Əliyev Vasif İzzət oğlu (21 sentyabr 1941, Astara) — Azərbaycan Respublikasının Milli Məclisi III çağırış deputatı.[1]
| Vasif Əliyev | |
|---|---|
| 2005 – 2010 | |
| Seçki dairəsi | 2005 — 77 saylı Astara |
| Əvvəlki | İsgəndər Quliyev |
| Sonrakı | Aslan Cəfərov |
| Şəxsi məlumatlar | |
| Doğum adı | Əliyev Vasif İzzət oğlu |
| Doğum tarixi | 21 sentyabr 1941 (83 yaş) |
| Doğum yeri | |
| Partiya | |
| Təhsili | |
Vasif Əliyev 1941-ci il sentyabrın 21-də Astara şəhərində anadan olmuşdur. Azərbaycan Dövlət Neft və Kimya İnstitutunun neft və qaz mədənlərinin maşın və avadanlığı fakültəsini bitirmişdir. Texnika elmləri doktorudur. Əməkdar mühəndisdir. 1 monoqrafiyanın, 3 kitabın və 36 məqalənin müəllifidir. 7 ixtirası və 3 patenti vardır. Rus və ingilis dillərini bilir.
1963-cü ildən Neft Mədənləri İdarəsində çilingər, mexanik, qaz–kompressor stansiyasının rəisi, qaz–kompressor sexi rəisinin müavini, baş mühəndis, 1973-cü ildən "Qaradağneft" NQÇİ-də sex rəisi, "Azərqaznəqliyyat" İstehsalat Birliyində mexanikləşdirilmiş səyyar dəstənin rəisi, 1977-ci ildən Azərbaycan qaz emalı zavodunda blok üzrə mühəndis-mexanik, 1978-ci ildən "Neft Daşları" NQÇİ-də qaz–kompressor sexi rəisinin müavini işləmişdir. 1980-ci ildən Xəzərdənizneftqazsənaye" İstehsalat Birliyinin böyük mühəndisi, şöbə rəisi vəzifələrində çalışmışdır. 2000–2005-ci illərdə ARDNŞ-nin Neftin və qazın strateji problemlərinin koordinasiyası departamentinin rəisi olmuşdur. Evlidir, 3 övladı var.
Yeni Azərbaycan Partiyasının üzvüdür. Milli Məclisin Təbii ehtiyatlar, energetika və ekologiya məsələləri daimi komissiyasının üzvüdür. Azərbaycan–Belarus, Azərbaycan–İraq, Azərbaycan–Makedoniya, Azərbaycan–Suriya parlamentlərarası əlaqələr üzrə işçi qruplarının üzvüdür.