İrəc İsmayıllı 1961-ci ilin oktyabr ayının 15-də Cənubi Azərbaycanın (İran) Urmiya şəhərində anadan olmuşdur. İbtidai və orta təhsilini Urmiyada almışdır. Erkən yaşlarından milli azadlıq mübarizəsinə qoşulmuşdur. Ötən əsrin 80-ci illərin ortalarından siyasi səbəblər üzündən vətəni tərk etməyə məcbur olmuş, Norveçə mühacirət etmişdir.

Hal-hazırda Norveçin Stavanger şəhərində yaşayır. 1991–1995-ci illərdə Norveçin Stavanger Universitetinin bakalavr, (1995–1996) Böyük Britaniyanın Heriott-Watt Universitetinin magistratura pillələrini bitirmişdir.

Bir müddət Stavanger şəhərində Azərbaycan Mədəniyyət Mərkəzinə rəhbərlik etmişdir. Həmin şəhərin mərkəzi kitabxanasında Azərbaycan dilində kitablardan ibarət bölmənin yaradılmasında mühüm rol oynamışdır. Müxtəlif illərdə Norveçdə neft şirkətində mühəndis kimi fəaliyyət göstərmişdir. Daha çox bədii tərcümə və lüğətçilik sahəsində fəaliyyət göstərən müəllifin əsərləri Avropa və Amerikanın müxtəlif nüfuzlu nəşriyyatlarında işıq üzü görmüşdür.

Azərbaycan, ingilis, norveç, rus və fars dillərini bilir.

Ailəlidir, üç övladı var.

• Modern Azerbaijanian Prose (with prof. Vagif Sultanly), Bloomington, Trafford publishing, 2012.
• Modern Azerbaijani Women’s Prose (with prof. Vagif Sultanly), Bloomington, Traffford publishing, 2014.
• Norwegian-Azerbaijani dictionary. Stavanger, 2016.
• Azerbaijani-Norwegian dictionary. Stavanger, 2017.
• Güney Azərbaycan nəsri (Vaqif Sultanlı ilə). Bakı, Nurlar, 2017.
• Modern Azerbaijani Prose (Anthology). 2nd Edition with additions (with prof. Vagif Sultanly), Bloomington: Trafford publishing, 2019, 634 p.

;

• "Güney Azərbaycan nəsri" antologiyası çapdan çıxıb.
• "Güney Azərbaycan nəsri" antologiyası nəşr edildi