Vilyam Cek Poulter (28 yanvar 1993[1], London) — İngiltərə aktyoru. İllər ərzində həm kinoda, həm də televiziyada parlaq işlər ortaya qoyub. Fəaliyyəti boyu "BAFTA" mükafatını əldə edib, üstəlik iki "Praymtaym Emmi" nominasiyasına da nail olub.
| Vill Poulter | |
|---|---|
| ing. Will Poulter | |
 | |
| Doğum adı | William Jack Poulter |
| Doğum tarixi | 28 yanvar 1993[1] (33 yaş) |
| Doğum yeri | |
| Fəaliyyəti | aktyor, komediyaçı, kino aktyoru, teatr aktyoru, televiziya aktyoru |
| Fəaliyyət illəri | 2007-ci ildən |
| IMDb | ID2401020 |
 Vikianbarda əlaqəli mediafayllar | |
İlk cizgilərini "Gülüş məktəbi" (orij. "School of Comedy") (2009) ilə çəkir. Ardından "Narniya xronikaları: Sübh fatehinin səyahəti" (2010) filmində Cılız Yustes obrazını yaşadaraq özünə yer qazanır. Dünya onu isə "Biz Millerlərik" (2013) komediyası ilə tanıyır. Bu uğurun davamı olaraq növbəti il "BAFTA"nın "Yüksələn ulduz" mükafatı da ona nəsib olur.
V. Poulterin filmoqrafiyasına distopik elmi fantastika trilogiyası "Labirintdə qaçan"ın birinci və üçüncü hissələri (2014–2018), tarixi "Sağ qalmış" (2015), cinayət dramı "Detroyt" (2017), dəhşət filmi "Midsommar" (2019), romantik drama "Külək qanadlı atlar" (orij. "On Swift Horses") (2024) və hərbi drama "Atəş altında" (2025) daxildir. Aktyor "Qalaktika mühafizəçiləri 3"də (2023) Adam Vorlok surətini yaradaraq Marvel Kinematoqrafiya Kainatına qoşulub.
Televiziya layihələrində "Asılılıq bataqlığı" (orij. "Dopesick") ("Hulu", 2021) miniserialı və "Ayı" (orij. "The Bear") ("FX", 2023–indiyədək) serialındakı ifasına görə "Praymtaym Emmi" mükafatına namizəd olub. "Amazon Prime Video"nun tarixi miniserialı "Yeraltı dəmiryolu" (orij. "The Underground Railroad") (2021), eləcə də "Netflix"in "Qara güzgü: Qudurğan" (orij. "Black Mirror: Bandersnatch") (2018) və "Qara güzgü: Zövq aləti" (orij. "Black Mirror: Plaything") (2025) layihələri də onun işləri sırasındadır.
Vill Poulter 1993-cü il yanvarın 28-də[2] Londonun Hammersmit ərazisində doğulub. Atası Nil Poulter London İmperial Kollecində profilaktik kardiovaskulyar tibb sahəsində professor kimi çalışır.[3] Anası Kerolayn (qızlıq soyadı Barra) isə gəncliyini Keniyada keçirmiş keçmiş tibb bacısıdır.[4][5]
Harrodian məktəbində oxuyub. Məktəbin məzunları arasında Corc Makkey və Robert Pattinson kimi tanınmış aktyorlar var.[6] Disleksiya və hərəkət koordinasiyası ilə bağlı çətinlikləri olsa da, dramatik sənətə olan həvəsi onu ayaqda saxlayıb: "səhnə ona başqa heç nəyin vermədiyi bir şey verib."[7]
2012-ci ildə Bristol Universitetində aktyorluq ixtisasına qəbul olur,[8] ancaq "Labirintdə qaçan" filmindəki rol təklifi gəldikdən sonra bir illik təhsilini yarıda kəsib universitetdən ayrılır.[9][10][daha etibarlı mənbə lazımdır]
- 1 2 Will Poulter // filmportal.de. 2005.
- ↑ Rose, Mike. "Today's famous birthdays list for January 28, 2023 includes celebrities Ariel Winter, Will Poulter". Cleveland.com. 28 yanvar 2023. İstifadə tarixi: 28 yanvar 2023.
- ↑ "Professor Neil Poutler". Imperial College London. 22 yanvar 2019 tarixində arxivləşdirilib. İstifadə tarixi: 21 yanvar 2019.
- ↑ Williams, Sally. "Son of Rambow: ready for action". The Daily Telegraph. London. 22 mart 2008. 27 mart 2019 tarixində arxivləşdirilib. İstifadə tarixi: 24 oktyabr 2021.
- ↑ "Will Poulter". Flaunt Magazine. 30 aprel 2019 tarixində arxivləşdirilib. İstifadə tarixi: 30 aprel 2019.
- ↑ Gilbey, Ryan. "Will Poulter: 'I'm a white, straight, middle-class male. I'm aware I take things for granted'". The Guardian. London. 25 sentyabr 2018. 26 aprel 2020 tarixində arxivləşdirilib. İstifadə tarixi: 24 oktyabr 2021.
- ↑ May, Rebecca April. "Will Poulter: "I'm a scaredy cat – I'll always avoid confrontation"". NME. 9 iyul 2020. İstifadə tarixi: 10 sentyabr 2023.
- ↑ PoulterWill. "I'm going to Bristol to study Drama, whilst [[:Şablon:As written]] my career in exactly the same way" (Tweet). 9 sentyabr 2012. İstifadə tarixi: 12 avqust 2022.
- ↑ "Meet Will Poulter, the Bristol dropout starring in the latest episode of Black Mirror". 3 yanvar 2019.
- ↑ Poulter, Will. "Guardians of the Galaxy 3 Star Will Poulter Answers Your Question: Actually Me". British GQ (ingilis). 1 may 2023. Archived from the original on 2 may 2023. İstifadə tarixi: 3 may 2023 – YouTube vasitəsilə.
- Vill Poulter — IMDb səhifəsi