Vikipediya:Ana səhifə/Xəbərlər/Arxiv/İyun–Dekabr 2024
Xəbərlər arxivi | ||
|---|---|---|
| 2024 |  | |
| 2025 | ||
Əvvəlki arxivlərə {{Ana səhifə/Xəbərlər arxivi}} səhifəsindən baxa bilərsiniz. | ||
- Eks ABŞ Prezidenti Cimmi Karter 100 yaşında vəfat edib.
- Cənubi Koreyanın "Jeju Air" aviaşirkətinə məxsus "Boeing 737-800" təyyarəsi Muan Beynəlxalq Hava Limanında qəzaya uğrayıb, hadisə nəticəsində 179 nəfər həlak olub.
- Azərbaycan Hava Yollarının J2-8243 nömrəli Bakı-Qroznı reysini yerinə yetirən "Embraer 190" təyyarəsi Qazaxıstanın Aktau şəhərinin 3 km yaxınlığında qəzaya uğrayıb.
- Mixail Kavelaşvili Gürcüstanın altıncı prezidenti seçilib.
- Suriyalı müxaliflərin irimiqyaslı hücumu nəticəsində məğlubiyyətə uğradılan Suriya Silahlı Qüvvələrinin geri çəkilməsi ilə paytaxt Dəməşq şəhəri müxaliflər tərəfindən tutuldu və Suriya prezidenti Bəşər Əsəd hakimiyyətdən uzaqlaşdırıldı.
- Suriyalı müxaliflər və hökümətyönlü qüvvələr arasında Hələb şəhəri uğrunda döyüşlər başlayıb.
- Beynəlxalq Cinayət Məhkəməsi Fələstində davam edən müharibə ilə bağlı cinayətləri araşdırarkən İsrailin Baş naziri Benyamin Netanyahu və keçmiş müdafiə naziri Yoav Qallantın həbsinə order verib.
- Bakıda keçirilən Birləşmiş Millətlər Təşkilatının İqlim Dəyişikliyi Konfransına start verilib.
- Donald Tramp prezident seçkilərində yenidən ABŞ prezidenti seçilib.
- Bakı Metropoliteninin sabiq sədri Tağı Əhmədov vəfat edib.
- İsrailin Livanın paytaxtı Beyruta hava hücumu nəticəsində Hizbullah lideri Həsən Nəsrullah öldürülüb.
- Azərbaycan Milli Məclisinin VII çağırışı formalaşıb və məclisin ilk iclası keçirilib.
- Hizbullah üzvlərinin Livan və Suriyada istifadə etdikləri elektron cihazların partlaması nəticəsində azı 42 nəfər ölüb, minlərlə insan yaralanıb.
- Perunun sabiq prezidenti Alberto Fuximori 86 yaşında vəfat edib.
- Fransanın paytaxtı Parisdə 2024 Yay Paralimpiya Oyunlarının açılış mərasimi keçirilib.
- Parisdə saxlanılan "VKontakte" sosial şəbəkəsinin və "Telegram" mobil tətbiqinin yaradıcısı Pavel Durov məhkəmədə haqqındakı ittihamlarla əlaqəli olaraq şərti azadlığa buraxılıb.
- "VKontakte" və "Telegram" veb tətbiqlərinin yaradıcısı Pavel Durov Azərbaycandan Fransaya uçduğu təyyarədən enərkən Parisdə Fransanın hava nəqliyyatı jandarma əməkdaşları tərəfindən saxlanılıb.
- Ukrayna Silahlı Qüvvələri Kursk vilayətinə basqın edərək Rusiyanın Sudja şəhərinə və digər yaşayış məntəqələrinə nəzarəti ələ keçirib.
- Banqladeşin sabiq baş naziri Şeyx Həsinənin ölkəsindəki etirazlardan sonra vəzifəsindən istefa verməsinin ardından Məhəmməd Yunus yaradılan müvəqqəti hökümətin başçısı təyin edilib.
- ABŞ vitse-prezidenti Kamala Harrisin 2024-cü ildə ABŞ-də keçiriləcək prezident seçkilərində namizədliyi rəsmi olaraq təsdiqlənib.
- HƏMAS lideri İsmayıl Həniyyə İranın paytaxtı Tehranda öldürülüb.
- Azərbaycan cüdoçusu Hidayət Heydərov XXXIII Yay Olimpiya Oyunlarının finalında fransalı rəqibini məğlub edərək Azərbaycanın ilk medalını qazanıb.
- ABŞ-nin hazırkı prezidenti Co Bayden 2024-cü ildə keçiriləcək prezident seçkilərində iştirak etməkdən imtina edib.
- ABŞ-nin "CrowdStrike" kibertəhlükəsizlik şirkətinin xətalı proqram yenilənməsi qlobal kompüter kəsintilərinə səbəb olub.
- ABŞ-nin eks-prezidenti Donald Tramp Pensilvaniya ştatının Batler yaxınlığında siyasi mitinq zamanı məruz qaldığı sui-qəsddən yaralı olaraq qurtulub.
- Məsud Pezeşkian İranda keçirilən prezident seçkilərinin ikinci turunda prezident seçilib.
- Azərbaycan Milli Məclisi və Naxçıvan Ali Məclisinə növbədənkənar seçkilər təyin edilib.
- Birinci Qarabağ müharibəsi döyüşçüsü Natiq Qasımova "Azərbaycanın Milli Qəhrəmanı" adı verilib.
- "WikiLeaks"in qurucusu Culian Assanc ABŞ hökuməti ilə razılığa gələrək azadlığa buraxılıb.
- Qırmızı kitaba daxil edilmiş pireney pişiyi "nəsli kəsilməkdə olan növlər"dən "həssas növlər" kateqoriyasına keçirilib.
- Azərbaycan Milli Məclisi parlamentin buraxılması və növbədənkənar parlament seçkilərinin təyin olunması üçün prezident İlham Əliyevə müraciət edib.
- AFFA-nın İcraiyyə Komitəsinin onlayn formatda keçirilən iclasında qəbul edilmiş qərara əsasən Fernandu Santuş Azərbaycan milli futbol komandasının baş məşqçisi təyin edilib.
- Beynəlxalq Olimpiya Komitəsi (BOK) Əfqanıstanın "Taliban" təşkilatının təsis etdiyi müvəqqəti hökumətin nümayəndələrini Parisdə keçiriləcək 2024 Yay Olimpiya Oyunlarına buraxmamaq barədə yekdil qərar qəbul edib.
- Avropa Parlamentinə keçirilən seçkilərdə sağ mərkəziyyətçi Avropa Xalq Partiyası qələbə çalıb. Bununla belə, Almaniya üçün Alternativ, Milli Cəbhə kimi ifrat sağçı partiyalar da uğur qazanıb.
- Hindistanda keçirilən parlament seçkilərində qalib gələn Milli Demokratik Alyans azaldılmış səs çoxluğu ilə Narendra Modini təkrar baş nazir postuna seçib.