Vikipediya ?

Vikipediya:İdarəçi müzakirəsi
Info talk.png Bu səhifə idarəçilərin fəaliyyətini koordinə etmək üçün nəzərdə tutulmuşdur.


Mündəricat

Seçilmiş şəkillər

Bir vaxtlar azvikidə səsvermə ilə seçilmiş şəkil müəyyənləşdirirdik. Nə vaxtdır ki, bunu artıq avtomatik commonsdan edirik. Amma köhnə şərtlər, köhnə prinsip və qanunlar qalıb hələ də. "Vikipediya:Seçilmiş şəkil namizədləri" və s. belə səhifələri indiki şərtlərə uyğunlaşdırmaq, əslində heç bir şərtin olmadığını, bu işin commonsdan avtomatik edildiyini qeyd etmək, seçilmiş şəkillərlə bağlı bəzi səhifələri redaktə etmək, bəzilərini isə ümumiyyətlə silmək istəyirəm. Əgər etiraz edən yoxdursa, bu işə başlamaq istərdim. --Sortilegus (müzakirə) 19:44, 28 oktyabr 2019 (UTC)

  Lehinə dəstəkləyirəm, qeyri-fəal bölmədir. --eldarado 21:01, 28 oktyabr 2019 (UTC)
  Lehinə dəstəkləyirəm--Azerifactory (müzakirə) 22:56, 28 oktyabr 2019 (UTC)
  Lehinə Hətta mən bir dəfə bu tipli boş bir səhifəni silmişəm. Elə ondakan baxdım ki daha məna kəsb etmir. --Araz Yaquboglu (müzakirə) 14:22, 29 oktyabr 2019 (UTC)
  Lehinə --Turkmen müzakirə 16:58, 29 oktyabr 2019 (UTC)
  Lehinə--Nicat49   müzakirə 18:02, 29 oktyabr 2019 (UTC)
  Lehinə--Baskervill (müzakirə) 12:06, 10 noyabr 2019 (UTC)

Baskervill-in idarəçi və bürokrat hüquqlarının alınması ilə bağlı səsvermənin təşkil edilməsi

  • Müddət: 09 noyabr-24 noyabr

Salam hörmətli idarəçilər. Belə ki, idarəçi və bürokrat səlahiyyətlərinə malik olan Baskervill-in bu statuslara uyğun olmayan hərəkətlərə yol verdiyini düşünürəm. İstifadəçi ikinci dəfə Vikicəmiyyətin etimadına layiq görüldükdən sonra fəaliyyətini tamam başqa istiqamətlərdə qurub. Bu haqda aşağıda geniş şəkildə qeyd edəcəm. Belə ki, sosial şəbəkələr üzərindən Vikipediya istifadəçiləri bir-biri ilə əlaqə qura məsləhətləşmələr apara bilərlər. Ancaq məhz Vikipediya ilə bağlı müzakirələrin sosial şəbəkələrdə paylaşılması və Vikipediyanın əvəzinə "Facebook"-da aparılması düzgün deyil. Bu həmçinin Vikimedia Fondu tərəfindən ciddi şəkildə diqqətdə saxlanılan istifadəçilərin gizlilik haqlarının kəskin pozulması deməkdir. Əlavə olaraq belə bir misal qeyd edim ki, IRC və Discord kimi söhbət proqramları da Vikipediyadan kənar platformalardır, lakin məhz Vikipediya haqqında müzakirələr getdiyi üçün adıçəkilən kanallar Vikipediya qaydaları ilə işləyirlər. Yəni Vikipediya haqqında olan müzakirələr vikipediyaçılar tərəfindən istənilən platformada aparılsa belə ,Vikipediya haqqında olduğu üçün və vikipediyaçılar arasında olduğu üçün vikinəzakət və vikietika mütləq şəkildə qorunmalıdır. Zəhmət olmasa aşağıdakı keçidlərə diqqət edərdiz.

Sosial şəbəkə üzərindən

  1. Sortilegus haqqında Facebook paylaşımı () — Vikipediya:Mübahisələrin həlli qaydalarının Ümumi prinsiplər bölməsinin 1 və 3-cü bəndlərinin pozulması. Vikipediya:Etiket qaydalarının Ümumi etiket qaydaları bölməsinin 16-cı bəndinin pozulması. Vikipediya:Nəzakət qaydalarının Hansı əməllərə görə istifadəçi bloklana bilər bölməsinin 11-ci bəndinin kobud şəkildə pozulması.
  2. Facebook üzərindən iştirak belə etmədiyim müzakirədə mənə qarşı yazılmış iynələyici şərhlər () — Ortaya belə bir sual çıxır. Axı mən bu istifadəçiyə nə etmişəm? Baskervill Samral ilə müzakirə aparır ancaq mənə toxunan sözlər işlədir. Mənə qarşı yazılan şərhlərdə Vikipediya:Şəxsi hücum olmaz qaydasının prembula hissəsinin 3-cü bəndi pozulmuşdur. Yenə də, Vikipediya:Şəxsi hücum olmaz qaydasının Şəxsi hücumlar bölməsinin 2-ci bəndinin kobud şəkildə pozulması. Vikipediya:Etiket qaydalarının Ümumi etiket qaydaları bölməsinin 6-cı bəndinin və 16-cı bəndinin pozulması. Vikipediya:Nəzakət qaydalarının Hansı əməllərə görə istifadəçi bloklana bilər bölməsinin 8-ci və 11-ci bəndinin pozulması. Vikipediya:Təhqir, təhdid və aqressiyaya yol verilməməlidir qaydasının prembula hisəsində qeyd edilmiş 4 bəndinin elə 4-nün də kobud şəkildə pozulması.

Vikipediya üzərindən

  1. Araz Yaquboglu-ya qarşı nəzakətsizlik (keçid et) — Zəhmət olmasa 6-cı abzasın son cümlələrinə diqqət edin. İstifadəçi haqqında məqalə varsa və ensiklopedikliyi şübhə altındadırsa Vikipediya:Silinməyə namizəd səhifələrə təqdim edilə bilər. Yoxsa müzakirələrdə durduq yerə istifadəçilərə iynələyici sözlər deməyə ehtiyac yoxdur. Vikipediya:Müzakirə səhifəsi/ələri qaydalarının Müzakirə səhifəsinin əsas qaydaları bölməsinin 13-cü bəndinin pozulması. Həmçinin yenə də Vikipediya:Nəzakət qaydalarının Hansı əməllərə görə istifadəçi bloklana bilər bölməsinin 11-ci bəndinin pozulması və s.
  2. Araz Yaquboglu-ya qarşı 2-ci dəfə yenidən təkrar edilən nəzakətsizlik (keçid et) — Zəhmət olmasa 2-ci abzasa diqqət edin. Burada Baskervill əvvəlkindən daha sərt şəkildə müzakirə aparıb. Vikipediya:Şəxsi hücum olmaz qaydasının prembula hissəsinin 2-ci bəndinin pozulması. Vikipediya:Beş əsas prinsipin 4-cü bəndinin kobud şəkildə pozulması. Vikipediya:Təhqir, təhdid və aqressiyaya yol verilməməlidir qaydasının prembula hisəsində qeyd edilmiş 2-ci bəndinin pozulması. Vikipediya:Vikipediya nə deyil? qaydasının Vikipediya döyüş meydanı deyil bölməsinin ilk abzasında qeyd edilmiş qaydaların pozulması.
  3. Toghrul Rahimli-yə qarşı nəzakətsizlik (keçid et) — Zəhmət olmasa 4-cü abzasa diqqət edin. Vikipediya:Nəzakət qaydalarının Hansı əməllərə görə istifadəçi bloklana bilər bölməsinin 4-cü bəndinin pozulması. Vikipediya:İdarəçilərin fəaliyyəti qaydalarının Vikipediya istifadəçilərinə münasibət bölməsinin 1-ci bəndinin pozulması.
  4. Vahid Məmmədov adlı istifadəçiyə qarşı nəzakətsizlik () — İstifadəçi qeyri-ensiklopedik məqalə yarada bilər, yaxud məqaləsinin ensiklopedik olması şübhəli də ola bilər. Lakin idarəçilər də daxil olmaqla ümumən vikicəmiyyət arasında bu cür müzakirə aparılması üsulları tamamilə yanlışdır. Hələ bunu bir bürokrat edirsə. Üzr istəyirəm ancaq bürokrat tərəfindən müzakirədə işlədilən məzələnmək ifadəsi Vikipediyaya nə dərəcədə uyğundur? Zəhmət olmasa 13-cü abzasa diqqət edin. Vikipediya:Nəzakət qaydalarının Hansı əməllərə görə istifadəçi bloklana bilər bölməsinin 11-ci və 12-ci bəndlərinin pozulması. Vikipediya:Etiket qaydalarının Ümumi etiket qaydaları bölməsinin 16-cı bəndinin pozulması. Vikipediya:İdarəçilərin fəaliyyəti qaydalarının Vikipediya istifadəçilərinə münasibət bölməsinin 1-ci bəndinin pozulması.
  5. Sura Türksoy adlı istifadəçinin bloklanması () — Baskervill vikicəmiyyətin, ən azından idarəçilərin xəbəri olmadan Facebook-da müzakirə apardığı xanım istifadəçini 18 iyun 2019 tarixində 1 aylıq bloklayıb. Bloklama qeydlərinə baxsaq istifadəçi səhifəyə mənasız və yararsız əlavələr səbəbinə görə 1 ay müddətinə bloklanıb. Bu açıq-aşkar idarəçi alətlərindən sui-istifadədir. Facebook-da aparılan müzakirənin bloklama səbəbində qeyd edilmiş səhifəyə mənasız və yararsız əlavələr sözləri ilə yaxından uzaqdan əlaqəsi yoxdur. Bu saxtakarlıqdır.
  6. Eminn-ə qarşı nəzakətsizlik (keçid et) — Obyektiv olmaq lazımdır. Bu müzakirədə Eminn tərəfindən də nəzakət qaydaları pozulub. Lakin eyni sözü təkrar edib və ədalı tonda danışmağa nə gərək (sitat: 1000 dəfə demişəm ki, hansısa vikipediyada nümunə bizim vikipediya üçün qanun sayıla bilməz.) ? Zəhmət olmasa müzakirənin gedişinə diqqət edin. Orada gərəkən addımlar Toghrul Rahimli tərəfindən atılıb.

Yuxarda qeyd etdiyim səbəblərdə çox sayda Vikipediya qaydaları pozulmuşdur. Qeyd etdiyim səbəbləri əsas gətirərək idarəçinin etimad səsverməsinin keçirilməsini təklif edirəm. Qeyd edim ki, bürokrat statusu ilə adi halda idarəçi kimi heçbir texniki əməliyyat yerinə yetirilə bilmir. Məntiqi olaraq hər bir statusun öz özəlliyi var. Bürokrat statusu layihələrdə əsasən idarəçilərə verilir. Bu halda idarəçi hüququ geri alınacaqsa bürokrat hüququ da eyni anda geri alınmalıdır. Bütün idarəçilərdən (Wertuose, Babək Akifoğlu, Araz Yaquboglu, Eminn, White Demon, Nicat49, Anar kerimxanov, Sortilegus, Azerifactory, Qolcomaq, Eldarado, Toghrul Rahimli, Baskervill) mövzuya münasibət bildirmələrini rica edirəm. Sizlərə dərin hörmətlə, Turkmen müzakirə 11:24, 10 noyabr 2019 (UTC)

Səsvermə

  •   Lehinə. Yuxarda göstərdiyim səbəblərə əsasən istifadəçinin hüquqlarından məhrum edilməsini labüd hesab edirəm.--Turkmen müzakirə 11:24, 10 noyabr 2019 (UTC)
  •   Əleyhinə Cənab Turkmen mənim Allahdan başqa heç kimdən qorxum yoxdur. Sırf bu səbəbdəndir ki, üzvü olduğum sosial şəbəkə hesablarımın heç birinin blok siyahısında bir nəfər belə olsun şəxsin adı yoxdur. Təəssüflər olsun ki, eyni fikirləri sizin haqqınızda bildirmək mümkün deyil. Məni facebookda bloka atmanız sizin necə adekvat bir adam olduğunuzu göstərir. İdarəçi yoldaşlarımızdan biri sizin haqqınızda danışarkən, şapka koleksiyoncusu ifadəsini işlətmişdi. Fikirini bununla əsaslandırırdı ki, siz publikaya işləməyi sevirsiz və əsas məqsədiniz müxtəlif vikilahiyələrdə olan, müxtəlif statusları öz əlinizdə cəmləşdirməkdir. Ağına-bozuna baxmadan, lazım oldu, olmadı bütün statusları əldə etmək həvəsiniz hərdən baş tutmayanda isə yuxardakı səsvermə tipli bir səsvermə başlatmağa qərar vermisiniz. İcma bilir ki, sizinlə bağlı burada keçirilmiş bürokrat səsverməsindən sonra sizin mənə qarşı olan indiki münasibətiniz yaranıb. Yuxarıda göstərmiş olduğunuz facebook keçidlərinin vikipediyaya və xüsusi ilə mənim statuslarımın əlimdən alınmasına heç bir dəxlisi yoxdur. Görünür ki, mənə və şəxsimə qarşı növbəti bir kompaniya start götürmüşdür. Bakı şəhərində olarkən cənab idarəçilərimiz Wertuose, White Demon, Toghrul RahimliEldaradonun iştirakı ilə maraqlı viki görüşümz baş tutdu. 3 saata yaxın müxtəlif məsələlər ətrafında müzakirələr apardıq və hətta Toghrul Rahimli ilə daha bir dəfə Eldarado ilə isə 2-3 dəfə də təklikdə görüşüb, şəhər gəzintisi etdik. Bakıda olduğum müddət ərzində görüşmək imkanımızın olmadığı Babək AkifoğluNicat49 ilə də gözəl münasibətlərə sahibəm. Mənim bütün vikipediyaçılarla çox gözəl münasibətim var. Sura Türksoy şəxsimə yönəlmiş təhqirə görə tərəfimdən bir aylıq bloklanıb və bu barədə bloklanmanın səbəbini soruşan idarəçi və istifadəçilərə faktlar təqdim edilib. 10 ildən çoxdur ki, vikipediya üçün çalışıram və ölən bir günə qədər bu yöndə olan fəaliyyətim davam edəcək. 2016-cı ilin yay aylarında sizə ilk idarəçi olmağı belə səhv etmirəsə mən təklif etmişdim və siz cavabında hələ tez olduğunu bəyan etmişdiz. Sizə təklifmi budur ki, belə ucuz oyunlardan əl çəkin və kamera önündə özünü dünyanın 20 vikipediyaçısından biri kimi təqdim etməkdənsə öz redaktə və yaratmış olduğunuz məqalələrə gündəmə gəlməyə çalışın. Ana səhifənin yenilənməsi, labın arxivləşdirilməsi, xəbərlər bölməsinin güncəllənməsi, İP-lər tərəfindən edilmiş vandal redaktələrin qarşısının alınması üçün idarəçi və bürokrat statuslarının məndə olması mütləqdir. Cənab Azərbaycanca Vikipediyanının idarəçiləri, lütfən yuxarıda yazmış olduğum fikirləri diqqətlə oxuyun və cənab idarəçi Turkmenin müxtəlif lahiyələrdə yeni-yeni statuslar əldə etməsi naminə 10 ildir ki, bu saytı üçün çalışan Baskervillin üzərindən xətt çəkməyin.--Baskervill (müzakirə) 11:56, 10 noyabr 2019 (UTC)
  •   Şərh: Hörmətli Baskervill sizi facebook üzərindən 3 gün əvvəl bloka atmışam, bu gün yox. Bunun da səbəbini yuxarda qeyd etmişəm. Çünki mənim iştirak etmədiyim müzakirədə mənə iynələyici və böhtan xarakterli sözlər yazmısız. Ən azından sizdən 5 yaş kiçiyəm burda da olmasa sosial şəbəkə üzərindən nəzərə almalısız bunu. Hər bir vikipediya istifadəçisi vikipediya üçün dəyərlidir. Çünki iş görürlər bu layihə üçün. Lakin bunlar istifadəçinin etdiyi qayda pozuntularını nəzərə almamağımız anlamına gəlmir. Haqqımda qeyd etdiyiniz böhtan xarakterli yazıları isə nəzərə almıram. Yuxarda tərəfinizdən bir çox qayda pozuntularını qeyd etmişəm və idarəçi kimi istifadəçilərin fəaliyyətinin təftiş edilməsi mənim borcumdur. Sizin tərəfinizdən isə bu pozuntular 1 yaxud 2 deyil gördüyünüz kimi kifayət qədərdir. Hörmətlə--Turkmen müzakirə 12:17, 10 noyabr 2019 (UTC)
  •  :   Şərh: Görünür ki, siz şəxsi zəmində qisas almağa çalışırsız. Mənim Toğrulla çox gözəl münasibətim var və tərəfimdən ona qarşı heç bir nəzakətsizlik edilməyib. Emin, Ceklinin məsələsinə görə mənə facebookda "torba tikən" demişdi ki, bunu özü də təsdiq edə bilər və oradakı söz atışması qarşılıqlı olub. Sizin dərdiniz və probleminiz mənimlədir. Sizin kimi ictimai fəal bir vikipediyaçı, bir idarəçini sosial şəbəkə üzərindən bloka atırsa demək ki, adekvat adam deyil. --Baskervill (müzakirə) 12:23, 10 noyabr 2019 (UTC)
  •   Şərh: Turkmen, mənim məsələm barədə onu bildirə bilərəm ki, Baskervillin ilk yazdığı mənim xoşuma gəlməmişdi. Lakin sonradan danışıb bu məsələni həll etdik, hər şey həmişəkindən daha yaxşı oldu. Mənim Baskervill ilə münasibətim, söhbətlərim yalnız Vikipediyada edə biləcəyimiz işlərin, yeniliklərin müzakirəsindən ibarət olub. Düşünürəm ki, bütün idarəçilər arasında hörmət olmalıdır, yoxsa deqredasiyada olarıq. Əvvəllər mən də müzakirəni davam etdirməkdə çətinlik çəkirdim, lakin bunun həlli belədir: əgər real həyatda problemlərimiz varsa, kimisə acılamaq istəyiriksə, müzakirələrdə iştirak etməyək. Atmacalı müzakirələrə sərt cavab verməkdənsə, Vikipediyadan bir neçə saatlıq aralanıb əsəblərimizi cilovladıqdan sonra söhbətə qayıda bilərik. Nəticəsi effektiv olur o zaman. — Toghrul Rahimli • M/F 13:09, 10 noyabr 2019 (UTC)
  •   Şərh: Hörmətli Toghrul Rahimli sizinlə Baskervill arasında münasibətlərin düzəldiyindən xəbərim var. Ancaq indi müzakirənin məğzi tamam başqadır həmkar. Yəni Vikipediyadan qıraqda əlaqələr düzəlib. Buna çox şadam və idarəçilərin mehriban olması məsələsində sizinlə tamamilə razıyam. Ancaq bir məsələ var ki, niyə Baskervill bu tip müzakirə aparmalıdır? Münasibətlərin düzəlməsində hər ikiniz maraqlısınızsa deməli Baskervill-in də burada cəhdi olub. Ancaq Vikipediyada sizə və digər idarəçi/istifadəçilərə qarşı yuxarda qeyd etdiyim şəkildə müzakirə aparmaq qəbulediləndirmi? Sizin qeyd etdiyiniz kimi Atmacalı müzakirələrə sərt cavab verməkdənsə, Vikipediyadan bir neçə saatlıq aralanıb əsəblərimizi cilovladıqdan sonra söhbətə qayıda bilərik. Hörmətlə--Turkmen müzakirə 13:22, 10 noyabr 2019 (UTC)
  •   Lehinə Yuxarıda Turkmenin göstərdiyi səbəblərin hamsı doğru əsaslandırmadı. Hətta göstərdikləri edilənlərin yarısıdı desəm yanılmaram. Ceklinin, Vahidin də vikipediyadan getməsinin səbəbkarı Baskervilldir. --Araz Yaquboglu (müzakirə) 15:08, 10 noyabr 2019 (UTC)
  •   Lehinə Baskervill-in fəaliyyətində mənim də narazı olduğum məqamlar var. Xüsusən istifadəçilərlə müzakirə zamanı nəzakətsizlik etdiyini dəfələrlə görmüşəm. Turkmen-in qeyd etdikləri bunlardan bir neçəsidir. Cekli829 məsələsində sizin onu təxribata çəkdiyinizi hələ də düşünürəm. Vahid Məmmədova yazdığınızı digər istifadəçi yazsaydı, bloklanardı. İdarəçi səsvermənizdə gələn 55 səsin bir neçə gün sonra baş verən bürokrat səsvermənizdə 29 səsə qədər azalmağı sizi düşündürməli idi. Turkmenin açdığı bu müzakirəni şəxsi səbəblərə yönəltmək istədiyiniz görünür, buna heç bir şərh verə bilmərəm. Amma iddia qaldıran şəxslərin göstərdiyi arqumentlər təsdiq olunur, uydurma deyil. Müzakirənin nəticəsindən asılı olmayaraq fəaliyyətinizi nizama salmalısınız. Şəxsi həyatda münasibətlərin vikipediyaya heç bir aidiyyatı yoxdur. Şəhərdə gəzmək, çay içmək, şəkil çəkdirmək və sair məşğuliyyətlər vikipediyadakı səhvləri sığortalamır. Ümumiyyətlə, vikipediyaçıya qiymət vermək üçün "Fəaliyyətləri" bölməsinə baxmaq lazımdır, kiminsə fəaliyyətindən narazı olmaq şəxs olaraq ondan narazı olmaq demək deyil. Biz burda kimisə bloklayanda real həyatda onu döyüb-öldürmürük. Bunu da məlumat üçün qeyd edim ki, Ana səhifənin yenilənməsi, labın arxivləşdirilməsi, xəbərlər bölməsinin güncəllənməsi, İP-lər tərəfindən edilmiş vandal redaktələrin qarşısının alınması üçün yalnız idarəçi statusu da kifayət edir.--Eminn ismarıc 17:34, 10 noyabr 2019 (UTC)
  •   Əleyhinə Baskervillin müzakirələrdə nəzakət qaydalarını bəzən pozduğu fikirləri ilə razıyam, lakin bunu demək olar ki, bütün idarəçilər müəyyən zaman ediblər. Əgər bu səbəblərə görə idarəçilikdən çıxarılsa, biz gərək azı 7-8 idarəçini də buna bənzər səbəblərə görə çıxardaq. Müzakirənin şəxsi zəmində başverən söhbətlərə görə açıldığını görürəm. Düşünürəm ki, Baskervill tərəfindən vikipediyanın normal işi pozulmur. Əksinə azvikinin inkişafında əvəzsiz xidmətlər göstərməkdə davam edir. Baskervill və Turkmen hər ikisi də azviki üçün dəyərli istifadəçilərdir və təklif edirəm ki, aralarındakı münasibətləri dostcasına həll etsinlər və bunu vikipediyaya daşımasınlar. Hörmətlə --eldarado 18:53, 10 noyabr 2019 (UTC)
  •   Şərh: Hörmətli Eldarado əmin ola bilərsiniz ki, mən heçbir istifadəçi ilə indiyə qədər şəxsi zəmində prinsip aparmamışam. Əgər müzakirəni şəxsi zəmində aparsaydım təkcə öz adımla müzakirə açardım. Ancaq yuxarda özüm haqqında cəmi 1 keçid yerləşdirmişəm. Diqqət etsəz qalan bütün keçidlər digər istifadəçilər haqqındadır. Xahiş edirəm yuxarda yazdığım çox sayda qayda pozuntularını bir daha gözdən keçirin. Bürokrat və idarəçi səlayhiyyətlərinə malik bir istifadəçinin bu qədər qayda pozuntusuna yol verməsi nə dərəcədə düzgündür? Vikipediyanın nüfuzuna xələl gətirən bu qayda pozuntuları digər yeni istifadəçilərin də Vikipediya haqqında düşüncələrinə də ləkə gətirmirmi? Əgər Vikipediyada yüksək statuslara malik istifadəçi bunu edirsə, istifadəçilərə necə hər hansı qayda pozuntusu barədə xəbərdarlıq edə yaxud bloklama tətbiq edə bilərik? Bu Vikipediya:Tərəfsizlik qaydalarına zidd deyilmi?--Turkmen müzakirə 19:25, 10 noyabr 2019 (UTC)
  •   Şərh: Hörmətli Turkmen, şəxsi zəmində prinsip aparmasanız belə kənardan görünən görüntü budur sadəcə. Sosial şəbəkədə mübahisəli müzakirə, blok və bir neçə gün sonra bu müzakirə. Mövzu ilə bağlı fikrimi yuxarıda qeyd etdim, xatırlayırsınızsa Cekli də bir müddət əvvəl Baskervill dən dəfələrlə çox qaydaları pozmuş və vikinin işini açıq şəkildə pozmuşdu. Hətta yuxarıda sadalananlarla müqayisə belə edilə bilməz. Buna rəğmən müzakirə açıldıqda əksər idarəçilər getməsinin tərəftarı deyildir. Lakin indiki halda o dərəcə böyük bir sorun görmürəm. Qeyd elədiyim kimi nəzakətsiz müzakirələr aparan idarəçilərin sayı çoxdur. Əgər elədirsə gəlin bir bir hamısını çıxaraq müzakirəyə. Əgər bunu etmiriksə yalnızca bir idarəçini çıxarmaq üçün müzakirə başladırıqsa demək ki, hamımız Tərəfsizlik qaydalarını pozuruq. Mən mövqeyimi aydın və izahlı şəkildə ifadə etdiyimi düşünürəm, buna görə də mövqeyimi dəyişməyə yönəlik təkliflər etməməyinizi rica edirəm. Hörmətlə --eldarado 20:07, 10 noyabr 2019 (UTC)
  •   Şərh: Əlbəttə mövqeyinizi dəyişib dəyişməmək öz haqqınızdır. Lakin hansı idarəçilərdir yuxarda keçid verdiyim şəkildə müzakirə aparan? Və bu qədər kobud qayda pozuntularına yol verən. Əmin olun ki, burda qeyd etdiyim linklər Baskervill-in bu tip fəaliyyətinin hamsı deyil. Əziz Eldarado üzr istəyirəm indiyə qədər hansı idarəçi istifadəçi ilə Vikipediyada müzakirə apararkən məzələnmək ifadəsini işlədib? Sura Türksoy adlı istifadəçi ilə Facebook-da aparılan müzakirəyə görə istifadəçinin Vikipediyada bloklanması və bu haqda heçbir idarəçiyə xəbər edilməməsi, Baskervill-in fəaliyyətinin Cəkli829-dan fərqli olmadığını açıqca göstərir. Həmçinin Cekli829-un da fəaliyyətində etik və nəzakət qüsurları olub ancaq açıq şəkildə görünən odur ki, burada fəaliyyətindən narazılıq etdiyimiz Cekli829 belə Baskervill-in etdiyi qədər vikinəzakəti və etikanı pozmayıb. Hörmətlə --Turkmen müzakirə 21:08, 10 noyabr 2019 (UTC)
  •   Şərh: Od olmayan yerdən tüstü çıxmaz deyəllər. Görünən odur ki, müəyyən istifadəçilərə hansısa xoşa gəlməz fikirlər işlədilmişdir. Üstəlik bu məsələlər vikipediyadan kənara da daşınmışdır. Ümümi amal üçün mübarizə aparan və zəhmət çəkən insanların özlərini qarşısındakından üstün tutması bizlərə üstün bir şey verməyəcək. Mənədə müəyyən istifadəçilər yuxarıdan aşağı baxmaq, dəxlisiz məsləhətlər etmişlər. Ancaq çox zaman mənasız və öz səviyyələrinə uyğun olan məsləhətlərinin öhtəsinə buraxaraq boş vermişəm. Ancaq lazım gəldikdə isə yerlərini bilməsi üçün lazımı cavablarını vermişəm. Bu kimi halların təkrarlanmaması üçün bir-birimizə qarşı daha nəzakətli olmağı bacarmalıyıq. Söhbət saxtalıq və ya yaltaqlıq xarakteri daşımayan nəzakətdən getmir. Mən ilk vikiyə qoşularkən Araz Yaquboglu, White Demon və həmcinin Baskervillin mənə dəstəyi böyük olmuşdur. Bu səbəbdən mənim bu insanlara bir simpatiyam var. Şükürlər olsun ki, onlarla indiyənə kimi aramızda bir münaqişə yaşammamışdır. İnşallah ki yaşammaz. Amma haqsızlığa göz yuma da bilmərəm. Hər bir istifadəçini bir-birinə qarşı nəzakətli olmağa çağırıram.__Q🅾⚓Ç🅾Ⓜ🅰Q 20:41, 10 noyabr 2019 (UTC)
  •   Əleyhinə Vikipediyadan kənarda baş vermiş hadisələri və burada yazılanları oxumaq əlbəttə ki, xoş deyil. Lakin cənab Baskervilldən idarəçilik statusunun alınmasının azvikiyə xeyirdən çox ziyan olacağını düşünməkdəyəm. Bu səbəbdən əleyhinə səs verirəm. İdarəçilər arasında yaranmış müəyyən anlaşılmazlıqların və incikliklərin isə tez bir zamanda aradan qalxmasını ümid edirəm. Hörmətlə.--Nicat49   müzakirə 23:25, 10 noyabr 2019 (UTC)
  •   Əleyhinə Hörmətli Turkmen-in göstərdiyi nümunələri anlayıram və ümidvaram ki, gələcəkdə bu qəbildən olan anlaşılmazlıqlar yaşanmaz. Hörmətlə — Toghrul Rahimli • M/F 06:18, 11 noyabr 2019 (UTC)
  •   Əleyhinə Baskervilldən idarəçilik statusunun alınmasının əleyhinəyəm. Səbəbi isə odur ki, Azviki üçün fəaliyyət göstərən təcrübəli istifadəçilərin sayı azdır və son 10 il ərzində lazımsız mübahisələrə və incikliklərə görə xeyli istifadəçi buranı tərk edib. Nəticədə kim qazanıb? Bu bizim hamımızın yalnız ziyanına işləyib. Bizim bu siyahı kimi illərdir bir addım irəliləyib, iki addım gerilədiyimiz qlobal problemimiz var. Əməyinizi, zehninizi mübahisələrə yox, bu cür işlərə sərf etməyinizi arzulayardım. Hər iki istifadəçiyə uğurlar arzulayıram və məsələnin müzakirə ətrafında yoluna düşəcəyinə ümid edirəm. --Babək Akifoğlu (müzakirə) 17:55, 11 noyabr 2019 (UTC)
  •   Lehinə Mən oxudum müzakirələri, istinadları, facebook-da mənimlə və digər istifadəçilərlə bağlı yazdığı şərhləri və s. Fikirlərimi bir-neçə başlıq altında ümumiləşdirib bildirmək istəyirəm. Baskervill azviki üçün dəyərli istifadəçidir, hətta onunla Eminin azviki üçün yeri fərqlidir - hər ikisini mən azviki məktəbinin yetirməsi hesab edirəm. Məktəb yaşlarından yaşıdları facebook-da "oturanda" bu iki nəfər azvikidə redaktələr edirdilər, gedib internet kafedə oturub vikipediyada yazıb-pozurdular. Bu mənada bizim üçün dəyərlidirlər. Baskervillin idarəçi kimi də fəaliyyəti hər zaman yüksək olub, hətta ictimai iş olaraq da vikipediyanın təbliği üçün çox iş görüb. Bu onunla bağlı müsbət fikirlərim. Tənqidi fikirlərimi isə dəfələrlə özünə də demişəm, burada da yazmışam, yenə də təkrarən yazım ki, onun son 2-3 ildəki (əsasən AMEA kitabxanasında çalışmağa başlayandan sonra) fəaliyyəti çox hallarda zərərli istiqamətdə olub. Bir yerdə təlim keçən, bir quruma bağlı olan istifadəçilərin gəlib kütləvi səsvermələrdə səsverməsi, hər dəfə onun mövqeyini dəstəkləməsi, bir-neçə özünə yaxın istifadəçinin idarəçi seçilməsini təşviq etməsi, kampaniya şəklində işlərin aparılması - bunlar mənfi hallardır. O kampaniyanı mən Rüfətin yuxarıda istinadlar verdiyi keçidlərdə də görürəm. Həm də baxıram ki, Baskervill-də bir arxayınçılıq da yaranıb ki, artıq nə istədim edə bilərəm, ən pis halda mənə qarşı idarəçi müzakirəsi açılacaq, orada 3-4 məni həmişə dəstəkləyən idarəçi var, bundan da pis halda istifadəçi səsverməsi olacaq, orada da 30 lehimə səs həmişə hazırdı. Bax, bu arxayınçılıq da sonda onun istifadəçilərlə belə yuxarıdan-aşağıya, eyhamlarla danışmasına gətirib çıxarır. Bir gündə Cekli ilə onun idarəçi statusu alındı, səhərisi gün yenidən idarəçi namizədi oldu. Bu o deməkdir ki, kobudluq etmişəm, yaxşı etmişəm. Yenidən idarəçi seçiləcəm, bacarana can qurban. Yəni idarəçi statusunun haqsız alındığını iddia etmədən yenidən idarəçi oldu. Bu deyək ki, vikiqaydalarla qadağan olunmayıb, istifadəçinin öz abır-həyasına, etik prinsiplərə bağlı olan bir məsələdə. Bu seçkiyə və onun nəticələrinə irad ola bilməz. Amma idarəçi seçkisinin ardından 6 ay gözləmədən də bürokrat namizədi oldu və dedi ki, azvikidə gecə bürokrata ehtiyac var. Yəni Baskervill bəlkə də bütün vikilər içində analoqu olmayan bir statusa sahibdir - "Gecə bürokratı" :) Təbii ki, qeyri-rəsmi, rəsmi olaraq bürokratdır. Mənim iradım bu 6 ay məsələsi ilə bağlı idi, ona da o dəqiqə facebook-da məni öz aləmində məsxərəyə qoyaraq status yazdı ki, yuxarıda bu statusuna keçid var. Bütün bu halları mən mənfi hal olaraq dəyərləndirirəm. Təbii ki, bu müzakirədən müsbət nəticə çıxacağını gözləmirəm, yuxarıda yazdığım səbəblərdən. Amma düşünürəm ki, bu Baskervill üçün bir siqnal olmalıdır və o, özünə çəki-düzən verməlidir. Vikipediyada əbədi qruplaşmalar, əbədi dostlar olmur, bunu unutmamaq lazımdır. P.S. Mənə maraqlıdır ki, görəsən nə vaxtsa azvikinin məndən başqa olan digər iki bürokratının fikri hansı məsələdəsə fərqlənəcəkmi. Heç olmasa ən kiçik bir müzakirədə. Yoxsa ki, iki fərqli bədəndə bir ürək kimidirlər :) Allah axıracan mehriban eləsin. Hörmətlə:--Sortilegus (müzakirə) 08:59, 12 noyabr 2019 (UTC)
  •   Şərh: Hörmətli Sortilegus, xoş sözləriniz üçün sizə minnətdaram. Mehriban olmaq ən gözəlidir məncə də. Fikir ayrılığı məsələsi isə az olmayıb elə oxuyarkən biri yadıma düşdü. İstəsəniz digərlərini də boş vaxt olan kimi axtarıb taparam.--eldarado 09:27, 12 noyabr 2019 (UTC)
  •   Bitərəf: Mən Turkmen-in göstərdiyi nümunələri anlayıram amma Baskervil çox təcrübəli olduqundan, fikrimcə son xəbərdarlıq edilməlidir. Hər halda yaxşı hərəkət deyl.--Azerifactory (müzakirə) 23:43, 12 noyabr 2019 (UTC)

Müzakirə

Haqqımda başladılmış sözügedən səsvermə mənə qarşı olan kampaniyanın mövcud olduğunu bir daha göstərir. Cənab idarəçi Araz Yaquboglu atası haqqında yazılmış və ensiklopedik olmayan məqaləni silinməyə namizəd səhifəsinə təqdim etdiyim üçün yuxarıda göstərilən lehinə səsi mənə ünvanlamışdır. Həmin məqalə mənim yox, icmanın qərarı əsasında silinmişdir. Araz bəy tərəfindən bir zamanlar yaradılmış və şəxsin şəxsi tanışları olan bir necə aşıq, yazıçı və şair haqqındaki məqalələrin icma tərəfindən silinməsi də qeyd olunmalıdır. Bütün bunlar şəxsdə elə bir fikir yaratmışdır ki, mən onun bostanına daş atmağa çalışıram. Mənim tək məqsədim isə Azvikini zərəli məqalələrdən qorumaq və ensiklopedik aliliyi təmin etməkdən ibarət olmuşdur. Eminn bəy qeyd edir ki, mən keçmiş idarəçi Cekli829-u təxribata çəkmişəm. Ceklinin fəaliyyətindən icmanın 90% narazı idi və bir gündə üç aktiv istifadəçini bloklayandan sonra vəziyyət çıxılmaz həddə qədər gəlib çıxmışdı. Eminn bəy, əgər ki, Cekli yenidən idarəçi seçilmək istəyirsə, buyurub öz namizədliyini təqdim edə bilər. O, gözəl bilirdi ki, idarəçilik statusu əlindən alınsa bir daha idarəçi ola bilməyəcək, çünki şəxsin barəsində 3 dəfə etimad səsverməsi keçirilimiş və istifadəçiləri haqqsız blokladığı üçün idarəçilərə onlarla şikayət olunmuşdu. Bürokrat səsverməsində mənə qarşı olan səslərin azalması isə çox təbii bir haldır cənab Eminn. Azviki tarixində heç kim yaxın tarixlər ərzində 50+ səsi iki dəfə toplaya bilməyib, Azvikinin aktiv istifadəçi və idarəçi sayı bu səsi toplamağa imkan vermir. 55 səsi bu günə qədər bir tək mənim almağım və həmin səsvermədə ünvanıma yazılmış fikirlər belə bir daha mənim bu icma üçün gördüyüm işlərdən xəbər verir.

Mənə qarşı fakt kimi göstərilmiş bu keçiddə, Vikipediya:Nəzakət qaydaları Eminn bəy tərəfindən də pozulmuşdur, ancaq ittiham tək tərəfli formada elan olunaraq bir tək mən günahkar görülməkdəyəm. Cənab idarəçi Eminn, qeyd edirsiz ki, Ana səhifənin yenilənməsi, labın arxivləşdirilməsi, xəbərlər bölməsinin güncəllənməsi, İP-lər tərəfindən edilmiş vandal redaktələrin qarşısının alınması üçün yalnız idarəçi statusu da kifayət edir - razıyam, bəs mənimlə bağlı başladılan səsvermədə mənim idarəçilik statusumun əlimdən alınmasından söhbət gedir axı. Yəni ki, idarəçilik statusu əlimdən alınandan sonra hansı formada sözügedən dəyişiklikləri edəcəm ? Mən bir daha icmanın, istifadəçilərin, idarəçilərin nəzərinə və diqqətinə çatdırmaq istəyirəm ki, texniki proseslərin icra edilməsi üçün idarəçilik statusunun məndə olunması çox mühümdür. Kiçik bir fakt. Cənab istifadəçi, Sefer azeri mənə facebook üzərindən yazı atıb ki, zəhmət olmasa bu yazını Xəbərlər bölməsinə əlavə et. İdarəçilik statusum olmayandan sonra bu kimi texniki işləri necə yerinə yetirə biləcəm ? Yuxardakı yazıısında Toghrul Rahimli bir zamanlar aramızda olan anlaşılmazlıqların aradan qalxdığını yazsa da, Turkmen təkidlə məsələnin başqa olduğuna işarə vurmağa çalışır.

Bir var ki, idarəçi kütləvi formada icmanın narazılığına səbəb olur, qayda pozuntuları edir, hamıya qarşı gəlir və icmanın ümumi işini pozur və beləlikə də, səsvermə və müzakirələr əsasında əlindəki hüquqlar alınır. Birdə var ki, konkret olaraq bir qrup şəxsin iradəsi əsasında, sırf onlara xoş getməyən hərəkətlərə yol verib deyə, idarəçilik statusunun əlindən alınması üçün kampaniya başladılır. Bax, mənim vəziyyətim daha çox ikinci hala uyğun gəlir. Mən hər zaman vikipediya prinsiplərini üstün tutmuşam. Vahid Məmmədovun Turkmenlə dost olduğunu və hətta Gəncə şəhərində onunla bir müddət eyni mənzildə yaşadığını yəgin ki, çoxları bilir. Bu gizli bir fakt deyil və idarəçinin özü tərəfindən görüşlərdə dəfələrlə vurğulanıb. Vahid Məmmədov yaratmış olduğu qeyri-ensiklopedik məqaləyə görə vikipediyadan gedibsə, mən nə edə bilərəm ? Turkmen bəy, bütün şəxsi əlaqələrini işə salıb və ətrməni facebookda bloklayaraq, haqqımda yuxardakı kampaniyanı aparmaqdadır. Turkmen bəy, əgər özünüzü bu işin peşakarı hesab edirsinizsə, lütfən məni blokdan çıxardın və imkan yaradın ki, sizinlə mövzu və problemlərlə bağlı müzakirə apara bilim.

Çox sırf qrafikə sahib olmağıma baxmayaraq Azviki üçün redaktələr etməyə, yeni məqalələr yazmağa və idarəçinin üzərinə düşən öhdəlikləri icra etməyə çalışıram və ömrümün sonuna qədər də çalışacağam. Açıq danışacağam. Turkmen hesab edir ki, onunla bağlı aparılmış bürorkat səsverməsində əlehinə səsləri mən manipulasiya etmişəm və bunun nəticəsində də, idarəçi bürorkat seçilməyib. Di gəl ki, orada qarşı səsi vermiş 11 nəfərdən 9-u öz fikirlərini əsaslandırıblar. Vikipediya:Nəzakət qaydaları icma tərəfindən qəbul olunmuş digər rəsmi prinsip və qaydalar kimi mənim üçün çox önəmlidir və heç bir zaman planlı və məqsədli şəkildə kiminsə xətrinə dəymək, qəlbini qırmaq, quyruğunu tapdalamaq kimi bir niyyətim və məqsədim olmayıb. Zaman-zaman gərgin ruh halımın mənə vermiş olduğu, negativ enerji ilə kiminsə xətrinə dəymiş ola bilərəm və əgər belə bir hal baş veribsə həmin şəxslərin bu halı üzürlü saymalarını rica edirəm. Vikipediyaya girmişəm ki, texniki işlərimi görüm, birdə görürəm ki, Turkmen məni idarəçilikdən kənarlaşdırmaqdan üçün əlləşib vuruşur. Cənab Turkmen sizə sadə iki sualım var. Mən idarəçilik və bürokrat statuslarım əlimdən alınandan sonra bürokrat namizədi olacağsınızmı ? Digər sualım isə mənim burada etmiş olduğum texniki işləri kim edəcək ? --Baskervill (müzakirə) 21:37, 10 noyabr 2019 (UTC)

Hörmətli Baskervill siz nə danışırsız? 10 ildir layihədə fəaliyyət göstərirsiz amma deyəsən anlamırsız ki, müzakirə apararkən dəqiq faktlara söykənmək lazımdır. Hardan iddia edirsiniz ki, mən Vahid Məmmədov adlı istifadəçi ilə yaxın dostam və hətta bir mənzildə yaşamışam? Bu yazdıqlarınızı kim deyib sizə, yaxud hardan öyrənmisiz? Belə birşeylər olmayıb axı. Lütfən əmin olmadığınız məsələlər barədə bilib-bilmədən yazmayın. Birdə əgər mən yuxarda qeyd etdiyiniz bürokratlıq seçkisi və b. digər məsələlərə görə müzakirə açsaydım, elə o səbəbləri də qeyd edərdim. Diqqət edin ki, yuxarda özüm haqqında cəmi 1 link vermişəm. Əgər sırf şəxsi məsələlərə görə etsəydim, bunu aylar əvvəl edərdim. Sizdən bir daha xahiş edirəm, əmin olun sonra yazın. Yuxarda haqqımda böhtan dolu yazılar yazmısız. Hətta yazmısız ki mən vahid Məmmədovla bir mənzildə qalmağımı və yaxın dost olmağımı vikigörüşlərdə qeyd etmişəm? Hansı vikigörüşdə qeyd etmişəm? Kimlərə demişəm? Yazdıqlarınızı sübut edin zəhmət olmasa. Əks halda bu böhtandır. Hörmətlə--Turkmen müzakirə 22:20, 10 noyabr 2019 (UTC)
Cənab Turkmen əsəbləşməyin, sakitləşin lütfən. Bu günə qədər heç kimə böhtan atmamışam və atmaq kimi də bir niyyətim yoxdur. 2017-ci ilin 10 oktyabr tarixində Azərbaycan Milli Elmlər Akademiyasının elmlər akademiyası metrosu tərəfindəki binalarınını birində bir viki görüş baş tutmuşdu. Gəncə şəhərində təhsil almağınıza baxmayaraq, həmin görüşdə sizdə iştirak etmişdiz. Binadan çıxıb, idarəçi və istifadəçilərlə birlikdə yaxınlıqdakı çayxanaya gedən zaman, siz bildirdiniz ki, Vahidlə Gəncədə eyni mənzildə kirayədə qalmısız və sizin yaxın dostluq münasibətləriniz var. Bütün bu dediklərim Eldaradonun yanında baş verdi və oda bu faktları təsdiq edə bilər. Bilsəydim ki, bir gün bu dedikləriniz mənə qarşı böhtan olaraq istifadə ediləcək səsinizi yazardım :) Digər bir tərəfdən zəhmət olmasa idarəçilərə facebook üzərindən yazıb, məlum səhifənin linkini atıb, fikir bidir, münasibət bildir kimi rəylər yazmayın. Lütfən bunu da böhtan adlandırmıyın, çünki əlimdə səs yazıları mövcuddur. Çox təəssüflər olsun ki, Azvikinin inkişafına nail olmağın yollarından danışacağımız təqdirdə, oturub məni idarəçilikdən çıxarmağın yollarından danışırıq, danışırsız.--Baskervill (müzakirə) 22:37, 10 noyabr 2019 (UTC)
Hörmətli Baskervill. Əmin olun ki əsəbləşmirəm, yazdıqlarınız mənə bir zarafat kimi gəlir. Cekli829Shafa Movsumov Vahid Məmmədov adlı istifadəçini tanıyırlar, onlardan da soruşa bilərsiz. Görürəm ki, Cənub zonasında və Bakıda yaşayan şəxsi Gəncəyə gətirməyə maraqlısız. Dediyiniz vikigörüş yadımdadır. O vikigörüş mənim ilk dəfə iştirak etdiyim vikigörüş olub və mən həmin görüşdə heç vaxt iddia etməmişəm ki, Vahid Məmmədov ilə Gəncədə bir mənzildə yaşayıram.--Turkmen müzakirə 08:54, 11 noyabr 2019 (UTC)

  Bitərəf:__Q🅾⚓Ç🅾Ⓜ🅰Q 07:04, 11 noyabr 2019 (UTC)
  Əleyhinə Məsələ barədə mən də bir neçə fikir bildirmək istəyirəm. Rüfəti çox yaxşı istifadəçidi, məqsədi heç vaxt pis olmayıb. Amma Baskervill idarəçi kimi həm AzVikiyə onlayn şəkildə, həm də oflayn şəkildə töhfələr verib(ir). Baskervill sadəcə bir az emosional istifadəçidi və müzakirələr zamanı bəzən bu emosionallığını saxlaya bilmir, bunu yəqin çoxları bilir. Yuxarıda gətirilən arqumentlərə gəldikdə isə, Toğrulla olan məsələ çox kiçik idi və çoxdan olmuşdu, hətta mən unutmuşam. Baskervillin də qeyd etdiyi kimi sentyabrın əvvəllində olan görüş zamanı heç bir problem yox idi axı. Emin bəyin qeyd etdiyi "Cekli və provakasiya" məsələsinə gəldikdə isə mən razılaşmıram. Əvvala, Cekli bir redaktə müharibəsinə girişmişdi və bilməliydi ki, bu düzgün addım deyil. Üstəlik, həmin məsələ zamanı Baskervillin də idarəçi statusu alınmışdı. Belə çıxır ki, Baskervill idarəçi statusunu qurban verərək provakasiya etməyi seçib? Mən Baskervillin vəkili, ya da müdafiəçisi zadı deyiləm. Sadəcə məsələyə tərəfsiz yanaşmağa çalışıram. Bir idarəçinin sadəcə bir neçə "nöqsan"lı tərəflərini qabardıb, "xeyirli" tərəflərini kiçildib arxaplana ataraq status alınmasına müsbət yanaşmıram.--127-ci yapon imperatoru 09:32, 11 noyabr 2019 (UTC)
Siz əlbəttə ki, belə bir şey dediyinizi inkar edəcəksiniz Turkmen. Artıq bunun ciddi bir mənası yoxdur. 5 aktiv idarəçimiz sizin bu tərəfli təklifinizə qarşı öz əleyhinə rəylərini bildiriblər. Mən heç bir zonada yaşayan heç kimi heç harasa gətirməkdə maraqlı falan deyiləm. Başa düşmək istəmirsiz ki, mənə idarəçi hüququ Azvikinin inkişafı üçün lazımdır. Siz adekvat bir şəxs olsaydınız, məni facebookda bloka atıb, haqqımda belə bir səsvermə başlatmazdınız. Gələcəkdə sizin kimi idarəçi və istifadəçilərə qarşı daha diqqətli olacağam və imkan verməyəcəm ki, kimsə gəlib buradakı əziyyətimi şəxsi maraqlarına görə məhv etsin. Mən hər zaman Azvikidə olacağam Turkmen cənabları. Bir gün vəfat etsəm belə ruhum girib yeni məqalələr yaradacaq. Sizə qədərdə burada idim, sizin zamanınınızda da buradayam və sizdən sonrada burada olacağam. Heç bir halda məni heç bir məsələyə görə narahat etməyin lütfən. Gələcək müsahibələrinzdə və işlərinizdə uğurlar. Hörmətli bürokrat Eldarado cənabları, lütfən bu səsverməni arxivləşdirin. Hörmətlə:--Baskervill (müzakirə) 08:10, 12 noyabr 2019 (UTC)
Cənab idarəçi və bürokrat Sortilegus bildirmiş olduğunuz maraqlı fikirlərə görə təşəkkür edirəm. Əvvəlcə ondan başlayım ki, məndə əlimdəki statusları itirməklə bağlı heç bir arxayınlıq yoxdur, əksinə əndişə və qayğı var ki, birdən icma haqqımda yanlış qərar qəbul edər. Zəhmət olmasa mənim fəaliyyətimə nəzər salın. Ana səhifənin yenilənməsi, Xəbərlər bölməsinin güncəllənməsi, Kənd meydanı, Lab, SNS arxivləşdirmələri və İP redaktələrini əsasən kim yoxlayır ? İdarəçi statusu olmadan bunları edə bilməyim mümkündür ? Gecə bürokratı deyib, lağ edirsiziniz, ancaq xəbəriniz varmı ki, hər həftənin I günü Ana səhifənin ən azı 1, ən çoxu isə 3 bölməsi qırmızı keçidlərlə boş qalır ? Çünki, növbəti həftə üçün lazım olan bölmələr əlavə edilməyib. Bu sahədə fəaliyyət göstərən bir şəxsi idarəçilikdən kənarlaşdırmaqla nə əldə edəcəksiniz ? 2 ildən çoxdur ki, AMEA Mərkəzi Elmi Kitabxanası ilə heç bir əlaqəm yoxdur. Həmin kitabxanadan bu gün çalışan bəzi istifadəçiləri müxtəlif zamanlarda, müxtəlif müddətə bloklamağımda həmin kitabxana ilə münasibətlərimin heç də isti olmadığını göstərir məncə. İnsaf naminə demək lazımdır ki, AMEA Mərkəzi Elmi Kitabxanasının vikipediya kollektivi Azvikinin inkişafı üçün çalışır və bu gün Ana səhifədəki seçilmiş məqalədən tutmuş, son dəyişikliklərdə ki, əsaslı 3-5 imzanın içində həmin kitabxananın imzası var. Göstərmiş olduğunuz kitabxana arqumenti yersizdir bir sözlə. İdarəçilərin və bürokratların seçilməsi qaydalarında yazılıb ki, bürokrat namizədi olan şəxs 6 ay müddətindən az olmayaraq Azərbaycanca Vikipediyanın idarəçisi olmalı və ya Arbitraj komitəsində fəaliyyət göstərməlidir; - mən isə son 8 ildə idarəçi kimi fəaliyyət göstərmişəm və idarəçi ulduzunu da elə sizdən almışam. Cənab Sortilegus son 6 ay yox, 6 ay müddətində yazılıb. Əsla icma qarşısında özümü yuxarıdan aşağı aparmıram və özümü Azviki icmasının idarəçisi yox, xidmətçisi hesab edirəm. Haqqımda deyilmiş bütün ifadələr uydurma, şər və böhtandan başqa bir şey deyil. Sizin haqqımıda işlətmiş olduğunuz Gecə bürokratı ifadəsi Nəzakət qaydalarının XI bəndinə ziddir və bunu özünüzdə yaxşı bilirsiniz. Məndən yaşca böyük olduğunuz üçün bu ifadənizə qarşı heç nə demirəm, ancaq icmanın iradəsi əsasında seçilmiş bir bürokratı bu formada təhqir etməklə tək mənə yox, bütün icmaya hörmət etmədiyiniz göstərmiş olursunuz. Bu tipli bir ifadəni mən işlətmiş olsaydım, Turkmen dərhal onu yuxarıdakı siyahıda qeyd edərdi və siz də, məmuniyyətlə geniş yazılmış yazınızın daxilində bu barədə 1-2 kəlimə yazardınız ki, heç idarəçi və bürokat olan şəxs də, "gecə bürokratı kimi bir ifadəmi işlədər, gecə bürorkatı yox bir.. gecə.. Təbii ki, sizə olar, axı siz ən qocaman idarəçimisiniz. Sizin timsalınızda ipini yığmaq kimi Nəzakət qaydalarını pozan ifadələrə dəfələrlə şahidlik etmişik və maraqlıdır ki, Turkmen nə üçün oxşar səsverməni sizin haqqınızda başlatmayıb. Məsələyə geniş və ətraflı formada münasibət bildirdiyniz üçün bir daha təşəkkür edirəm. Cənab Eldarado məsələsinə gəlincə isə Eldar çox yaxşı yoldaş və etibarlı vikipediyaçıdır. İcmanın inkişafı üçün onunla və digər vikipediyaçılarla işgüzar söhbətlər etmək hər zaman xoşdur və lütfən vikipediyaçılar arasındakı səmimi münasibətlərdə də nəsə başqa mətləblər axtarmayın. --Baskervill (müzakirə) 09:28, 12 noyabr 2019 (UTC)

İdarəçi qeydləri

Həmçinin bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019