Çullu — Azərbaycan Respublikasının Cəbrayıl rayonunun Qazanzəmi kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Cəbrayıl rayonunun Dağ Tumas kənd Sovetindən Çullu kəndi Qazanzəmi kənd Sovetinin tərkibinə verilmişdir. 23 avqust 1993-cü ildə Ermənistan Respublikası Silahlı Qüvvələri tərəfindən işğal olunmuşdur. 28 oktyabr 2020-ci ildə Azərbaycan Respublikası Silahlı Qüvvələri tərəfindən işğaldan azad edilmişdir.
| Çullu | |
|---|---|
| 39°12′15″ şm. e. 47°00′20″ ş. u. | |
| Ölkə | |
| Tarixi və coğrafiyası | |
| Mərkəzin hündürlüyü | 840 m |
| Saat qurşağı | |
|
| |
Toponimikası
"Azərbaycan toponimlərinin ensiklopedik lüğəti"nə əsasən kənd ilkin adı Çollu olub. Bu ad hun mənşəli Çol tayfasının adı ilə bağlı idi.
Tarixi
Rusiya imperiyası illərində Çullu kəndi Yelizavetpol quberniyasının Cəbrayıl qəzasının tərkibində idi. Sovet hakimiyyəti illərində kənd Azərbaycan SSR-in Cəbrayıl rayonunun tərkibində olub.
Birinci Qarabağ müharibəsi nəticəsində 1993-cü ilin avqustunda Ermənistan silahlı qüvvələri tərəfindən işğal edilib. Daha sonra DQR rəhbərliyi kəndin ərazisini DQR-in Kaşatağ rayonuna daxil edib.
2020-ci il oktyabrın 28-də Azərbaycan prezidenti İlham Əliyev Cəbrayıl rayonunun Çullu kəndinin Azərbaycan Silahlı Qüvvələrinin nəzarətinə keçdiyini bəyan edib.
Əhalisi
“1886-cı il ailə siyahılarından çıxarılmış Zaqafqaziya bölgəsinin əhalisi haqqında statistik məlumatların məcəlləsi”nə əsasən Cəbrayıl r-nunun Kövşütli kənd dairəsinin Çullu kəndində 22 tüstü və 88 azərbaycanlı (“tatarlar” kimi qeyd olunur) yaşayırdılar, dincə şiə və kəndli idilər.
1912-ci il üçün “Qafqaz təqvimi”nə əsasən, Qaryagin qəzasının Çullu kəndində “tatar” kimi qeyd olunan əsasən azərbaycanlılardan ibarət 165 nəfər yaşayırdı.
Azərbaycan SSR (AzNHU) Xalq Təsərrüfatı İdarəsinin 1933-cü ildə hazırladığı “ASSR-in inzibati bölgüsü” nəşrində 1933-cü il yanvarın 1-nə olan məlumata görə, Dağtumas kəndinin tərkibində olan Çullu kəndində Azərbaycan SSR Cəbrayıl rayon Sovetinin tərkibində 35 təsərrüfat və 184 nəfər sakin yaşayırdı. Kənd sovetinin bütün əhalisi azərbaycanlılar (mənbədə “türklər”) idi.
Həmçinin bax
İstinadlar
- Azərbaycan Respublikasının Dövlət Statistika Komitəsi. (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.
- . 2022-05-02 tarixində . İstifadə tarixi: 2022-09-24.
- . qafqazinfo.az (az.). 28 oktyabr 2020. 2020-10-29 tarixində . İstifadə tarixi: 28 oktyabr 2020.
- Azərbaycan toponimlərinin ensiklopedik lüğəti. I. Б.: Şərq-Qərb. Под ред. Р. Алиевой. 2007. 144. ISBN 978-9952-34-155-3.
- . 2020-10-31 tarixində . İstifadə tarixi: 2020-10-28.
|
Cəbrayıl rayonu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.
|