Natali R. Lu (2004) — peşəkar fəaliyyətində Wisp təxəllüsü ilə tanınan ABŞ musiqiçisi. O, San-Fransiskoda böyümüş və sonradan San-Fransisko Dövlət Universitetində təhsil almışdır.
| Wisp | |
|---|---|
 | |
| Ümumi məlumatlar | |
| Doğum tarixi | 2004 (20–21 yaş) |
| Musiqiçi məlumatları | |
| Fəaliyyəti | müğənni, gitaraçı |
| Janrlar | şuqeyz[1], drim-pop[d] |
| Musiqi alətləri | gitara |
| Albom şirkəti | Interscope Records |
| musicbywisp.com | |
Wisp 2023-cü ildə musiqi fəaliyyətinə başlamışdır. İfaçının ilk sinqlı olan "Your Face" "TikTok" sosial media platformasında viral olaraq "Billboard"un "Hot Hard Rock Songs" hit-paradında yer almışdır. Növbəti ilin aprel ayında musiqiçinin ilk minialbomu olan "Pandora" işıq üzü görmüşdür. 2025-ci ilin avqust ayında isə ifaçı özünün ilk studiya albomunu - "If Not Winter" adlı albomunu təqdim etmişdir.
Lu San-Fransiskonun Sanset rayonunda böyümüşdür.[2][3] Tailand və Tayvan mənşəlidir. Təhsil həyatının əhəmiyyətli bir mərhələsini Vallenberq Orta Məktəbində keçirmiş, burada müasir musiqi dərsləri və məktəbin ənənəvi musiqi-incəsənət festivalından təsirlənərək sənətə olan marağını inkişaf etdirmişdir.[4] San-Fransisko Dövlət Universitetində kompüter elmləri ixtisası üzrə təhsil aldığı dövrdə musiqi karyerasına başlamışdır.
Onun debüt sinqlı "Your Face" 2023-cü il aprelin 4-də işıq üzü görmüşdür. Əsər "TikTok" sosial media platformasında viral olaraq yayılmış və "Billboard"un "Hot Hard Rock Songs" cədvəlində 8-ci pillədə yer tutaraq, 15 həftə ərzində öz mövqeyini qoruyub saxlamışdır.[5][6][7][8] 2023-cü ilin noyabr ayında Nik Vernet və Boni Matanın rejissorluğu ilə sualtı çəkilişlərin yer aldığı musiqi klipi təqdim olunmuşdur. 2024-cü ilin mart ayında "Consequence" nəşrinin müxbiri Cona Kruqer Wisp-i "Şuqeyz janrının dirçəlişinin yeni lideri" adlandırmışdır.[9] İfaçı 2024-cü il aprelin 5-də özünün ilk minialbomu olan "Pandora"nı təqdim etmişdir.[10][11][12] 2025-ci ildə "Photographic Memory"nin "I Look at Her and Light Goes All Through Me" albomunda yer alan "Heartstyle" sinqlında iştirak etmişdir.[13] İfaçının debüt albomu "If Not Winter" 2025-ci il avqustun 1-də ictimaiyyətə təqdim edilmişdir.[14]
"AllMusic" portalında Wisp-in təqdimatında qeyd edilir ki, o, indi-rok, drim-pop və şuqeyz janrlarını sintez edir.[15] Wisp öz musiqisini nu-qeyz və alternativ rok kimi təsnif etməyə üstünlük verir.[16][17] Onun yaradıcılığına təsir göstərən musiqiçilər sırasına "Whirr" (bu qrupun adı onun "Instagram" istifadəçi adında da əks olunur),[18][19][20] "Title Fight", "Cocteau Twins",[21] "Nothing", "My Chemical Romance" və "Deftones" daxildir.[22]
Studiya albomları
- If Not Winter (2025)
- If Not Winter Tour (2025)
- ↑ Wisp, the 19-year-old artist making viral shoegaze (ing.). Dazed, 2024.
- ↑ Karoff, Tiffany. "How a San Francisco local went from college student to rock star overnight". August 13, 2024. İstifadə tarixi: 2025-04-12.
- ↑ Brown, August. "Shoegaze rocker Wisp is Gen Z's ambassador for the opaque and brutal—even at rap festivals". Los Angeles Times (ingilis). 2024-11-15. November 15, 2024 tarixində arxivləşdirilib. İstifadə tarixi: 2025-04-12.
- ↑ Salvadó, Arnau. "Wisp: shoegaze that eases the spirit". Metal Magazine. İstifadə tarixi: 2025-05-17.
- ↑ Enis, Eli. "TikTok Has Made Shoegaze Bigger Than Ever". Stereogum (ingilis). 2023-12-18. İstifadə tarixi: 2024-04-21.
- ↑ Wang, Steffanee. "Who Is Wisp, The 19-Year-Old Making Top-Notch Shoegaze?". Nylon (ingilis). 2023-11-21. İstifadə tarixi: 2024-04-21.
- ↑ Cohen, Ian. "Wisp Is Pushing Her Shoegaze Beyond Its TikTok Moment". Uproxx (ingilis). 2024-04-03. İstifadə tarixi: 2024-04-21.
- ↑ Cabral, R. J. "Hot Hard Rock Songs". Billboard (ingilis). 2023-12-16. İstifadə tarixi: 2025-05-03.
- ↑ Krueger, Jonah. "Wisp Is the Next Leader of the Shoegaze Revival: CoSign" (ingilis). 2024-03-28. March 27, 2025 tarixində arxivləşdirilib. İstifadə tarixi: 2024-04-21.
- ↑ Jibril, Halima. "Wisp, the 19-year-old artist making viral shoegaze". Dazed (ingilis). 2024-04-08. İstifadə tarixi: 2025-04-12.
- ↑ Murray, Robin. "Wisp's 'Pandora' Feels Like A Moment | News". Clash Magazine Music News, Reviews & Interviews (ingilis). 2024-04-05. İstifadə tarixi: 2025-04-15.
- ↑ Bardhan, Ashley. "Wisp: Pandora EP". Pitchfork (ingilis). April 9, 2024. İstifadə tarixi: 2024-04-21.
- ↑ Hatfield, Amanda. "Photographic Memory teams up with Wisp on "Heartstyle"". Alternative Press. May 6, 2025. İstifadə tarixi: May 31, 2025.
- ↑ Hé, Kristen S. "Wisp – 'If Not Winter' review: pop shoegaze with ambition and vulnerability". NME (ingilis). 2025-07-30. İstifadə tarixi: 2025-07-30.
- ↑ "Wisp Songs, Albums, Reviews, Bio & More". AllMusic (ingilis). İstifadə tarixi: 2025-05-03.
- ↑ Capulong, Izzy. "Breaking News: Wisp Isn't Shoegaze". Office Magazine (ingilis). 2024-05-30. September 15, 2024 tarixində arxivləşdirilib. İstifadə tarixi: 2025-04-28.
- ↑ Jibril, Halima. "Wisp, the 19-year-old artist making viral shoegaze". Dazed (ingilis). 2024-04-08. İstifadə tarixi: 2025-05-05.
- ↑ Cosby, Walker. "Wisp". Ink Magazine. 2024-01-28. February 24, 2024 tarixində arxivləşdirilib. İstifadə tarixi: 2024-04-25.
- ↑ "Wisp". twnty three (ingilis). İstifadə tarixi: 2025-04-12.
- ↑ Sisario, Ben. "Cigarettes After Sex and Gen Z's Passion for Dream-Pop". The New York Times (ingilis). 2024-07-11. ISSN 0362-4331. İstifadə tarixi: 2025-04-12.
- ↑ Soki-Kavwahirehi, Alex Gardner, Jacob Moore, Sabine Adorney, Patrick Ong, Olive. "Best New Artists". Complex (ingilis). İstifadə tarixi: 2024-04-25.
- ↑ Abercrombie, Olivia. "Wisp Sinks Her Teeth Into Shoegaze Ideas on If Not Winter". Paste Magazine (ingilis). 2025-08-01. İstifadə tarixi: 2025-08-04.
