Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYekaterina Laskaridu[2] (yun. Αίκαθαρίνη Λασκαρίδου; 1842[1], Vyana – 1916[1], Afina) — Yunanıstanda uşaq bağçası sisteminin qurucusu, qız məktəblərində fiziki məşqləri tətbiq edən yunan feminist və pedaqoqu.
| Yekaterina Laskaridu | |
|---|---|
| yun. Αικατερίνη Λασκαρίδου | |
 | |
| Doğum tarixi | 1842[1] |
| Doğum yeri | |
| Vəfat tarixi | 1916[1] (73–74 yaşında) |
| Vəfat yeri |
|
| Vəfat səbəbi | avtomobil qəzası[d] |
| Fəaliyyəti | müəllimə, pedaqoq, qadın hüquqları fəalı[d], yazıçı |
| Mükafatları |
 |
 Vikianbarda əlaqəli mediafayllar | |
Qızlıq soyadı Xristomannos[2] olan Laskaridu, 1842-ci ildə Vyanada, Şərqi Makedoniyanın Meleniko şəhərindən (indiki Bolqarıstanda) olan A. Xristomannos və Mariya Kazazinin ailəsində dünyaya göz açıb. 1842-1855-ci illərdə Vyana Müəllimlər Akademiyasında çalışmışdır. 1858-ci ildə Bursalı varlı tacir Laskaris Laskaridis ilə evlənib. Ömürlərinin çox hissəsini Afinada yaşamış cütlük, burada 1864-cü ildə Laskaridu Yunan Qızlar Məktəbini (Greek Girls' School) qurdular. 1865-1867-ci illərdə Laskaridu, Con və Meri Hill Memorial Məktəbində (Hill Memorial School) müəllim kimi çalışmış, daha sonra isə məktəbin direktoru olmuşdur. O, 1867-ci ildə o, Kalliopi Kexadzi ilə birlikdə Yunan Qızlar Məktəbini (Hellenic Girls' School) qurdu və 1887-ci ilə qədər[3][4][5] (təqaüdə çıxana qədər) burada çalışdı. 1878-1879-cu illərdə Laskaridu Almaniyada baronessa Berta von Marenholtz-Bülovin ilə birlikdə təhsil alıb. Burada Yunanıstan təhsilinə tətbiq etdiyi, məktəbəqədər təhsil və məktəbəqədər müəllimlərin hazırlanması metodu olan Froebel metodunu öyrəndi.[4][6][5][7] Laskaridu Yunan Qadınlar Birliyinin təhsil şöbəsinin prezidenti olub və məktəblərdə ilk gimnastika dərslərinin tətbiqi üçün Gimnastika Assosiasiyası ilə birlikdə çalışıb.[5]
1897-ci il Yunanıstan-Türkiyə müharibəsinin qızğın vaxtında Laskaridu Afina və Pirey bələdiyyə teatrlarında yoxsullar üçün təlim seminarları təşkil etmişdi. Sonralar hər iki yerdə kasıblar üçün uşaq bağçaları və gimnaziyalar açdı. 1906-cı ildə müəllim hazırlamaq üçün axşam məktəbləri açıldı. Nəhayət, 1912-ci ildə Laskaridu məktəbə qədər təhsil müəllimlərinin hazırlanması üçün Milli Uşaq bağçasını və Afina Ali Qızlar Məktəbini qurdu.[6][5]
Laskaridunun 1876-cı ildə anadan olmuş və məşhur rəssam Sofiya Laskaridu,[8] və 1882-ci ildə anadan olmuş Eyrini Laskaridu adlı qızları vardı. Eyrini Kallifeedə Korlar evini qurdu və Yunanıstanda Brayl üsulunu tətbiq etdi.[6][5][7]
Gördüyü işlərə görə Laskaridu Xilaskar Ordeninin Gümüş Xaçı ilə təltif edilib.[6]
Laskaridu 1916-cı ildə Afinada avtomobil qəzasında vəfat edib.[6][7]
- ↑ 1 2 3 4 Dictionary of Women Worldwide (ing.): 25,000 Women Through the Ages. / A. Commire, D. Klezmer Detroit: Gale, Yorkin Publications, 2006. 2572 p. ISBN 978-0-7876-7585-1
- ↑ 1 2 // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
- ↑ "Internationalization in Education" (PDF). Society for the History of Children and Youth. International Standing Conference for the History of Education 34. 27–30 iyun 2012. 30 may 2023 tarixində arxivləşdirilib (PDF). İstifadə tarixi: 10 aprel 2024.
- ↑ 1 2 "SILENCED VOICES: FEMALE IDENTITY IN HENRY JAMES AND GREGORIOS XENOPOULOS" (PDF). E Department of American Literature and Culture, School of English, Faculty of Philosophy. ARISTOTLE UNIVERSITY OF THESSALONIKI. 22 mart 2025 tarixində arxivləşdirilib (PDF). İstifadə tarixi: 9 aprel 2025.
- ↑ 1 2 3 4 5 Dalakoura, Aikaterini. "Women Educators and their Contribution to Educational Theory and Practice". Kallipos publications. 6 fevral 2016. 23 avqust 2021 tarixində arxivləşdirilib. İstifadə tarixi: 10 aprel 2024.
- ↑ 1 2 3 4 5 "Αικατερίνη Λασκαρίδου (1842-1916)". serrelib.gr (yunan). 6 iyul 2020 tarixində arxivləşdirilib. İstifadə tarixi: 10 aprel 2024.
- ↑ 1 2 3 "Laskaridou, Aikaterini (1842–1916)". www.encyclopedia.com. Encyclopedia.com. 19 avqust 2021 tarixində arxivləşdirilib. İstifadə tarixi: 10 aprel 2024.
- ↑ "From Artist to Myth: The reception of Sophia Laskaridou | CHRISTINA GRAMMATIKOPOULOU | Interartive | Contemporary Art + Thought". interartive.org. 10 sentyabr 2022 tarixində arxivləşdirilib. İstifadə tarixi: 14 sentyabr 2022.