Çərəkən — Azərbaycan Respublikasının Cəbrayıl rayonunun Çərəkən kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Cəbrayıl rayonunun Çərəkən kəndi Horovlu kənd Sovetindən ayrılaraq, bu kənd mərkəz olmaqla Çərəkən kənd Soveti yaradılmışdır. 1993-cü ildə Ermənistan Respublikası Silahlı Qüvvələri tərəfindən işğal olunmuşdur. 4 oktyabr 2020-ci ildə Azərbaycan Respublikası Silahlı Qüvvələri tərəfindən işğaldan azad edilmişdir.
| Çərəkən | |
|---|---|
| 39°24′57″ şm. e. 47°03′59″ ş. u. | |
| Ölkə | |
| Tarixi və coğrafiyası | |
| Mərkəzin hündürlüyü | 500 m |
| Saat qurşağı | |
|
| |
Tarixi
Kənd Çere adlanan ərazidə salınmışdır. Rusiya imperiyası illərində Çərəkanlu (Çarakən) kəndi Yelizavetpol quberniyasının Cəbrayıl qəzasının (sonralar - Qaryagin) tərkibində olub. Sovet hakimiyyəti illərində kənd Azərbaycan SSR-in Cəbrayıl rayonunun tərkibində olub.
Birinci Qarabağ müharibəsi nəticəsində 1993-cü ilin avqustunda Ermənistan silahlı qüvvələri tərəfindən işğal olunub. 2020-ci il oktyabrın 4-də Azərbaycan Prezidenti İlham Əliyev xalqa müraciətində bildirib ki, Azərbaycan ordusu Cəbrayıl rayonunun 9 yaşayış məntəqəsini: Karxulu, Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı- Maralyan və Dəjəl. BBC xəbər verir ki, peykdən çəkilmiş görüntülərə görə Azərbaycanın cənubda tutduğu bütün kəndlər xarabalıqdadır və 1990-cı illərin əvvəllərində azərbaycanlı əhali irəliləyən ermənilərdən xilas olmaq üçün kəndləri tamamilə və ya qismən tərk edilmişdir. 21 oktyabr 2020-ci il tarixində Azərbaycan Müdafiə Nazirliyi Çərəkən kəndinin Azərbaycanın nəzarəti altında olduğunu iddia etdiyi videogörüntülər yayıb..
Toponimikası
Kənd Çərə adlı sahədə salınmışdır. Çərə (örüş yeri) və kənd (d səsi sonralar düşmüşdür) komponentlərindən düzəlmiş bu oykonim "örüş yerində salınmış kənd" mənasındadır. 1933-cü ildə kəndin adı Çərəkənt variantında qeydə alınmışdır.
Coğrafiyası və iqlimi
Kənd düzənlikdə yerləşir.
Əhalisi
“1886-cı il ailə siyahılarından çıxarılmış Zaqafqaziya bölgəsinin əhalisinin sayına dair statistik məlumatlar məcəlləsi”nə əsasən, Hacılı kənd dairəsinin Çərəkanlu kəndində 38 tüstü və məzhəbinə görə sünni və kəndli olan 165 azərbaycanlı ("tatarlar" kimi qeyd olunur) yaşayırdı.
1912-ci il “Qafqaz təqvimi”nə əsasən, Qaryagin qəzasının Çərəkən kəndində 309 nəfər, əsasən təqvimdə “tatar” kimi göstərilən azərbaycanlılar yaşayırdı.
Tanınmış şəxsləri
- Rauf Vəliyev — "Azərbaycan Xəzər Dəniz Gəmiçiliyi" Qapalı Səhmdar Cəmiyyətinin sədri.
İqtisadiyyatı
Kənd əhalisinin əsas məşğuliyyətini heyvandarlıq təşkil edib.
İstinadlar
- Azərbaycan Respublikasının Dövlət Statistika Komitəsi. (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.
- . 2022-05-02 tarixində . İstifadə tarixi: 2022-09-24.
- . qafqazinfo.az (az.). 4 oktyabr 2020. 2020-10-09 tarixində . İstifadə tarixi: 4 oktyabr 2020.
- . 2020-10-26 tarixində . İstifadə tarixi: 2020-10-27.
- . ВВС. 04.10.2020. 2020-11-03 tarixində . İstifadə tarixi: 2020-10-27.
- // Azərbaycan toponimlərinin ensiklopedik lüğəti. I cild. Bakı: Şərq-Qərb. 2007. 304. ISBN 978-9952-34-155-3.
- Свод статистических данных о населении Закавказского края, извлеченных из посемейных списков 1886 г. Тф. 1893. 234.
- Кавказский календарь. Тф. 1911. 223.
- 2016-07-04 at the Wayback Machine. acsc.az (az.)
Həmçinin bax
|
Cəbrayıl rayonu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.
|