10. Həftə

Vikipediya məqalələrindən

Nyuton beşiyi

• Meksikanın 34-cü prezidenti olmuş Pedro Laskurain tarixdə ən qısa müddət - cəmi 45 dəqiqəlik prezident vəzifəsini tutaraq "Ginnesin Rekordlar Kitabı"na düşmüşdür.
• İrena Sendler Varşava gettosundan 2500-dən çox yəhudi uşağın həyatını xilas etmişdir.
• 2008-ci ildə Şotlandiyada həkimlərə ağ xalatdan istifadə etmək qadağan edilmişdir.
• Dünyada ən böyük Nyuton beşiyinə (şəkildə) Miçiqan ştatının Kalamazoo şəhərində rast gəlmək olar. O, hər biri 6,8 kq olan 16 boulinq şarından ibarətdir.
• Mu qitəsi barədə məlumatlar Atatürkün diqqətini çəkmiş və bu sahədə araşdırma aparmaq üçün xüsusi tarixçi alim qrupu müəyyənləşdirmişdi.
• Azərbaycanın ən hündür körpüsü Qrız körpüsüdür.
• Planetlərin paradı 179 ildən bir baş verir.
• Səthi qorxulu tikanlarla örtülü olan kivanonun dadı banan, kivi və limonun qarışığına bənzəsə də, meyvədən yemiş ətri gəlir.

bax – müzakirə et – –

11. Həftə

Vikipediya məqalələrindən

• Mirzə Fətəli Axundzadənin 1850-ci ildə yazdığı "Sərgüzəşti-vəziri-xani-Lənkəran" komediyası Azərbaycan teatrı səhnəsində qoyulmuş ilk dramatik əsərdir.
• Yuan sülaləsinin əsasını qoymuş Xubilay xan 1260-cı ilin avqustunda "çao" adlanan ilk vahid kağız pulu yaradıb.
• İslandca danışmaq mənasını verən "seqja" sözündən törəyən saqa sözünün lüğəvi mənası deyilən, söylənmiş deməkdir.
• Sankt-Peterburqun mərkəzində yerləşən Rostral sütun (şəkildə) XIX əsrdə Rusiyanın şimal paytaxtının liman mayakı kimi istifadə olunmuşdur.
• Vatikandakı Müqəddəs Pyotr bazilikasında saxlanılan məşhur "Pyeta" heykəli Romada təmsilçi olan Fransız kardinal Jan Bilyer de Laqraulasın himayəsi ilə Mikelancelo Buonarotti tərəfindən hazırlanmışdır.
• Cənubi Amerika ərazisində yerləşən Uruqvay çayının adı Quarani dilindən tərcümədə "rəngli quşların çayı" mənasını verir.
  

bax – müzakirə et – –

12. Həftə

Vikipediya məqalələrindən

• İsveçrənin Bern şəhərinin mərkəzində yerləşən ən mühüm orta əsr qüllələrindən biri olan Tsitqlogge (şəkildə) 1218-20-ci illər arasında inşa edilən zaman, Bernin qərb istehkamlarının darvaza qalası funksiyasını yerinə yetirmişdir.
• Brayan Selznikin Hüqo Kabrenin ixtirası kitabının motivləri əsasında çəkilmiş Hüqo filmi ən yaxşı rejissor işinə görə Qızıl Qlobus mükafatının sahibi olmuşdur.
• Memar Nikolay fon der Nonnenin layihəsi əsasında inşa edilmiş De Burun sarayında hazırda Azərbaycan Milli İncəsənət Muzeyinin I korpusu yerləşir.
• Olimpiya oyunlarının açılış mərasimində təntənəli surətdə söylənilən Olimpiya andı ilk dəfə 1920-ci il Antverpen Yay Olimpiya Oyunlarında təqdim olunub.
• Roma-German muzeyi Almaniyanın Köln şəhərində yerləşən paleolit dövründən başlamış erkən orta əsrləri əhatə edən nadir eksponatlarla zəngin arxeoloji muzeydir.
  

bax – müzakirə et – –

13. Həftə

Vikipediya məqalələrindən

• Azərbaycanda baletin yaranma tarixi 1940-cı ildən – Əfrasiyab Bədəlbəylinin “Qız qalası” baletinin səhnələşdirildiyi tarixdən hesablansa da, 1923-cü ildə Bakıda özəl balet studiyasının fəaliyyət göstərdiyi məlumdur.
• Yapon dekorativ-təsviri sənətinə aid miniatür netsuke (şəkildə) heykəlcikləri əvvəllər ənənəvi yapon geyimi olan kimono və cibsiz kosode geyimində asma brelok kimi istifadə olunurdu.
• Con Simmons tərəfindən akvarel təsvir texnikası ilə 1870-ci ildə çəkilmiş Hermiya və Lisandr rəsm əsəri Uilyam Şekspirin komediya tamaşası olan "Yay gecəsində yuxu"nun ikinci səhnəsinin ikinci hissəsindəki səhnəyə əsaslanır.
• Taybey şəhərində yerləşən Taybey 101 göydələni Bürc Xəlifə və Əbrəc Əlbeyt Qüllələrindən sonra hündürlüyünə görə dünyada üçüncü yeri tutur.
• Bosniya və Herseqovinada yerləşən Kozara Milli Parkı sıx meşə örtüyünə və təpəli çəmənliklərinə görə "Kraynanın Yaşıl Gözəli" ləqəbini qazanmışdır.
  

bax – müzakirə et – –