Vikipediya ?

Yuri Baliyev

Yuri Nikolayeviç Baliyev (rus. Юрий Николаевич Балиев) — Azərbaycan teatr və kino aktyoru, Azərbaycanın xalq artisti (2000), Prezident təqaüdçüsü (2006-2018).

Yuri Baliyev
rus. Юрий Балиев
Yuri Baliyev.jpg
İlk adı Yuri Nikolayeviç Baliyev
Doğum tarixi 23 aprel 1949(1949-04-23)
Doğum yeri İzberbaş, Dağıstan
Vəfat tarixi 27 mart 2018 (68 yaşında)
Vəfat yeri Bakı, Flag of Azerbaijan.svg Azərbaycan
Vəfat səbəbi xərçəng xəstəliyi
Həyat yoldaşı Natalya Baliyeva
Uşağı Artur Baliyev
Vətəndaşlığı
Peşəsi aktyor
IMDb

Mündəricat

Həyatı

Yuri Baliyev 23 aprel 1949-cu ildə Dağıstanda anadan olub.

O, 1975-ci ildə F. Volkov adına Yaroslavl Teatr Məktəbinin aktyorluq fakültəsini bitirmişdir. Həmin ildən Azərbaycan Dövlət Rus Dram Teatrının aktyor truppasına qəbul edilən Yuri Baliyev ömrünün sonuna kimi taleyini bu sənət ocağı ilə bağlamışdır. Tanınmış sənətçi doğma teatrın səhnəsində və kinoda yaddaqalan, maraqlı, rəngarəng obrazlar qalereyası yaratmışdır. Onun böyük ustalıqla ifa etdiyi Qraf Qloster (U.Şekspir “Kral Lir”), Roqojin (F.Dostoyevski “Əbləh”), Şamrayev, Smirnov (A.Çexov “Qağayı”, “Ayı”), Kapitan Bernardo (L.de Veqa “Nə yardan doyur, nə əldən qoyur”), Koşon (J.Anuy “Torağay”), Semyon (İ.Babel “Qürub”), Marko (A.Miller “Körpüdən mənzərə”), Bertye (F.Brukner “I Napoleon”), Çingizxan (M.Şaxanov “Çingizxanın sirri”), İxtiyar (N.Xəzri “Burla Xatun”), Farisey (A.Volodin “İsanın anası”), Zabit, Həkim (Elçin “Cəhənnəm sakinləri”, “Teleskop”), Professor (N.Rəsulzadə “Nonsens”), Kazarin (M.Lermontov “Maskarad”), Qonaq (N.Gəncəvi “Yeddi gözəl”), Çuqunov, Lupaçov (A.Ostrovski “Qurdlar və quzular”, “Gözəl kişi”), Burqomistr (V.Korkiya, A.Lavrin “Kazanova: sevgi dərsləri”), Knyaz Didiani (Q.Səid “Əli və Nino”), Maks (V.Denisov “Sanset bulvarı”) və başqa obrazlar teatr tarixinin parlaq səhifələrini təşkil edir.

Yuri Baliyev bundan başqa bir neçə filmlərdə çəkilmişdir. "Ovsunçu", "Babək", "Salandar", "Tehran-43" və s. kimi filmlərdə aktyor maraqlı, yadda qalan rollar oynamışdır.

Yuri Baliyev 1991-ci ildə Azərbaycan Respublikasının Əməkdar artisti, 2000-ci ildə isə Xalq artisti fəxri adlarına layiq görülmüşdür. 2006-cı ildən Prezident təqaüdçüsü idi.

27 mart 2018-ci ildə uzun sürən ağır xəstəlikdən sonra vəfat etmişdir. Aktyorla vida mərasimi Müqəddəs Mürdaşıyan Zənənlər Kafedralında keçirilmişdir.İkinci Fəxri xiyabanda dəfn olunmuşdur.

Filmoqrafiya

İstinadlar

  1. 525-ci qəzet.  (azərb.). (27.03.2018).
  2. Кямаля Алиева.  (rus.). (28.03.2018).
  3. Azərbaycan Respublikası Mədəniyyət və Turizm Nazirliyi.  (azərb.). (27.03.2018).
  4. 1news.  (azərb.). (27.03.2018).
  5. Джани Бабаева.  (rus.). (28.03.2018).

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019