Vikipediya məqalələrindən
- 1989-cu ilin 1-5 iyun tarixlərində Özbəkistan Sovet Sosialist Respublikasının Fərqanə vadisi olaraq adlandırılan bölgəsində yaşayan Axısqa türklərinə qarşı yerli özbəklər tərəfindən gerçəkləşdirilmiş poqrom nəticəsində 100 min əfərə yaxın Axısqa türkü Özbəkistanı tərk etmək məcburiyyətində qalmışdı.
- Ginnesin Rekordlar Kitabına əsasən, yüksəklikdən paraşütsüz sərbəst düşmə zamanı sağ qalmış şəxslər arasında dünya rekordu serb stüardessa, Vesna Vuloviçə (şəkildə) məxsusdur. McDonnell Douglas DC-9-32 təyyarəsi 10.160 metr hündürlükdə partlamışdır. Vesna Vuloviç hadisə məqamını nəinki yaşamış, həmçinin qalıqların yerə düşməsi zamanı 28 sərnişin və ekipaj üzvləri arasında yeganə sağ qalmış şəxs olmuşdur.
- Azərbaycan Respublikasının Kəlbəcər rayonunun inzibati ərazi vahidində yerləşən Mehmana kəndi, Azərbaycanda pont yunanların kompakt formada yaşadığı yeganə kənd olmuşdur.
- Əl-Qaidənin başçıları arasında yer alan və təşkilatın yaradılmasından 2 may 2011-ci ildə ölümünə qədər yaradıcısı olduğu Üsamə bin Laden bir dövr gizli şəkildə müxtəlif quruluşlardan yaradılan Abbottabad kompleksində yaşamışdır.