Dennis Berqkamp — Niderlandlı keçmiş futbolçu. Berqkamp ilk dönəmlərdə yarımmüdafiəçi kimi çıxış etmiş, ancaq sonralar hücumcu kimi oynamağa başlamışdır. Keçmiş hollandiyalı futbolçu Yan Mulder bildirib ki, Berqkamp tarixdə "ən texnikalı hollandiyalıdır". Onun keçmiş tərəfdaşı Tyerri Anri isə bildirib ki, Berqkamp "xəyalların hücumçusudur". Berqkamp "Ayaks"da 1986-cı ildə debüt edib. 1993-cü ildə İtaliyanın "İnter (Milan)" klubuna keçib. Burada Berqkamp çox da uğurlu olmayan 2 mövsüm keçirib, daha sonra isə İngiltərənin "Arsenal" klubuna keçib, burada o? üç dəfə İngiltərə çempionatının, dörd dəfə isə ölkə kubokunun qalibi olub.
O, eyni zamanda 2006-cı ildə "Arsenal" klubu ilə Çempionlar liqasının finalına vəsiqə qazanıb, bu oyun onun karyerasında sonuncu oyun kimi də yadda qalıb. Berqkamp "Arsenal" klubunun bütün tarixi ərzindəki ən yaxşı oyunçularının siyahısında yalnız Tyerri Anridən geri qalaraq ikinci pillədə qərarlaşıb. 2014-cü ildə Emirates stadionunun ətrafında Berqkampın şərəfinə heykəl ucaldılıb. Berqkamp əsas milli komandada 1990-cı ildə debüt edib və onun heyətində 10 il çıxış edib.
