Bolnisi - Haqqinda Melumat

Bolnisi
	Şəhər
Bolnisi
	gürc. ბოლნისი
Bayraq	Gerb
	41°26′58″ şm. e. 44°32′31″ ş. u.
Ölkə	Gürcüstan
Region	Kvemo-Kartli
Tarixi və coğrafiyası
Əsası qoyulub	1818
Yaşayış məntəqəsi statuslu	1967
Sahəsi	4,63 km²;
Mərkəzin hündürlüyü	222±1 m
İqlimi	subtropik
Saat qurşağı	UTC+4 , yayda UTC+5
Əhalisi
Əhalisi	11.000 nəfər (2014)
Etnoxronim	bolnisli
Rəsmi dili	Gürcü dili
Rəqəmsal identifikatorlar
Telefon kodu	+995 358
Poçt indeksi	1100
Digər
	(gürc.)
	Vikianbarda əlaqəli mediafayllar

Bolnisi (azərb. Qəmərli‎) — Gürcüstan Respublikasının Aşağı Kartli diyarında şəhər, Bolnisi bələdiyyəsinin inzibati mərkəzi.

Tarix

Bolnisi şəhəri azərbaycanlılar tərəfindən tarixən Çörük Qəmərli kimi adlandırılmışdır. Bununla yanaşı rayonun bəzi yerlərində əski türk dilində "Bol və ulus" (çoxmillətli) sözlərinin birləşməsindən yarandığı ehtimal edilən "Bolus" sözü ilə əlaqəli bir çox toponimlərin olması da diqqəti çəkir.

Bolnisi qəsəbə olaraq 1818-ci ilin payızı - 1819-cu ilin yayında Vürtemberq Krallığından Çar Rusiyası tərəfindən Qafqaza köçürülmüş almanlar üçün təşkil edilmiş, qəsəbə Rus imperatoru I Pavelin (1796-1801) qızı və Vürttemberq kraliçası Yekaterina Pavlovnanın şərəfinə Yekaterinenfeld (almanca Katharinenfeld) adlandırılmışdır. Burada məskunlaşdırılmış 116 alman ailəsinə 3913.1155 desyatin torpaq sahəsi verilmişdi.

Gürcüstanda Sovetlər Birliyi qurulduqdan sonra 1921-ci ildə o, Almaniyada doğulmuş yəhudi əsilli kommunist inqilabçı Roza Lüksemburqun şərəfinə Lüksemburq adını daşımışdır. 15-30 oktyabr 1941-ci ildə burada məskunlaşmış alman əsilli əhali məcburi şəkildə Qazaxıstana deportasiya olundu.Almanların sürgün edilməsindən sonra 3 aprel 1943-cü ildə Lüksemburq qəsəbəsinin adı Bolnisi qəsəbəsi olaraq dəyişdirildi.

Fiziki-coğrafi mövqeyi

Bolnisi şəhəri Gürcüstanın cənub-şərqində Maşavera çayının üzərində dəniz səviyyəsindən 520-600 metr yüksəklikdə, Rustavi şəhərindən 65 km qərbdə, paytaxt Tiflisdən isə 63 km cənub-qərbdə yerləşir. Havanın orta illik temperaturu 12 °C, o cümlədən yanvarda 0,0-0,3 °C, iyulda 23,6 °C, mütləq maksimum temperatur 40 °C, mütləq minimum temperatur -25 °C, illik yağıntı 400–500 mm təşkil edir.

Əhali

Gürcüstanda 2002-ci ildə aparılmış sonuncu əhali siyahıyaalmasının nəticələrinə görə şəhərin əhalisi 2.614 ailədə 9.938 nəfərdən ibarət olmuşdur .

1941-ci ildə almanların Sibir və Qazaxıstana sürgün edilərək onların yerinə gürcülərin yerləşdirilməsi və 80-ci illərin sonlarında baş vermiş milli qarşıdurma zamanı aparılmış etnik təmizləmə əməliyyatları zamanı azərbaycanlıların gürcülər tərəfindən Bolnisidən deportasiya edilməsi ilə əlaqədar olaraq şəhərin etnik mənzərəsi tam dəyişmişdir. Gürcü milliyətçilərinin azərbaycanlılara qarşı hücumları zamanı 800 azərbaycanlı ailəsi zorla öz evlərindən qovulmuş, onların bütün əmlakı və torpağı əllərindən alınmışdır. Hazırda azsaylı erməni ailələri çıxılmaqla Bolnisi yalnız gürcülərdən ibarət monoetnik şəhərə çevrilmişdir.

Mədəniyyət

Hazırda şəhərdə 3 dövlət ümumtəhsil məktəbi, 1 orta ixtisas məktəbi, 2 kitabxana, 1 teatr, 1 muzey və MV adını daşıyan 1 teleşirkət fəaliyyət göstərir.

Qalereya

Bolnisidən bir görünüş
Bolnisidə bir kilsə
Bolnisinin girişi
Katarinenfeld (bugünkü Bolnisi, 1941)
Alman immiqrantlar abidəsi
Mədəniyyət evi
Bolnisi muzeyi
Bolnisinin tarixi küçələrindən biri
Tamaz Stepanyan adına stadion
Bolnisi bələdiyyə binası
Bolnisinin xəritəsi

İstinadlar

(gürc.). საქართველოს ფოსტა.
Болниси // Азәрбајҹан Совет Енсиклопедијасы: [ 10 ҹилддә]. II ҹилд: Балзам— Гајдар. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1978. С. 239.
Borçalı toponimləri. Müəlliflər: Mədəd Çobanov və Müşfiq Çobanlı; Elmi redaktorlar: f. e. d. Tofiq Əhmədov, f. e. d. Buludxan Xəlilov, f. e. d. Şurəddin Məmmədli. Əlavələr olunmuş və yenidən işlənmiş dördüncü nəşr. Bakı: "Borçalı" nəşriyyatı, 2012, səh. 158.
Müşfiq Borçalı. (az.). zim.az. 2016-05-11 tarixində . İstifadə tarixi: 2016-05-11.
Зейналова С.М. 2012-12-09 at the Wayback Machine – Баку: Мутарджим, 2008., стр. 219
Зейналова С.М. 2012-12-09 at the Wayback Machine – Баку: Мутарджим, 2008., стр. 220
Зейналова С.М. 2012-12-09 at the Wayback Machine – Баку: Мутарджим, 2008., стр. 318
Gürcüstan Milli Elmlər Akademiyasının akademiki, filologiya elmləri doktoru, professor Şurəddin Məmmədlinin müəllifi olduğu və 1997-ci ildə yayınlanmış "Alın yazımız" kitabı əsasında hazırlanmış "Borçalı tarixi" elektron kitabı. 2012-09-02 at the Wayback Machine
(PDF). 2009-03-06 tarixində (PDF) arxivləşdirilib. İstifadə tarixi: 2009-08-28.
. 2019-08-10 tarixində arxivləşdirilib. İstifadə tarixi: 2019-08-10.

2008-11-18 at the Wayback Machine

Həmçinin bax

Xarici keçidlər

[_c353dcc970773978-1] (gürc.). საქართველოს ფოსტა.

[2] Болниси // Азәрбајҹан Совет Енсиклопедијасы: [ 10 ҹилддә]. II ҹилд: Балзам— Гајдар. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1978. С. 239.

[3] Borçalı toponimləri. Müəlliflər: Mədəd Çobanov və Müşfiq Çobanlı; Elmi redaktorlar: f. e. d. Tofiq Əhmədov, f. e. d. Buludxan Xəlilov, f. e. d. Şurəddin Məmmədli. Əlavələr olunmuş və yenidən işlənmiş dördüncü nəşr. Bakı: "Borçalı" nəşriyyatı, 2012, səh. 158.

[4] Müşfiq Borçalı. (az.). zim.az. 2016-05-11 tarixində . İstifadə tarixi: 2016-05-11.

[стр._219-5] Зейналова С.М. 2012-12-09 at the Wayback Machine – Баку: Мутарджим, 2008., стр. 219

[стр._220-6] Зейналова С.М. 2012-12-09 at the Wayback Machine – Баку: Мутарджим, 2008., стр. 220

[стр._318-7] Зейналова С.М. 2012-12-09 at the Wayback Machine – Баку: Мутарджим, 2008., стр. 318

[səh._43-8] Gürcüstan Milli Elmlər Akademiyasının akademiki, filologiya elmləri doktoru, professor Şurəddin Məmmədlinin müəllifi olduğu və 1997-ci ildə yayınlanmış "Alın yazımız" kitabı əsasında hazırlanmış "Borçalı tarixi" elektron kitabı. 2012-09-02 at the Wayback Machine

[9] (PDF). 2009-03-06 tarixində (PDF) arxivləşdirilib. İstifadə tarixi: 2009-08-28.

[10] . 2019-08-10 tarixində arxivləşdirilib. İstifadə tarixi: 2019-08-10.