Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVolatillik riski (ing. Volatility risk) — bir qiymətə təsir edən risk amilinin volatilliyində baş verən dəyişikliklər nəticəsində həmin qiymətin mənfi istiqamətdə dəyişməsi riski. Bu risk adətən derivativ alətlərə və onların portfellərinə aid edilir; çünki burada əsas aktivin volatilliyi opsion qiymətlərinin əsas müəyyənedicilərindən biridir.[1] Volatillik riski həmçinin əsas aktivlərdən ibarət portfellər, həm də xarici valyuta ticarəti üçün aktualdır.[1]
Volatillik riski idarə oluna bilər; bunun üçün uyğun maliyyə alətləri ilə hec olunur.[2] Bu alətlərə volatillik svopu, dispersiya svopu, şərti dispersiya svopu, dispersiya opsionları, səhmlər üzrə VIX fyuçersləri, həmçinin müəyyən quruluşla kaplar, florlar və svopşınlar daxildir.[3][4][5] Bu zaman hec aləti qorunan aktivlə eyni volatillik mənbəyinə (məsələn, eyni səhm, əmtəə və ya faiz dərəcəsi) həssas olur. Mövqe elə qurulur ki, qorunan aktivin dəyərindəki dəyişiklik hec alətinin dəyərindəki əks dəyişikliklə kompensasiya olunsun. Alınacak hec alətlərinin sayı, hər iki alətin volatilliyə nisbətən həssaslığına bağlı olur; bu həssaslığın ölçüsü isə veqadır — opsionun və ya opsion portfelinin dəyərinin əsas aktivin volatilliyinə görə dəyişmə sürəti.[6][7]
Opsion treyderləri tez-tez “veqa neytral” mövqelər yaratmağa çalışırlar; bu, adətən opsion strategiyasının bir hissəsi olur.[8] Məsələn, ‘‘at-the-money’’ straddlın dəyəri volatillik dəyişikliyinə son dərəcə həssasdır. Neytrallıq yaradıldıqdan sonra portfelin ümumi veqası sıfıra yaxın olur — yəni implisit volatillik təsiri aradan qalxır və treyder volatillik dəyişməsindən asılı olmadan müəyyən imkanlardan yararlana bilir.[9][2]
- ↑ 1 2 Menachem Brenner, Ernest Y. Ou, Jin E. Zhang (2006). “Hedging volatility risk”. Journal of Banking & Finance 30 (2006) 811–821
- ↑ 1 2 Lucas Downey (2022). “Vega Neutral”, Investopedia
- ↑ Neftci, Salih N. Principles of Financial Engineering. Academic Press. 2004. 430–431. ISBN 978-0-12-515394-2.
- ↑ Xekalaki, Evdokia; Degiannakis, Stavros. ARCH Models for Financial Applications. John Wiley & Sons. 2010. 341–343. ISBN 978-0-470-68802-1.
- ↑ Andrew Lesniewski (2015). “Managing interest rate volatility risk”
- ↑ Ploeg, Antoine Petrus Cornelius van der. Stochastic Volatility and the Pricing of Financial Derivatives. Rozenberg Publishers. 2006. 25–26.
- ↑ Huang, Declan Chih-Yen. Forecasting Volatility in the Financial Markets. Butterworth-Heinemann. 2002. 375–376.
- ↑ “Vega Neutral Option Strategies”
- ↑ Sarah Saves (2024). “Vega Neutral”, tiblio.com