Vikipediya ?

Yusif Şeyxov

Yusif Mənsur oğlu Şeyxov (d. 2 fevral 1951) — Azərbaycan ssenaristi, Azərbaycanın əməkdar mədəniyyət işçisi (2000), Azərbaycan Respublikası Mədəniyyət və Turizm Nazirliyinin sektor müdiri.

Yusif Şeyxov
Yusif Şeyxov.jpg
Doğum tarixi 2 fevral 1951 (1951-02-02) (68 yaş)
Doğum yeri Bakı
Vətəndaşlığı Flag of Azerbaijan.svg Azərbaycan
Flag of the Azerbaijan Soviet Socialist Republic.svg Azərbaycan SSR
Peşəsi Ssenarist
Təhsili
Fəaliyyət illəri 1964-indiyədək

Mündəricat

Həyatı

Yusif Şeyxov 1951-ci il fevralın 2-də Bakıda anadan olub. Burada 23 saylı orta məktəbi bitirib. İki il (1969-1970) Neft-Kimya İnstitutunda, 1970-1975-ci illərdə İncəsənət İnstitutunun Rejissorluq fakültəsində təhsil alıb.

Fəaliyyəti

Yusif Şeyxov 13 yaşında məşhur olarkən Sehrli xalat filmində pioner Eldar rolunda çəkilib. Sonradan "Azərbaycanfilm" kinostudiyasında, 1979-1985-ci illərdə isə Dövlət Kinematoqrafiya Komitəsində müxtəlif vəzifələrdə çalışıb. 1985-1989-cu illərdə "Azərkinoprokat" idarəsinin müdiri işləyib. 1990-2001-ci illərdə "Azərkinovideo" birliyində baş direktor müavini vəzifəsində çalışıb. Kinoya bağlılıq uşaqlıq yaşlarından – "Sehrli xalat" filmində baş rollardan birinə çəkildikdən sonra yaranıb. Bir neçə sənədli ("Qobustan", "Portret. Tokay Məmmədov", "Dua" və b.), animasiya ("Qızıl", "İt sərgisi") fiminin, eləcə də "Arxada qalmış gələcək" bədii filminin ssenari müəllifidir. "Mozalan" kinojurnalı üçün süjetlər yazıb: "Tövbə", "Halal" və s.

Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar mədəniyyət işçisi fəxri adına layiq görülmüşdür.

Filmoqrafiya

Aktyor kimi

  1. Sehrli xalat (film, 1964)(tammetrajlı bədii film)


Rejissor assistenti kimi

  1. Dantenin yubileyi (film, 1978)(tammetrajlı bədii film)
  2. Yarımçıq qalmış mahnı (film, 1979)(tammetrajlı bədii film)


Ssenari müəllifi kimi

  1. Arxada qalmış gələcək (film, 2004)(tammetrajlı bədii film)
  2. Anarın anları (film, 2008)
  3. Nizami (film, 2012)
  4. Sübhdən başlanan həyat (film, 2015)
  5. Hədiyyə (film, 2016)(qısametrajlı bədii film)
  6. Dua (film, 2008) (sənədli)
  7. Qızıl (film, 2007) (animasiya)
  8. İt sərgisi


Redaktor kimi

  1. Cavid ömrü (film, 2007)(tammetrajlı bədii film)
  2. Axınla aşağı (film, 2014)(tammetrajlı bədii film)
  3. 4.1 şəhər motivləri (film, 2015) (kinoalmanax)
  4. Yarımçıq xatirələr (film, 2015)(tammetrajlı bədii film)

İstinadlar

  1. Günel. Kino xadimi Yusif Şeyxovun 60 yaşı tamam olur //525-ci qəzet.- 2011.- 2 fevral.- S. 7.

Xarici keçid

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019