WiMIX - WiMAX sözü "Worldwide Interoperability for Microwave Access" sözünün qısaldılmış formasıdır və IEEE (The Institute of Electrical and Electronics Engineers) 802.16 standartı ilə eyni mənalıdır. IEEEin inkişaf etdirdiyi standartlarından 802 seriyasının 16 nömrəli qoludur. Bu texnologiya regional genişzolaqlı internet üçün nəzərdə tutulmuşdur.
WiMAXi bu qədər sevdirən, dəyərləndirən xüsusiyyətləri çox geniş bir məsafəyə və yüksək məlumat köçürmə sürətinə sahib olmasıdır. WiMAX texnologiyası sayəsində 50 km-ə yaxın bir sahə içərisində 75 Mbit/s sürətində kabelsiz internet xidməti göstərə bilərsiniz. Bunu təmin edə bilmək üçün LoS (Line of Sight), yəni görüş xətti olması lazımdır.
WiMAX ilə WLAN-ın bir çox ortaq yanları var. Hər iki texnologiya sayəsində məlumat mübadiləsi təmin edilə bilər. WiMAX daha geniş məsafəyə sahib olduğu üçün daha çox bölgələri əhatə edir. WLAN (Wireless Local Area Network), yəni kabelsiz yerli şəbəkə, adətən, kiçik və fərdi istifadələr üçündür.
WLAN ilə iş yerini kabelsiz internet ilə təchiz edə bilərsiniz və 30 m ilə 300 m arası məsafədə bu xidmətdn istifadə mümkün ola bilər. Açıq sahədə 10 km məsafəyə qədər bu artım mümkündür, amma praktikada bunu bacarmaq çoxda o qədər asan deyil.
Halbuki WiMAX 50 km məsafəsi və yüksək məlumat köçürmə sürəti ilə WLAN texnologiyasının çox daha önündədir. Amma bu anda WiMAX texnologiyası ilə məsələn 30 km uzaqdakı bir son istifadəçi cihazı ilə bağlanıb yüksək məlumat sürəti əldə etmək hələlik qeyri-mümkün görünür.
WiMAX ən çox Azərbaycan kimi dövlətlərdə və ya internet və rabitə xidmətləri çox zəif olan dövlətlərdə istifadə edilməlidir. Çünki bu texnologiya ilə həm yüksək sürətli internet, həm kəsintisiz mobil rabitə, həm də keyfiyyətli televiziya kimi sahələri təmin etmək olar.
Bu məqalə qaralama halındadır. Məqaləni edərək Vikipediyanı zənginləşdirə bilərsiniz. |