Yoqa müəllimi hazırlığı – yoqa müəllimlərinin, əsasən, yoqa asana təcrübəsindən ibarət olan, sertifikatlaşdırılmaya qədər davam edən hazırlıq məşqi.[1] Bu cür təlim Amerikada Yoqa Alyansı, Böyük Britaniyada Britaniya Yoqa Çarxı (BWY) və Avropa Yoqa İttifaqı tərəfindən akkreditə olunub.[2] Yoqa Alyansı ABŞ və digər ölkələrdə qəbul edilən 200 saatlıq və 500 saatlıq Tanınmış Yoqa Müəllimi səviyyələri üçün standartlar müəyyən edir.[3]
Amerikada Yoqa Alyansı 200 saatlıq və 500 saatlıq tanınmış yoqa müəllimi səviyyələrini (RYT-200 və RYT-500) təyin edir.[4] Səviyyələrə uyğun olmaq üçün təlim kursları (əvvəlcə RYT-200 üçün 200 saat, sonra isə RYT-500’ə çatmaq üçün 300 saat) həm Amerikada, həm də Britaniya da daxil olmaqla, müxtəlif yoqa üslublarını öyrədən bir çox müstəqil yoqa məktəbləri tərəfindən təmin edilir.[5] Beynəlxalq Yoqa Federasiyası qeyd edir ki, qurulmuş yoqa studiyaları tez-tez müəllimlərindən studiyalarında təlim kursları keçmələrini tələb edirlər.[6]
Birləşmiş Krallıqdaki "British Wheel of Yoga (BWY)" 4-cü səviyyə kvalifikasiyaları təklif edir, (Yoqa Tədrisi Sertifikatı, Yoqa Tədrisi üzrə Diplom), HNC və ya universitet dərəcəsinin birinci ilinə bərabər hesab edilir.[7] Təlim BWY tərəfindən həyata keçirilir.[8] Akkreditasiya 2009-cu ildə BWY-dən ayrılan ayrı bir təşkilat olan BWYQ tərəfindən həyata keçirilir. BWY qərarları icra etmək səlahiyyətinə malik olmasa da, İngiltərədə və Şimali İrlandiyada yoqa üzrə rəhbər orqan kimi "Sport England" tərəfindən tanınır. Kvalifikasiyalar öz növbəsində ixtisas standartlarının tənzimləyicisi tərəfindən tənzimlənir.
Bütün Avropada standartlar Avstriya, Belçika, İngiltərə, Finlandiya, Fransa, Almaniya, İrlandiya, İsrail, İtaliya, Hollandiya, Portuqaliya, Ruminiya, Slovakiya, İspaniya və İsveçrə də daxil olmaqla ən azı 15 ölkədə 24 üzvü olan Yoqa üzrə Avropa İttifaqı (EUY) tərəfindən müəyyən edilir.[9] EUY standartları şifahi imtahan, yazılı imtrahan və praktiki tədris nümayişi ilə qiymətləndirilən 4 il müddətində minimum 500 saat dərs tələb edir. Almaniyanın Yoqa Müəllimlər Birliyi, BDY’də üzv təşkilatları EUY standartlarına uyğun olaraq öz təlimlərini təşkil edirlər.[10]
Təcrübəçi müəllimlərə tədris olunan proqramlar məktəbdən asılı olaraq dəyişir, lakin Hatha yoqanın komponentlərini, yəni Asana, Pranayama və Bandhaları, bəzən isə çakralar incə bədənin təfərrüatlarını ehtiva edir : meditasiya, anatomiya və fiziologiya, yoqa psixologiyası və yoqa fəlsəfəsi, tədris üsulları, yoqa biznesini idarə etməyin praktiki cəhətlərini özündə cəmləşdirir. Bərpaedici yoqa və Yoqa Nidra kimi xüsusi texnikalara bəzi diqqət yetirilə bilər. Yoqa Alyansından qeydiyyatdan keçmək üçün proqramlar daha sərt şəkildə məhdudlaşdırılır.[11]
Yoqa müəllimi hazırlığı 2017-ci ildən etibarən 2000–5000 dollar arasında başa gəlir. Müəllimlik sertifikatı almaq üçün 3 ilə qədər vaxt lazımdır. Hindistanda, xüsusən Rişikeş və Mysore yoqa mərkəzlərində daha qısa kurslar təklif edilir və bir çox əcnəbilər Hindistana "əsl " yoqa öyrənmək ümidi ilə səyahət edirlər.[12]
Bu məqalədəki istinadlar müvafiq istinad şablonları ilə göstərilməlidir. |
- ↑ "How to Choose a Teacher Training". yogainternational.com (ingilis).
- ↑ "Arxivlənmiş surət" (PDF). 2019-07-12 tarixində arxivləşdirilib (PDF). İstifadə tarixi: 2025-06-11.
- ↑ "Teacher Training". The British Wheel of Yoga (ingilis).
- ↑ "More Yoga, Better World". Yoga Alliance (ingilis).
- ↑ "The British Wheel of Yoga". The British Wheel of Yoga (ingilis). 11 iyun 2025.
- ↑ "Arxivlənmiş surət". 2022-01-12 tarixində arxivləşdirilib. İstifadə tarixi: 2025-06-11.
- ↑ https://www.yoga.de/ (#bare_url_missing_title).
- ↑ "Arxivlənmiş surət" (PDF). Archived from the original on 2019-05-08. İstifadə tarixi: 2025-06-11.
- ↑ https://www.theguardian.com/lifeandstyle/2017/sep/17/yoga-better-person-lifestyle-exercise (#bare_url_missing_title).
- ↑ https://www.europeanyoga.org/euyws/ (#bare_url_missing_title).
- ↑ "Arxivlənmiş surət". 2019-12-04 tarixində arxivləşdirilib. İstifadə tarixi: 2025-06-11.
- ↑ https://www.yogaallianceprofessionals.org/ (#bare_url_missing_title).