Keçmişdə çoko sake içmək üçün yox, sirkə və sousları saxlamaq üçün istifadə olunan adi qab növü idi. Edo dövründə sake içmək üçün istifadə olunmağa başlamışdır. Belə ki, bu dövrdə sakedəki spirtin faizi artdığı üçün çoko gibi kiçikölçülü fincandan sake içmək daha uyğun idi.

Adətən çokunun içərisində iki göy halqa təsviri olur. Bu halqalar kikiçoko adlanır və sakeni dadarkən istifadə olunur. Halqaların rəngi standart olduğu üçün sakeni içən şəxs halqalara baxaraq sakenin saflığı və keyfiyyəti haqqında məlumat deyə bilər.

Çokonun həcmi 20–90 millilitr olur. Adətən sake butulkası olan tokkuri ilə birlikdə istifadə olunur. Sake süzülərkən tokkurinin ağzının çokoya dəyməməsinə diqqət yetirilir və sake çokonun 80% həcminə qədər doldurulur. Sakeni başqa şəxs süzürsə, içən şəxs sake süzülərkən çokonu havada tutmalıdır.

Çoko adətən keramikadan hazırlanır, lakin qalay, saxsı, şüşə və ya titandan da hazırlana bilər. Saxsıdan hazırlanan çoko sakenin şirinliyini artırır və ilıq sake üçün uyğundur. Keramikadan hazırlanan çoko quru sakeni içmək üçündür. Qalaydan hazırlanan çoko isə sakedəki dadını yumşaldır.