Aidə xanım viki-cəmiyyət tərəfindən onlayn fəaliyyətində əsasən Azərbaycan coğrafiyası ilə bağlı yaratdığı çoxsaylı məqalələr və Vikilayihələrdə iştirakı, oflayn fəaliyyətində isə dəfələrlə yerli və beynəlxalq tədbirlərdə ölkəmizi təmsil etməsi ilə tanınır. Amma görünür inzibatçılarımızdan birinin istifadəçi haqqında qeyd etdiyi "vikipediya prinsiplərini təbliğinə görə çox ön sırada" olmaq ifadəsindəki prinsiplər Azərbaycanca Vikipediyanın faktiki prinsiplərindən çox uzaqdır.

Ümumilikdə istifadəçinin fəaliyyətində "saxta istinad" deyə adlandıra biləcəyimiz bir situasiya mövcuddur. Belə ki, mənim anladığım qədəri ilə, istifadəçi fəaliyyətindəki məqalələrin çox böyük əksəriyyətini onlayn mənbələrdən və ya hər hansı kitabdan copy-paste edib, daha sonra məqalələrdə mənbə göstərilməsi prinsipini sadəcə "texniki olaraq" tətbiq edərək məqalələrə istinad olaraq əlaqəli mövzu və başlıqlarda istinadlar əlavə edib. Misal üçün istifadəçinin bu ilin sentyabr ayında yaratdığı Ağudi qəbirüstü abidəsi məqaləsindəki 3 nömrəli istinadda müvafiq məlumat və ya ona bənzər bir yazı yoxdur. İstifadəçi bütün məzmunu ehtimal ki, , ya da elə məqalədə qeyd etdiyi sonuncu istinaddan copy-paste edib, daha sonra isə sırf istinad əlavə etmək adına məqaləyə istinad olaraq mövzu ilə əlaqəli keçidlər əlavə edib. Bu mövzuda daha əhəmiyyətli nümunələr üçün SNS-dəki bu və bu müzakirəyə baxa bilərsiniz. Amma istifadəçinin müəllif hüquqlarının birmənalı pozulması və oxucuların, həmçinin redaktorların yanlış yönəldilməsi halından ibarət destruktiv fəaliyyəti bir neçə məqalə ilə yekunlaşmır.

• 2017-ci ildə, fəaliyyətinə başlayan kimi yaratdığı 200-dən çox məqalədə istinad olaraq "Naxçıvan Ensiklopediyası"nı qeyd etsə də, sözügedən məlumatlar həmin kitabda mövcud deyil. Ümumiyyətlə bu ensiklopediyada coğrafi obyektlər haqqında elementar məlumatlar verilib, geomorfloji xüsusiyyətlər yox. Həmçinin məqalələrin çoxundakı istinadda səhifə olaraq 596 qeyd edilib, (eləcə eyni istinad şablonu yerləşdirilib) halbuki ensiklopediyanın 360/380 səhifəsi var. Sözügedən məqalələrin məzmununun isə hansısa başqa kitabdan köçürüldüyü aydındır, çünki məzmun olaraq standart üslubla yazılıblar. Yəni bu 200 məqalədə söhbət həm də müəllif hüquqlarının kütləvi pozulmasından gedir.
• İstifadəçi daha sonra "Geomorfoloji terminlərin izahlı lüğəti"ndən 220-dən çox termin və izahını Vikipediyaya köçürüb. Burada söhbət məzmunca sadəcə lüğətdəki mətndən, yəni bircə cümlədən ibarət məqalələrdən gedir. Mətn copy-paste edilərkən düzəliş belə edilməyib, bəzilərində qısaltmalar, bəzilərində isə lüğətin özünəməxsus formatlaşdırılmış mətni olduğu kimi qalıb.(Palçıq sopkası) Həmçinin bu məqalələrin əksəriyyətinin intervikisi olsa da, yanlış əlaqələndirilib. Misal üçün: Uçma. Bu da əslində həm də məqalələrin adlarının Vikipediyaya uyğun olmaması ilə bağlıdır. (həmçinin "Azərbaycan toponimlərinin izahlı lüğəti"ndən köçürülümüş 10-15 məqalə üçün də eyni mövzu keçərlidir)
• İstifadəçinin Vikipediyaya "yüklədiyi" ən əsas müəllif hüquqları pozuntusu halı son olaraq yaratdığı 45-ə yaxın toponim məqaləsidir. Bu məqalələr görüntü olaraq yaxşı araşdırılmış və əsaslı yazılmış məqalələrə oxşayır, amma əslində sadəcə copy-paste ilə yaradılıblar. Sözügedən məqalələrin məzmunu bütünlükdə "Ermənistanda Azərbaycan mənşəli toponimlərin izahlı lüğəti" kitabından olduğu kimi köçürülüb. Məqalələrdəki mənbələr də müəllifin kitabında göstərdiyi mənbələrdir. Bu kitabın məzmununun böyük bir hissəsi hissə-hissə də olsa onlayn olaraq əlçatandır və indiki halda həmin saytlardan biri də Azərbaycanca Vikipediyadır. Nümunə üçün Səncərəli məqaləsinə və (f3 ilə "Səncərəli"ni axtarışa verin) baxa bilərsiniz. Məqalələrdə unudulan istinad nömrələri (Kiranlı) və apastrof işarələri də sübut edir ki, məqalələr heç əl ilə də yazılmayıb, kitabın pdf formatından copy-paste edilib. Kitabın pdf formatının əldə edilməsi və toponimlərin belə tələm-tələsik, diqqətsiz şəkildə (stil kitabçası haqqında danışmağa ehtiyac yoxdur fikrimcə) Vikipediyaya bir növ "yüklənilməsi" faktı həm də istifadəçinin Vikipediya fəaliyyətinin müxtəlif maraqlara, həmçinin öz maraqlarına xidmət etdiyi faktını ortaya qoyur.
• Həmçinin bu yaxınlarda istifadəçinin yaratdığı məqaləsinin müzakirəsindən xəbərdar olanlar da bilir ki, məqalənin yaradılmasında marağın olması faktı aktualdır. Belə ki, istifadəçi məqaləni yaratdıqdan sonra Rüfət Qasımzadənin . Buradakı əsas fakt odur ki, sözügedən şəxs haqqında heç yerdə ictimaiyyətə açıq şəkildə məlumat yoxdur, amma istifadəçi şəxsin doğum tarixindən belə məlumatlı olub və qeyd edib. Bu özü istifadəçinin Vikipediyada əlavə maraqlarının da olduğu faktını təsdiqləyir.
• Vikipediyaya yüklədiyi 60-a yaxın faylın (bir o qədəri də silinib) heç biri üçün lisenziya göstərilməyib və heç biri azad fayl deyil. Elə məqalə var ki, o məqalə üçün mənbəyi naməlum olan 6 fayl yüklənib. Bu şəkillərin də ölçü və keyfiyyətindən yola çıxaraq hər hansı kitabın pdf versiyasından götürüldüyü qənaətindəyəm. Burada da Vikipediya:Ədalətli istifadə prinipi pozulub.

İstifadəçinin fəaliyyətindəki müəllif hüquqları pozuntusu təkcə hər hansı saytdan copy-paste etməkdən ibarət deyil, (arada qalan məqalələr də bu yolla yaradılıb, tərcümə və ya fərdi səy nəticəsində hazırlanmış məqalə varsa da çox azdır yəqin) söhbət burada hər hansı kitabın pdf-ni əldə etməkdən və həmin kitabı hissə-hissə Vikipediyaya "yerləşdirmək"dən gedir: Nəyinki məzmunu, həm də faylları. Ümumilikdə istifadəçinin fəaliyyəti Müəllif hüquqları ilə birlikdə, Vikipediya nə deyil? (lüğət deyil misal, kataloq da), əsas da Burada ensiklopediyanı genişləndirmək üçün olmaq kimi rəsmi prinsiplərə də qəti ziddir. Bunlara məqalələrdəki VP:MİLLİ və VP:SK-nın pozuntusu da daxildir.

Onu da qeyd edim ki, isifadəçiyə inzibatçılıq üçün etimad göstərilməsini qeyd etməsək belə, istifadəçiyə patrul hüququ verilib. Halbuki təftiş edilməsinə belə ehtiyac yoxdur, təkcə random məqalələrin vəziyyətinə girib baxdıqda istifadəçinin öz əlavələrinin patrullanmağa ehtiyac olduğu aydın görünür. Görünür istifadəçi inzibatçılığı boş versək, patrul hüququna belə status kimi baxır və patrul hüququndan vikidə istifadə etməsə də, statusdan öz maraqlarına görə istifadə edib.

A.Aida88, hörmətli həmkar, məqalə yazmaq dedikdə Vikipediyada məzmunu hazır olaraq haradansa copy-paste etmək nəzərdə tutulmur. Bir də onu qeyd etmək istəyirəm ki, sizin müsahibənizi oxudum və 100-ə yaxın şəhid məqaləsi yaratmağınız ilə bağlı məlumat maraqlı gəldiyi üçün fəaliyyətinizə göz gəzdirdirdim və düzü ən azından müvafiq mövzuda heç nə tapa bilmədim. Müsahibənizdə ictimaiyyətə verdiyiniz məlumat yanlışdır, yoxsa başqa hesabdan istifadə etmisiniz? surə ^m 14:43, 29 oktyabr 2023 (UTC)[]

P.S. Hər hansı şəxsin ya da müəssisənin kitabı redaktora təqdim etməsi və kitabın Vikipediyaya "köçürülməsinə" icazə verməsi belə bu fəaliyyət üçün heç bir əsas ola bilməz. Vikipediya layihəsindəki məzmun layihənin öz prinsipləri ilə tənzimlənir və bu fəaliyyət növü bütün hallarda Vikipediya layihəsinin prinsiplərinə ziddir və pozuculuq fəaliyyəti kimi səciyyələndirilir.— surə ^m 15:52, 29 oktyabr 2023 (UTC)[]

@Sura Shukurlu, fikirləriniz üçün təşəkkürlər. Hər hansı qərar verilməmişdən qabaq @A.Aida88-in də hər bənd üçün öz fikirlərini bildirməyini xahiş edirəm. Müəllif hüququ pozuntusu Azərbaycanca Vikipediyada ən çox rastgəlinən problemdir. Eminn (müzakirə) 16:40, 29 oktyabr 2023 (UTC)[]

Əvvəla @Sura Shukurlu, geniş yazınız üçün təşəkkür edirəm. Xeyli nüansı düz qeyd etmisiz ki, sözügedən məqalələr copy-paste ilə yaradılıb. Problemi həll etməyin iki yolu var, ya onları silməliyik, ya da müəllif hüququ sahiblərindən mənbəni azad etmək tələbi qoymalıyıq. Digər icma üzvləri də fikir bildirsin, ona görə addım ataq. Fayllar məsələsində də addımlar atdım az öncə, xeyli ədalətli istifadə olmayan fayl sildim, siləcəm də. Bəzi fayllar var ki, ədalətli istifadə hesab oluna bilər, amma lisenziya və mənbə yoxdur. Onları hələki saxlamışam. İstifadəçidən xahiş edirəm ki, həmin fayllara mənbə və lisenziya əlavə etsin.

Burada ensiklopediyanı genişləndirmək üçün olmamaq və pozuculuq fikirləri ilə razı deyiləm. İstifadəçi ola bilər ki, vikipediyadakı müəllif hüquqları məsələsində məlumatı azdır. Bu məsələdə biz inzibatçıların da müəyyən günahı var ki, copyright məsələlərində gec müdaxilə edirik. Şiroi Akuma 18:53, 29 oktyabr 2023 (UTC)[]

  Şərh:* Salam hörmətli inzibatçılar. Vikipediyanı qoruyan bir gənc xanım istifadəçinin olması alqışalayiqdir.

• Hamının məlumu üzrə oflayn fəaliyyətim daha aktiv olub və olacaq da. İndiyə qədər saysaq, sayını itirdiyim təlimlər keçmişəm. Bir çox tədbirlərdə istər öz hesabıma, istərsə də fondun hesabına və yaxudda istifadəçi qrupun təşəbbüsü ilə iştirak etmişəm. Hər dəfəsində bunu vurğulamaq nəyə lazımdır? Hamı zatən bilir. Sura xanımın fəaliyyətimi bu qədər qabarıq şəkildə inzibatçılara pafoslu müraciətini heç anlamış deyiləm. Baxmayaraq ki, ötən günlərdə Surə xanımın müzakirə səhifəsində qeyd etdiyim kimi az.viki gender bərabərsizliyini yaşayır. Bir xanım həmcinsimin bu qədər mənim fəaliyyətimə qarşı aqressiya ilə yazı nümayiş etdirməsi maraqlı gəldi durduğu yerdə.
• 2017-ci il fəaliyyətimin ilk illəri idi. Vikipediyadakı fəaliyyətimə Sizin də qeyd etdiyiniz kimi coğrafi məqalələr ilə başlamışam. Təbii ki, 17 nəfərlik viki qrup ilə. Məqsədimiz Vikipediyadakı Coğrafiya mövzusunda məqalələrin sayını artırmaq və boşluqları aradan qaldırmaq idi təbii ki, rəhbərliyin təşəbbüsü üzrə. Hamının məlumu üzrə 2016-2017-ci illərdə elmi müəssiyə Vikipediya üzrə daha çox basqı var idi. Bir çox inzibatçılarımızın belə məlumatı vardır. Həmin ərəfələrdə tələb məqalə sayı olduğundan hər elm sahəsi öz fəaliyyəi üzrə məqalələr yaradılırdı. O cümlədən bizdə coğrafiya elmi sahəsindən terminlərə verilərək Cİ alimlərinin yazdığı əsərlərə üstünlük verildi.
• İşlədiyim sektor sırf İctimaiyyətlə əlaqələr sahəsi olduğu üçün maraqla izlədiyim saytdır olke.az. Bu baxımdan haqqında məqalə yaratmışam.
• Qəzetdə verdiyim müsahibəyə gəldikdə isə şəhidlər ilə məqalələrin çoxunu mən hazırlamışam, təlim keçdiyim istifadəçilər yerləşdirib. Eyni zamanda başqa istifadəçilərə bu sahədə köməklik etmişəm.
• Naxçıvan ensiklopediyasında isə sadəcə dağlar, dərələri işləmişəm (coğrafi baxımdan) Məqalələrin oxşar olması düşünürəm ki normal haldır. Çünki hər birində dağ şablonu istifadə etmişəm.
• Qusar Olimpiya İdman kompleksinin məqaləsinə gəldikdə isə, 80 nəfər yeniyetməyə keçdiyim təlimdə uşaqlarla birlikdə yaratdığım məqalədir. Məlumat yalnız saytlarında olduğu üçün və təlimdə vaxt azlığından sadəcə yeniyetmələrə məqalə necə yaradılır izah etdiyim üçün yardılan bir məqalədir. (Təbii ki, heç bir olimpiya idman kompleksi ensiklopedik deyil)
• Alimlərimizin kitabı və yaxud ensiklopedik məqaləsinin mənə təqdim edərək yerləşdiriməyim qayda pozuntusu deyil fikrimcə. Çünki ən azından Vikipediyanın açıq mənbə olduğunu bilir və müəllif hüquqlarından azad olduqlarını bilirlər. Bu qədər. Diqqətiniz üçün təşəkkür edirəm. Hörmətlə — A.Aida88 (müzakirə) 20:11, 29 oktyabr 2023 (UTC)[]
• Qeyd. Onuda vurğulayım ki, Vikipediyada qalmaqalım olmayıb. Bu halın yaşanmasını istəmir və sevmirəm. Vikipediyada hər zaman qeyd etdiyim kimi mənim üçün nəzakət qaydaları gəlir. Kimki qalmaqal yaratmaq fikrindədirsə, boş yerə özünü yorar. Hər bir kəsə mehribancasına, səmimi, hörmətlə yanaşmışam. Bundan sonra da elə də olacaq. Şəxsi münasibətlərə görə davranmamışam. — A.Aida88 (müzakirə) 20:21, 29 oktyabr 2023 (UTC)[]

Sura Shukurlu, bu qədər geniş və ətraflı izah üçün sizə minnətdaram. İstifadəçiyə bir neçə dəfə müəllif hüquqlarını pozduğunu bildirmişəm. Hətta saymayaraq cavab belə yazmayıb. Ümid edirəm ki, nəzərindən yayınıb və bunu məqsədli şəkildə etməyib. Yuxarıda qeyd etdikləriniz çox ciddi məsələlərdir. İstifadəçi A.Aida88 bu pozuntuları düzəltməyə çalışmalıdır. Əks halda fəaliyyəti təkcə local qaydalara görə deyil ümumi viki qaydalara əsasən məhdudlaşdırıla bilər. Yuxarıdakı fikirlərə əsasən istifadəçi müəllif hüququ ilə bağlı qaydalara yenidən nəzər yetirməli və keçmiş fəaliyyətindəki pozuntuları düzəltməlidir. Əgər çətinliyi yaranarsa digər həmkarlardan dəstək istəməlidir. Fikrimcə xoşniyyətli olarsa və fəaliyyətini düzəldib keçmiş fəaliyyətindəki pozucu redaktələri və məqalələri düzəldərsə çox yaxşı olar və heç bir problem qalmaz. Hörmətlə — eldarado(müzakirə | fəaliyyət | meta səhifəsi) 22:15, 29 oktyabr 2023 (UTC)[]

Dəyərli inzibatçı. Təbii ki, diqqətimdən yayınıb. Heç zaman bildirişlərə diqqətsiz, etinadsız yanaşmamışam. Belə düşünməyiniz təbii olaraq üzdü.

Dediklərinizi mütləq və əlbət nəzərə alıb, yenidən diqqətdən keçirəcəm. Təşəkkür edirəm A.Aida88 (müzakirə) 22:22, 29 oktyabr 2023 (UTC)[]

deyilənlərlə razıyam, lakin bu qədər qayda pozuntusuna rəğmən istifadəçiyə sadəcə xəbərdarlıq olunacağı qənaətindəyəm, baxmayaraq ki, İngiliscə Vikipediyada və Rusca Vikipediyada oxşar hallarda müddətsiz blok tətbiq olunur. Azərbaycanca Vikipediyanın icması kiçikdir, Aida xanım isə icmanın ən önə çıxan nümayəndələrindəndir. Bu, Vikipediya daxilində olan fəaliyyətinə görə yox, əsasən Vikipediyadan kənarda olan fəaliyyətinə görədir. Çoxumuz da həmin şəxsi dəfələrlə real həyatda görmüşük, onunla danışmışıq. Onlayn fəaliyyəti ilə bağlı mənim də çox narahatlıqlarım var, lakin hansısa kənarlaşdırma məsələsində bir inzibatçı kimi nə dəstək, nə də "köstək" olmaq niyyətindəyəm. Xahiş edirəm ki, əziz istifadəçi A.Aida88 bu iradları xüsusilə qeydə alsın, çünki bu faktların bir daha təkrarlanacağı halda atılan addımların xəbərdarlıqla məhdudlaşmacağına əminəm; bu, Vikipediyanın iş prinsipinə zidd olardı.

Hər halda, Sura Shukurlu, təşəkkür edirəm ki, belə geniş bir şikayət müraciəti hazırlamısınız və həmkarın fəaliyyətini dərindən tədqiq etmisiniz. Azərbaycanca Vikipediyada belə şeyləri "yola verdi" və "tanışlıqla bağlı hörməti qorumaq" ideyası ilə edirlər adətən. --► Hörmətlə: SolaVirum 11:39, 3 noyabr 2023 (UTC)[]

• SolaVirum dediklərinizi nəzərə alacam mütləq. Tezliklə fəaliyyətimi genişləndirəcəm. Haqqımda söylədiyiniz xoş sözlərə görə minnətdaram. Var olun. — A.Aida88 (müzakirə) 12:00, 3 noyabr 2023 (UTC)[]
• Başlıqda fikir bildirən hər kəsə təşəkkür edir və yazılan fikirlərdən yola çıxaraq qeyd etmək istəyirəm ki, diqqət etsəniz mən istifadəçinin fəaliyyəti ilə bağlı tədbir görülməsi haqqında müraciətimdə heç nə qeyd etməmişəm, sadəcə fəaliyyətinin bütün yanlış inkişaf etmiş xüsusiyyətlərini bir başlıq altında toplamışam. Yəni bu müraciətim sadəcə səliqəli tərtib edilmiş məlumat, həmçinin xəbərdarlıqdır. — surə ^m 17:43, 3 noyabr 2023 (UTC)[]

İstifadəçi məlumatlandırıldı.— Turkmen ^müzakirə 09:32, 20 noyabr 2023 (UTC)[]