Film ərazisi indiki Ermənistanı, Türkiyənin İğdır vilayətini və Naxçıvan Muxtar Respublikasının Şərur və Sədərək rayonlarını əhatə edən, Türkmənçay müqaviləsi nəticəsində Rusiya imperiyasına birləşdirilən İrəvan xanlığından bəhs edir.

Əsası XVIII əsrin ortalarında Mir Mehdi xan tərəfindən qoyulan xanlığın mərkəzi İrəvan şəhəri olub. Mənbələrə görə İrəvan şəhərinin əsasını səfəvi sərkərdəsi Rəvanqulu xan qoymuşdur. Filmdə həmçinin xanlığın yadelli düşmənlərə qarşı apardığı mübarizədən, azərbaycanlıların inşa etdikləri tarixi abidələrin sonradan burada məskunlaşan ermənilər tərəfindən məhv edilməsindən söhbət açılır.

Filmdə Foto-Kino Sənədləri Arxivinin və Teatr Tarixi Muzeyinin materiallarından, "Vətəndaşların Sosial Rifahı Naminə" Qeyri Hökumət Təşkilatının təşkil etdiyi "Qədim İrəvan xanlığının tarixi abidələri və mədəni irsi" sərgisinin materiallarından istifadə olunmuşdur.

Filmdə "İrəvanda xal qalmadı" mahnısı səslənir.

Film üzərində işləyənlər

Filmin baş məsləhətçisi: Hidayət Orucov

Müəllif: Füzuli Sabiroğlu

Operatorlar: Sərvər Rəşidoğlu, Taleh Mahmudov, Rövşən Quliyev, Fuad Nəzərov, Azad İbrahimov

Montaj: Azər Süleymanov

Rejissor assistenti: Rüstəm Məlikov

Mətni oxuyan: Məmməd Səfa (Məmmədsəfa Qasımov kimi)

Səs rejissoru: Mixail Pototski

Koordinator: Anar Şuşalı

Baş redaktor: Akif Arifoğlu

Şəxsi arxiv materiallarından istifadə edilən şəxslər: İsrafil Məmmədov, Nazim Mustafa, Zərbəli Qurbanov, Cəmşid Xəlilov, Əli Vəkil, Vidadi Əliyev

Kitablarından istifadə edilən müəlliflər: Əsgər Zeynalov ("İrəvan ziyalıları"), Əziz Ələkbərli ("Qərbi Azərbaycan abidələri"),