Wandance

Manqanın müəllifi Coffee hip-hopla ilk dəfə orta məktəbdə oxuyarkən tanış olmuşdur. Küçə rəqsindən bəhs edən "Sizə xidmət göstərildi" və hip-hopa həsr olunmuş "Gənc çempion" verilişlərini bəyəndiyini demişdir. O, bir müddət rəqslə məşğul olsa da, 19 yaşında rəqsi atmışdır və rəqsin bir daha həyatında yer almayacağını düşünmüşdür. Rəqslə məşğul olmağı dayandırdıqdan sonra növbəti 6 ayını anime izləyib manqa oxumaqla keçirmiş, bundan sonra manqaka olmağa qərar vermişdir. Lakin hazırladığı manqalar yaxşı satılmadığı üçün yaddaqalan bir iş hazırlamaq üçün ideyalar fikirləşməyə başlamışdır. Tələbəlik illərində kəkələmədən əziyyət çəkdiyi üçün həm rəqs, həm də kəkələyən əsas personajdan bəhs edən manqa yaratmağa qərar vermişdir. O, əvvəlcə rəqs mövzusunda manqa çəkə bilməyəcəyini düşünmüş, lakin başqa bir çıxış yolu olmadığı üçün özünü cəsarətləndirərək manqanı çəkməyə başlamışdır. Coffee həm rəqsdən yaxşı anlayışı olmayanların başa düşəcəyi, həm də rəqs etməyi sevənlərin zövq alacağı bir manqa yaratmaq istəmişdir. O, manqanı çəkərkən favorit rəqqası Yusuke ilə rəqs döyüşü keçirmişdir. Studiyada təkcə onlar var idi və vaxt limiti yox idi. Coffee bu rəqs döyüşündən əldə etdiyi təcrübəni manqada Kabo ilə On arasındakı rəqs döyüşünü təsvir edən istifadə etmişdir. Kabonu yaradarkən rəqslə məşğul olduğu bir dostundan ilhamlanmışdır. Digər personajlardan Onu rəqs klubundakı daha yaşlı rəqqas, İorini isə klubdakı ən yaxşı rəqqasın əsasında çəkmişdir. Cofee manqanı çəkərkən "Kenji" manqasından təsirləndiyini demişdir. Belə ki, həmin manqadakı döyüşçü tez-tez müəllimlərini dəyişirdi və Coffee bundan təsirlənərək Kabonun hekayənin gedişində gah On, gah İori, gah da Kabedən rəqs təlimatları aldığını