Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVirciniya Halas Makkaski (ing. Virginia Halas McCaskey; 5 yanvar 1923, Çikaqo, İllinoys – 6 fevral 2025[1]) — 1983-cü ildən 2025-ci ildəki ölümünə qədər Milli Futbol Liqasındakı "Çikaqo Bearz" klubunun sahibi olmuş amerikan futbol səlahiyyətlisi. O, "Çikaqo Bearz"ın təsisçisi olan Corc Halasın qızı idi və 1983-cü ildə atasının ölümündən sonra klubun mülkiyyətini miras olaraq əldə etmişdi. Klub onun rəhbərliyi altında 1986-cı ildə Superboulun qalibi olmuşdur.
| Virciniya Halas Makkaski | |
|---|---|
| Doğum tarixi | 5 yanvar 1923 |
| Doğum yeri | |
| Vəfat tarixi | 6 fevral 2025[1] (102 yaşında) |
| Təhsili |
|
| Fəaliyyəti | atlet, biznes ledi |
O, "Çikaqo Bearz"ın təsisçisi və sahibi olan Corc Halas ilə Minni Buşinq Halasın ailəsində anadan olmuşdur və ailənin ən böyük uşağı idi.[2] Virciniya atasının yanında işləmək üçün[3] Dreksel Universitetində biznesin idarəedilməsi ixtisası üzrə təhsil alıb.[4] O, yerli Pi Siqma Qamma qadın tələbə təşkilatının, katolik tələbələri birləşdirən Nyumen Klubunun, qadın tələbə təşkilatlarını birləşdirən Milli Panhelenik Konfransının və Gənc Xristian Qadınlar Assosiasiyasının aktiv üzvü idi.[5]
Onun "Bearz" ilə bağlı ilk xatirəsi iki yaşında olarkən atası ilə birlikdə klubun nümayiş oyunları turuna səyahət etməsidir.[6] Virciniyanın getdiyi ilk Milli Futbol Liqası (MFL) matçı isə o, 8 yaşında ikən 1932-ci il mövsümünün pleyoff oyunu olub.[7] O, həmçinin həmin mövsüm ilk dəfə qapalı məkanda keçirilmiş MFL matçında[4] və "Bearz"ın çempion olduğu 1940 MFL final oyununda tamaşaçılar arasında olub.[8]
Makkaski atasının təsisi etdiyi klub haqqında danışmaqdan çəkinən və biznes fəaliyyətini nadirən müzakirə edən biri kimi tanınırdı. O, 1943-cü ildə Ed Makkaski ilə evlənmişdir[4] və onların 11 övladı, 21 nəvəsi, 40 nəticəsi və 4 kötükcəsi var. Makkaski Roma-Katolik kilsəsinə mənsub idi və həyatında "iman, ailə və futbol"un ayrılmaz olduğunu hesab edirdi.[9][10]
Virciniya Makkaski 5 yanvar 2023-cü ildə 100 yaşını qeyd etmiş[11] və 6 fevral 2025-ci ildə, 102-ci doğum günündən bir ay sonra vəfat etmişdir.[12]
- ↑ 1 2 Don Pierson | Chicago Tribune Virginia McCaskey, principal owner of the Chicago Bears and George Halas’ daughter, dies at 102 (ing.). 2025.
- ↑ Jensen, Sean. "Heirs and Bears: The mysterious McCaskeys". Chicago Sun-Times. 1 aprel 2010. 4 aprel 2010 tarixində orijinalından arxivləşdirilib.
- ↑ "Virginia McCaskey passes away at 102; All about the 'faith, family, and football' of the late 'Chicago Bears' owner". The Times of India. 7 fevral 2025. İstifadə tarixi: 7 fevral 2025.
- ↑ 1 2 3 Mayer, Larry. "Virginia Halas McCaskey celebrates 100th birthday". Chicago Bears. 5 yanvar 2023. 18 sentyabr 2024 tarixində arxivləşdirilib. İstifadə tarixi: 14 dekabr 2024.
- ↑ Shaak, Natalie. "Drexel Fraternities and Sororities History Presentation" (PDF). 10 noyabr 2011. İstifadə tarixi: 7 fevral 2025. - lists chapters that existed at Drexel University; the Pi Sigma Gamma chapter there was founded after the national Pi Sigma Gamma organization closed/was absorbed into another organization.
- ↑ Battista, Judy. "Bears owner Virginia Halas McCaskey dies at 102: A life inextricably linked to Chicago franchise". National Football League (ingilis). 6 fevral 2025. 7 fevral 2025 tarixində arxivləşdirilib. İstifadə tarixi: 7 fevral 2025.
- ↑ "Mama Bear has a local tie". Lancaster Online. 1 fevral 2007. 5 yanvar 2024 tarixində arxivləşdirilib. İstifadə tarixi: 5 yanvar 2024.
- ↑ "Column: Chicago Bears owner Virginia McCaskey turns 100 — and her pride and optimism for the franchise still resonate". Boston Herald. 5 yanvar 2023. 5 yanvar 2024 tarixində arxivləşdirilib. İstifadə tarixi: 5 yanvar 2024.
- ↑ "Faith, Family, Football". Drexel University. 20 dekabr 2013. 26 noyabr 2021 tarixində arxivləşdirilib. İstifadə tarixi: 22 may 2021.
- ↑ Finley, Patrick. "Chicago Bears matriarch Virginia McCaskey dies at 102". WBEZ. 6 fevral 2025. 6 fevral 2025 tarixində arxivləşdirilib. İstifadə tarixi: 6 fevral 2025.
- ↑ Hawley, Larry. "Bears' Virginia McCaskey turns 100-years-old Thursday". WGN-TV. 5 yanvar 2023. 17 yanvar 2023 tarixində arxivləşdirilib. İstifadə tarixi: 7 yanvar 2023.
- ↑ Pierson, Don. "Virginia McCaskey, the principal owner of the Chicago Bears and George Halas' daughter, dies at 102". Chicago Tribune. 6 fevral 2025. 7 fevral 2025 tarixində arxivləşdirilib. İstifadə tarixi: 6 fevral 2025.