Yelena Jemayeva (30 mart 1971, Dolqoprudnu) — Azərbaycanı təmsil edən qılıncoynadan, Dünya və Avropa Çempionatlarının qalibi, Azərbaycan idman tarixinin ən titullu qılıncoynadanı.[1]
| Yelena Jemayeva | ||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Şəxsi məlumatlar | ||||||||||||||||||||||||||||||||||||||||||||
| Tam adı | Yelena Jemayeva | |||||||||||||||||||||||||||||||||||||||||||
| Vətəndaşlığı |
 Rusiya →  Azərbaycan |
|||||||||||||||||||||||||||||||||||||||||||
| Doğum tarixi | ||||||||||||||||||||||||||||||||||||||||||||
| Doğum yeri | Dolqoprudnu, Rusiya SFSR | |||||||||||||||||||||||||||||||||||||||||||
| Boyu | 174 sm. (5 ft 8 in) | |||||||||||||||||||||||||||||||||||||||||||
| İdman növü | Qılıncoynatma | |||||||||||||||||||||||||||||||||||||||||||
|
Medallar
|
||||||||||||||||||||||||||||||||||||||||||||
Yelena Jemayeva 1971-ci il martın 30-da Dolqoprudnu şəhərində anadan olub.[2] İlqar Məmmədovla evlidir. Milena və Ayla adında qızları var.
Yelena Jemayeva 1999-cu ilin 22–28 iyununda İtaliyanın Boltsano şəhərində baş tutan Avropa Çempionatında mübarizə apardı. Jemayeva sablya turnirinin final görüşündə Fransa nümayəndəsi Sesil Arjola qalib gəldi və Avropa Çempionatının qalibi oldu. Bununla da Yelena Jemayeva Avropa çempionu olmağı bacaran birinci azərbaycanlı qılıncoynadan oldu.
Daha sonra Yelena Jemayeva 1–8 noyabrda Cənubi Koreyanın Seul şəhərində baş tutan Dünya Çempionatında mübarizə apardı. Jemayeva sablya turnirinin final görüşündə İtaliya nümayəndəsi İlariya Byanoya qalib gəldi və Dünya Çempionatının qalibi oldu. Bununla da Yelena Jemayeva Dünya çempionu olmağı bacaran birinci azərbaycanlı qılıncoynadan oldu. Komanda turnirində isə Jemayeva bürünc medalın sahibi oldu.
2000-ci ilin iyulunda Portuqaliyanın Funşal şəhərində baş tutan Avropa Çempionatında sablya turnirində bürünc medala sahib olan Yelena Jemayeva, həmin ilin iyulunda Macarıstanın Budapeşt şəhərində baş tutan Dünya Çempionatında sablya turnirinin final görüşündə İtaliya nümayəndəsi İlariya Byanoya qalib gəldi və növbəti dəfə Dünya Çempionatının qalibi oldu.
Daha sonra Yelena Jemayeva 2001-ci ildə Fransanın Nil şəhərində baş tutan Avropa Çempionatında sablya turnirinin bürünc medalına sahib oldu.
2002-ci ildə Yelena Jemayeva əvvəlcə iyulda St. Peterburq şəhərində Rusiya baş tutan Avropa Çempionatında mübarizə apardı. Komanda turnirinin nəticələrinə əsasən Yelena Jemayeva turniri bürünc medalla başa vurdu. İlin əsas turniri 18–24 avqustda Portuqaliyanın Lissabon şəhərində baş tutan Dünya Çempionatı oldu. Komanda turnirində bürünc medala sahib olan Yelena Jemayeva sablya turnirinin final görüşündə Çin nümayəndəsi Tan Suya məğlub oldu və Dünya Çempionatını gümüş medalla başa vurdu.
Azərbaycan Prezidenti Heydər Əliyevin 10.10.2002-ci il tarixli 797 nömrəli Fərmanına əsasən Azərbaycan idmanında xidmətlərinə görə Yelena Jemayeva "Tərəqqi" medalı ilə təltif edildi.[3]
2003-cü ildə isə Yelena Jemayeva Havana şəhərində (Kuba) baş tutan Dünya Çempionatının və Burj şəhərində (Fransa) baş tutan Avropa Çempionatının bürünc medallarına sahib olub.
2004-cü ilin avqustunda isə Yelena Jemayeva Azərbaycanı Yunanıstanın Afina şəhərində baş tutan XXVIII Yay Olimpiya Oyunlarında təmsil etdi. Avqustun 17-də sablya turnirində çıxış edən Yelena Jemayeva turnirin təsnifat mərhələsində Braziliya nümayəndəsi Elora Pattaro ilə üz-üzə gəldi.[4] Həmin görüşdə Yelena Jemayeva rəqibinə 15:8 hesabı ilə qalib gəldi və turnirin 1/8 final mərhələsinə adladı.[4] Bu mərhələdə onun rəqibi İtaliya nümayəndəsi Cioia Marzocca oldu.[4] Bu görüşdə Yelena Jemayeva rəqibi üzərində 15:6 hesabı ilə qələbə qazandı və olimpiadanın 1/4 final mərhələsinə adladı.[4] Bu mərhələdə onun rəqibi Birləşmiş Ştatlar nümayəndəsi Mariel Zaqunis oldu.[4] Gərgin idman mübarizəsi şəraitində baş tutan görüşdə Yelena Jemayeva rəqibinə 11:15 hesabı ilə məğlub oldu və Afina Olimpiadasını beşinci pillədə başa vurdu.[4]
- ↑ Olympedia.org. "Yelena JEMAYEVA". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
- ↑ International Fencing Federation. "ELENA JEMAYEVA". www.fie.org ( (ing.)). 22.08.2022. 2020-08-30 tarixində arxivləşdirilib. İstifadə tarixi: 22.08.2022.
- ↑ Normativ hüquqi sənədlərin vahid internet bazası. "Azərbaycan idmançılarının təltif edilməsi haqqında Azərbaycan Prezidenti Heydər Əliyevin 10.10.2002-ci il tarixli 797 nömrəli Fərmanı". www.e-qanun.az (az.). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
- ↑ 1 2 3 4 5 6 Olympedia.org. "2004 Summer Olympics / Fencing / Sabre / Individual / Women". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.