Veyk-an-Zee turniri — Beynəlxalq şahmat turniri.[1]

Veyk-an-Zee turniri belə demək olarsa, ən qədim və ən güclü şahmat turnirlərdən biri sayılır. Bu yarış 1937-ci ildən başlayaraq hər il keçirilir.[2] Yeganə fasilə 1945-ci ilə təsadüf edir. 1967-ci ilədək Hollandiyanın Beverveyk şəhərində düzənlənib və yalnız 1968-ci ildə qonşuluqda yerləşən Veyk-an-Zeeyə, yəni bugünkü ünvana köçüb. 1946-cı ildən etibarən yarışa sponsorluq edən Hollandiyanın "ing. Hoogovens" metallurgiya konserninin adına görə turnir rəsmi olaraq "Hoogovens-turnir" adlanmağa başlayıb. 1999-cu ildə konsernin Böyük Britaniyanın "British Steel" kompaniyası ilə birləşməsindən əmələ gələn "Corus Group" turnirə sponsorluğu davam etdirib və 2000-ci ildən başlayaraq yarış "Corus-turnir" adlanır. Lakin, qeyri-rəsmi olaraq geniş şahmat ictimaiyyəti onu keçirildiyi şəhərə görə Veyk-an-Zee və ya sadəcə Veyk deyə adlandırırlar. Beynəlxalq statusu "Veyk" 1946-cı ildə alsa da, onun intibah dіvrü 1960-cı ildən, yəni turnirə SSRİ şahmatçılarının dəvət olunmasından sonra başlamışdır.
Veyk-an-Zee və ya hazırda Tata Steel Chess Tournament [3] istənilən prizmadan olduqca maraqlı yarışdır. Burada açıq aşkar autsayderlər yoxdur. Bu səviyyəli turnirlər üçün isə ən vacib şərtlərdən biridir. İstər mübarizə gərginliyi, istərsə də şahmat estetlərinin zövqlərini oxşaya bilən qarşıdurmaların çoxluğu baxımından Veyk-an-Zee istənilən tərkibdə həmişə möhtəşəm şahmat bayramına çevrilir.[4]
- ↑ "Абдусатторов лидирует на шахматном турнире Tata Steel Chess, Карлсен — четвёртый". Газета.uz (rus). 25 yanvar 2023. 5 sentyabr 2023 tarixində arxivləşdirilib. İstifadə tarixi: 5 sentyabr 2023.
- ↑ "Чем известен шахматный супертурнир в Вейк-ан-Зее". Российская газета (rus). 22 yanvar 2019. 5 sentyabr 2023 tarixində arxivləşdirilib. İstifadə tarixi: 5 sentyabr 2023.
- ↑ "Tata Steel Chess Tournament 2023". Tata Steel Chess Tournament 2023 (ingilis). 10 iyul 2023 tarixində arxivləşdirilib. İstifadə tarixi: 5 sentyabr 2023.
- ↑ Green (NathanielGreen), Nathaniel. "Вейк-ан-Зее: история в фотографиях". Chess.com (rus). 28 yanvar 2022. 5 sentyabr 2023 tarixində arxivləşdirilib. İstifadə tarixi: 5 sentyabr 2023.