Yunan və Danimarkalı Yevgeniya (yun. Ευγενία της Ελλάδας και της Δανίας; 10 fevral 1910[1], Parisin 16-cı dairəsi[d] – 13 fevral 1989[1], Cenevrə) — Yunanıstan kralı I Georqun nəvəsi, Yunan şahzadəsi. 1990-cı ildə fransızca nəşr olunan və son çareviç Aleksey Nikolayeviç Romanovun həyatından bəhs edən Le Tsarevitch, Enfant Martyr əsərinin müəllifidir.
| Yunan və Danimarkalı Yevgeniya | |
|---|---|
| fr. Eugénie de Grèce | |
 | |
| Şəxsi məlumatlar | |
| Doğum tarixi | 10 fevral 1910[1] |
| Doğum yeri | |
| Vəfat tarixi | 13 fevral 1989[1] (79 yaşında) |
| Vəfat yeri | |
| Fəaliyyəti | yazıçı, bioqraf, əsilzadə |
| Atası | Prince George of Greece and Denmark |
| Uşaqları | |
| Dini | katolisizm |
 Vikianbarda əlaqəli mediafayllar | |
1910-cu ildə Parisdə doğuldu. Atası Şahzadə Georq Yunanıstan kralı I Georqun oğlu, anası isə yerli zadəganlardan Mariya Bonapart idi. 16 yaşında keçirdiyi plevrit səbəbilə, İsveçrənin Leysin şəhərində ağır bir müalicədən keçdi. 1933-cü ildə anasıyla birlikdə Avropa və Amerika qitəsində səyahətlər etdi. 30 may 1938-ci ildə Parisdə polyak zadəganı Dominik Rayner Radzivillə evləndi. Cütlüyün 2 övladı doğuldu.
- Şahzadə Tatyana Radzivil (28 avqust 1939 - 19 dekabr 2025)
- Şahzadə Georq Radzivil (4 noyabr 1942 - 27 avqust 2001)
İkinci Dünya müharibəsinin başlaması və Vişi rejiminin qurulması səbəbilə ailəsiylə birlikdə Fransadan qaçdı. Cənubi Afrikaya sürgün edilən Şahzadə Yevgeniya 27 fevral 1946-cı ildə ərindən boşandı. 28 noyabr 1949-cu ildə italyan zadəganı Raymundo della Torre ilə evləndi. Cütlüyün bu nigahdan 1 oğlu doğulsa da, 1965-ci ildə boşandılar.
Son illərində altsheymer xəstəliyinə tutuldu və 13 fevral 1989-cu ildə Cenevrədə vəfat etdi. Cənazəsi İtaliyanın Friuli-Venesiya-Culiya əyalətində ikinci ərinin yanına dəfn olundu.
- 1 2 3 4 5 Lundy D. R. Eugenia zu Schleswig-Holstein-Sonderburg-Glücksburg, Princess of Greece and Denmark // The Peerage (ing.).