Yuliya Aleksandrovna Fediv (ukr. Юлія Олександрівна Федів; 20 dekabr 1986, Çernovtsı) — Ukrayna ictimai və siyasi fəalı, diplomatı, mədəniyyət sahəsində meneceri, 2024-cü ilin mart ayından etibarən İctimai Televiziya və Radioyayım Şurasının üzvü. 2018–2021-ci illərdə Ukrayna Mədəniyyət Fondunun (UMF) ilk icraçı direktoru olmuş, "qromadske" televiziyası və Ukrayna İnstitutu kimi təşkilatlarda rəhbər vəzifələrdə çalışmışdır. Həmçinin, 2023-cü ildə Ukraynada YUNESKO nümayəndəliyində mədəniyyət üzrə milli koordinator vəzifəsini icra etmiş və 2017–2021-ci illərdə Avropa İttifaqının "Kreativ Avropa" proqramı üzrə Ukrayna Milli Bürosuna rəhbərlik etmişdir.
| Yuliya Fediv | |
|---|---|
 | |
| Şəxsi məlumatlar | |
| Doğum tarixi | 20 dekabr 1986 (38 yaş) |
| Doğum yeri | |
| Təhsili |
|
| Fəaliyyəti | dövlət qulluqçusu, media meneceri[d], ictimai xadim |
 Vikianbarda əlaqəli mediafayllar | |
Yuliya Fediv 20 dekabr 1986-cı ildə Ukrayna SSR-nin Çernovtsı şəhərində həkim ailəsində anadan olmuşdur. Atası professor, tibb elmləri doktoru və Bukovina Dövlət Tibb Universitetinin fakültə dekanıdır. Fediv Çernovtsı 1 nömrəli gimnaziyanı fərqlənmə ilə bitirmiş və doqquzuncu sinifdə Almaniyada mübadilə tələbəsi olmuş, burada yerli mədəniyyətin xüsusiyyətləri ilə tanış olmuşdur. Bu təcrübə onu beynəlxalq münasibətlər sahəsində fəaliyyət göstərmək qərarına ilhamlandırmışdır.[1]
2004-cü ildə Fediv Yuri Fedkoviç adına Çernovtsı Milli Universitetini "Beynəlxalq münasibətlər" ixtisası üzrə bitirmiş, eyni zamanda Milli İdarəetmə Akademiyasında kommersiya hüququ təhsili almışdır. O, təhsilini Bremen Universitetində davam etdirmiş və 2009-cu ildə beynəlxalq və Avropa hüququ üzrə magistr dərəcəsi almışdır. Beynəlxalq təcrübəsini genişləndirmək üçün Fediv 2010-cu ildə BMT-də 3 ay, 2011-ci ildə isə Bundestaqda 6 ay staj keçmişdir. O, həmçinin 2020–2021-ci illərdə Kiyev-Mogilyansk Biznes Məktəbinin "Strateji Arxitektorlar" proqramını və 2021-ci ildə Kiyev İqtisadiyyat Məktəbinin "Krizis Menecmenti" proqramını bitirmişdir.[2]
Ukrayn və rus dillərindən əlavə, Fediv ingilis və alman dillərində sərbəst danışır, həmçinin polyak dilini orta səviyyədə bilir.[1]
Yuliya Fediv ictimai fəaliyyətinə 2011-ci ildə Kiyevdə Alman-Polyak-Ukrayna Cəmiyyətində uşaq hüquqlarının müdafiəsi üzrə layihə meneceri kimi başlamışdır. 2015-ci ildə rolunu genişləndirərək "N-ost" və "Deutsche Welle" kimi Almaniya media qurumları üçün jurnalist layihələrini koordinasiya etməyə başlamışdır. Eyni ildə Kiyevdə "Gənclər İşçisi" adlı beşgünlük təlim proqramında iştirak etmiş və Berlində rəhbərlər üçün dərinləşdirilmiş təlim keçmişdir. İnformasiya siyasəti sahəsindəki işləri ilə yanaşı, Fediv Berlində Avropa Teatr Konvensiyası üçün layihəni də koordinasiya etmişdir.[2][3]
2016–2017-ci illərdə Almaniya Texniki Yardım Agentliyinin (GIZ) Ukraynadakı layihələrinə rəhbərlik etmişdir. 2016-cı ildə "Ukrayna şəhərləri ilə tərəfdaşlıq" təşəbbüsünün regional koordinatoru vəzifəsini tutmuş və Avropa İttifaqının "Kreativ Avropa" proqramının Milli Ofisinə başçılıq etmişdir. Bu proqram media və mədəniyyət sahəsində mütəxəssislərə qrantlar təqdim edirdi.[2] Bu vəzifədə o, "Kreativ Avropa" çərçivəsində dörd beynəlxalq əməkdaşlıq təşəbbüsünün hər biri üçün 200,000 avroya qədər maliyyələşmənin təmin edilməsində mühüm rol oynamışdır. 2017-ci ilə qədər bu cür təşəbbüslərdən cəmi beş ədəd mövcud idi.[3][4]
7 fevral 2018-ci ildə Yuliya Fediv Ukrayna Mədəniyyət Fondunun (UMF) ilk icraçı direktoru təyin edilmiş və ertəsi gün Mədəniyyət, Gənclik və İdman Nazirliyi onunla üçillik müqavilə bağlanmışdır.[2] Bu müddət başa çatdıqdan sonra o, əvvəlcə yenidən seçilmək üçün namizədliyini irəli sürmüş, lakin 23 mart 2021-ci ildə Ukrayna Konsert Sənayesi İttifaqının (KSİ) qrantların paylanması prosedurları ilə bağlı ittihamları səbəbindən yaranan qalmaqal səbəbiylə namizədliyini geri çəkmişdir.[3] 2021-ci ilin sentyabrında o, UMF-də işlədiyi dövrdə 57 milyon qrivnanın məqsədsiz şəkildə istifadəsində ittiham olunduğu barədə cinayət işinin açıldığını bildirmişdir.[4] Ukrayna Dövlət Audit Xidmətinin araşdırmasına görə, COVID-19 pandemiyası dövründə yardım vəsaitlərinin idarə edilməsində problemlər mövcud idi. Fediv hər hansı qanun pozuntusunu qəti şəkildə rədd etmiş və ittihamların ədalətsiz olduğunu, real məqsədsiz istifadəyə yox, texniki detallara əsaslandığını iddia etmiş, həmçinin Mədəniyyət Nazirliyinin hərəkətsizliyini tənqid etmişdir. 2021-ci ilin oktyabrında Dövlət Audit Xidməti, UMF-nin Müşahidə Şurası və SİU nümayəndələri arasında potensial əməkdaşlıq olduğunu ehtimal edən şikayət Ukrayna Dövlət İstintaq Bürosuna göndərilmişdir. Bundan sonra Fedivə qarşı yeni ittihamlar irəli sürülməməmişdir.[2]
12 mart 2021-ci ildə o, mədəniyyət menecmenti sahəsində "Women in Arts" mükafatını almışdır.[5] Həmin ilin iyulunda "Qromadske" televiziyasının direktoru təyin edilmişdir.[2] Vəzifədə olduğu müddətdə təşkilatın inkişafı üçün strateji plan hazırlamağa və davamlı maliyyələşdirməni təmin etməyə çalışmış, lakin 2022-ci ilin yayında istefa vermişdir.[3] Sonra Fediv 2022–2023-cü illərdə Hyubert Hamfri Təqaüd Proqramı çərçivəsində ABŞ-də staj keçmişdir.[2][4]
2023-cü ilin sentyabrında Ukrayna hökumətindəki mənbələr Fedivi, prezident ofisində Denis Şmıqal hökumətində dəyişikliklər barədə geniş müzakirələr fonunda, Ukrayna Mədəniyyət və İnformasiya Siyasəti naziri vəzifəsinə potensial namizəd kimi qeyd etmişdilər.[4] Bu, Aleksandr Tkaçenkonun 20 iyulda istefa verməsindən sonra baş tutmuşdur. Fediv vəzifəyə razılaşmış, mədəniyyət üçün azaldılmış büdcə, Rusiyanın hücum əməliyyatlarının nəticələri və sələfləri tərəfindən həll edilməmiş məsələlər kimi qarşıdakı çətinlikləri qəbul etmişdir.[3]
21 dekabr 2024-cü ildə Vladimir Zelenski onu Ukraynanın Filippindəki Fövqəladə və Səlahiyyətli səfiri təyin etmişdir.[6] Fediv 25 yanvar 2025-ci ildə Malakanyanq sarayında keçirilən mərasimdə Ukrayna səfirinin etimadnaməsini prezident Bonqbonq Markosa təqdim etmişdir. Mərasim zamanı o, sülh, firavanlıq, qarşılıqlı hörmət və ikitərəfli münasibətlərin möhkəmləndirilməsinə yönəlmiş təşəbbüslərə dəstək vəd etmişdir.[7]
- ↑ 1 2 Нова Влада. "«Не люблю працювати на когось одного»: що відомо про кандидатку на посаду міністерки культури та інформполітики". Нова Влада (ukrayna). 2023-09-12. İstifadə tarixi: 2025-05-05.
- ↑ 1 2 3 4 5 6 7 Заблоцька, Оксана. "Юлія Федів може очолити Міністерство культури: головне з біографії". Suspilne (ukrayna). 2023-09-04. İstifadə tarixi: 2025-04-28.
- ↑ 1 2 3 4 5 Карманська, Юлія. "Юлія Федів може очолити Міністерство культури. Чому її підтримують креативні індустрії та які виклики доведеться долати на новій посаді". Forbes (ukrayna). 2023-09-07. İstifadə tarixi: 2025-04-28.
- ↑ 1 2 3 4 Юлия Карманская. "«Кто бы ни пришел на должность, я не завидую». Похоже, у Минкульта будет новый министр – Юлия Федив, которая отвечала за 570 млн грн на культурные проекты. Почему ее ждет непростая работа". Forbes Ukraine (rus). 2023-09-07. İstifadə tarixi: 2025-05-05.
- ↑ "The Women in Arts Award is growing and becoming more influential in Ukraine". United Nations Ukraine (ingilis). 2021-03-29.
- ↑ Роман Петренко. "Зеленский уволил ряд дипломатов, среди которых Кислица и посол в Китае". Украинская правда (rus). 2024-12-21.
- ↑ Luisa Cabato. "Marcos receives new ambassadors from Colombia, Cambodia, Ukraine". Inquirer.net (ingilis). 2025-03-26.
- Савченко, Оксана. "«Дім іншої культури»". «Фокус» (rus) (8 (564), 23.02.2018): 60-62.