Dəlik 6 yanvar 2024-cü ildə Çikaqoda fəaliyyət göstərən komediyaçı və yazıçı Vinslov Dumaynın tvitindən sonra məşhurlaşmışdır. Paylaşım viral olmuş, bir çox çikaqolunun bu dəliyə axın etməsinə ("həcc" kimi təsvir olunmuşdur) səbəb olmuşdur. Çikaqolular dəliyə sikkə, gül, şam, pendir, siqaret, içki, oyuncaq, yemək və estradiol həbi kimi hədiyyələr qoymuşdurlar. Bir qrup ziyarətçi Çikaqoya məxsus "" içkisini dəlik üçün qurban kimi qoymuşdurlar. Tarix Cəmiyyəti dəliyin yerləşdiyi ərazi üçün plakat hazırlamışdır.

Dəlik 2024-cü ildə məşhurlaşsa da, yerlilərin məlumatına görə azı 20–30 il mövcuddur. Yerli komandası 2018-ci ildən etibarən siçovuldan qeyri-rəsmi talisman kimi istifadə edir. 10 yanvar 2024-cü ildə İllinoysun 11-ci rayonunun ştat nümayəndəsi dəlik haqqında onlayn video paylaşaraq onu "11-ci rayonunun cəvahiri" adlandırmışdır.

11 yanvar 2024-cü ildə Leykvyu Rokso-Villeycin Ticarət Palatası siçovul dəliyi üçün ad təklifləri qəbul etməyə başlamışdır. 19 yanvarda 2024-cü ildə finalçı adlar açıqlanmış və 21 yanvara qədər sakinlər arasında səsvermə başladılmışdır: "Lil Staki", "Splatatuy", "Splat", "Rosko Rod-dent" və "Dibs". "Splatatuy" qalib ad seçilmişdir.

19 yanvar 2024-cü ildə naməlum bir qrup dəliyi gips və ya sementlə doldurmuşdur. Şəhər rəsmiləri dəliyi doldurmadıqlarını təsdiqləmişdirlər. Enn Vilyams video paylaşaraq "xəbərdan çox məyus olduğunu" bildirmişdir. Yerli sakinlər dəliyi qazmağa çalışmışdır. Nəhayət bir qadın dəliyi təmizləməyi bacarmış və orijinal vəziyyətə gətirmişdir. Restarvasiyadan sonra Vilyams "bax, icmanın mənası budur" yazmışdır. Qısa müddət sonra dəlik yaxınlığında nişan və evlilik mərasimi baş tutmuşdur. Küçənin bəzi sakinləri dəliyin məşhurluğundan bezdiklərini açıqlamış, bəziləri ictimai narahatlıq, vandalizm və zibillikdən şikayətlənmişdirlər. 24 aprel 2024-cü ildə Çikaqo Nəqliyyat Departamenti dəliyin yerləşdiyi səki plitəsini götürmüş, lakin dəliyin özünü qorumuşdurlar. Şəhər rəsmilərinin səki plitəsi ilə nə planlaşdırdıqları naməlumdur.

Çikaqo siçovul dəliyi digər yerlərdəki oxşar dəliklərin də məşhurlaşmasına səbəb olmuşdur. Virciniya ştatının Riçmond şəhərində yerləşən, silah formasındakı dəlik yerli sakinlərin axınına məruz qalmışdır.

Dəliyin populyar adına baxmayaraq, yerli sakinlər onun sincab tərəfindən səbəb olduğuna inanırlar. Şəhər Vəhşi Təbiəti İnstitutunun direktoru Set Maqleyə görə bir sincab ağacdan yaş betonun üstünə düşmüşdür. Magleyə görə dəliyin siçovul tərəfindən yaradılığını müdafiə edənlərin nazik quyruğu dəlil kimi göstərmələri nəzərə alınmamalıdır, çünki quyruğun xəzi tam iz buraxmır. Bu nəzəriyyəni dəstəkləyən başqa bir arqument yerli sakinlərdən birinin keçmişdə bu yerdə palıd ağacının yerləşdiyini bildirməsidir.

•  
  Dəliyə qoyulmuş penni.
•  
  Sikkələrlə doldurulmuş dəlik.
•  
  Dəlik üçün qoyulmuş lövhə.
•  
  Dəliyin götürülməsi

• (Flickr)