviməti kafedrasında müəllimlik fəaliyyətinə başlayıb. Kafedra müdiri vəzifəsinə qədər yüksəlib. 56 elmi məqalənin, dərslik və dərs vəsaitlərinin müəllifidir.

1994-cü ildə Beynəlxalq Mühəndislik Akademiyasının (Moskva şəhərində) müxbir üzvü, 2006-cı ildən Azərbaycan Mühəndislik Akademiyasının həqiqi üzvü olub.

Azərbaycan Respublikası Prezidentinin sərəncamları ilə 2005-ci ildə 3-cü dərəcə^{[mənbə göstərin]}, 2010-cu ildə isə 2-ci dərəcə dövlət müşaviri ixtisas dərəcəsinə^{[mənbə göstərin]}, 2006-cı ilin iyun ayında "Əməkdar dövlət qulluqçusu" fəxri adına layiq görülüb, 2011-ci ildə 1-ci dərəcəli "Vətənə xidmətə görə" ordeni ilə təltif olunub.

2023-cü il 12 dekabr tarixində vəfat edib.