Bu məqaləni vikiləşdirmək lazımdır. |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Vaqif Qulam oğlu Behbudov (3 noyabr 1938, Bakı) — Azərbaycan rejissoru, operator, ssenari müəllifi, Azərbaycan Respublikasının xalq artisti (2000)[1], Azərbaycan Respublikası Prezidentinin fərdi təqaüdçüsü (2006).
| Vaqif Behbudov | |
|---|---|
| Doğum tarixi | 3 noyabr 1938 (86 yaş) |
| Doğum yeri | |
| Fəaliyyəti | kinematoqraf, kinorejissor, rejissor |
| Mükafatları |
  |
Vaqif Qulam oğlu Behbudov 1961-ci ildə Sank-Peterburq Dövlət Kino və Televiziya Universitetini bitirmişdir. Azərbaycan Televiziyasında cizgi filmləri istehsalının təməlini qoymuşdur. Əvvəlcə kinooperator, daha sonra isə kinorejissor kimi filmlər çəkmişdir.
"Gözlük", "Danışan işıqlar", "Qırmızılar, qaralar və başqaları", "İlham", "Göyçək Fatma", "Ustalar, qızıl əllər", "Yayın bir günündə", "Sağ ol, dostum", "Basatın igidliyi", "Xeyirli nağıl", "Qız qalası", "Qurbanəli bəy", "Qara leylək", "Sehirli çıraq", "Başlanğıc", "Analar və laylalar" adlı cizgi filmlərinin rejissoru və operatoru olmuşdur. V. Behbudov operator olaraq "Üzeyir Hacıbəyov", "Bizim Şamama", "Təsnif", "Şövkət Ələkbərova" və s. sənədli filmlərin hazırlanmasında işləmişdir. Rejissor kimi "Nailə", "Kamil", "Özümlə heç nə aparmayacağam"(Əzizə Cəfərzadə), "Əbədi zirvə", "Müslüm Maqomayev −55", "Mənlə mən arasında", "Azərbaycan Respublikasının Təhlükəsizlik orqanları", "Sənsiz", "Bakı-SOS uşaq kəndi", "Bağlı qapı" (Akademik Əziz Əliyev), "Sənsiz" (Akademik Zərifə Əliyeva), "Kərpickəsən kişi", "İlmələrdə yaşayan həyat" (rəssam Kamil Əliyev), "Sirli salnamələr", "Girdiman", "Yeraltı şəhərin izi ilə", "Lahıc", "Azərtac-85" sənədli filmlərini çəkmişdir. Müəllifi olduğu cizgi filmlərindən altısı Beynəlxalq Televiziya Filmləri Festivalında Priz və Mükafatlara layiq görülmüşdür.
Dövlət və "Humay" Mükafatları Laureatı, Azərbaycan Respublikasının Xalq artisti, Azərbaycan Respublikası Prezidentinin fərdi təqaüdçüsüdür. "Azərbaycantelefilm" Yaradıcılıq Birliyində Operatorlar qrupunun rəhbəri, Azərbaycan Kinematoqrafçılar İttifaqının katibidir. Ümumilikdə 45 illik iş stajına malikdir.
- Analar və laylalar (film, 1992)
- Aşıq Veysəl (film, 2001)
- Bakı SOS Uşaq Kəndi (film, 2001)
- Basatın igidliyi (film, 1988)
- Başlanğıc (film, 1982)
- Boradigah (film, 2002)
- Bu yol Şabran yoludur (film, 2002)
- Danışan işıqlar (film, 1965)
- Deportasiya (film, 2001)
- Əbədi zirvə (film, 1998)
- Əzizə Cəfərzadə (film, 1999)
- Fəhlə vüqarı (film, 1975)
- Girdiman (film, 2003)
- Göyçək Fatma (film, 1973)
- Hökməli kəndi (film, 2001)
- Xalq rəssamı Kamil Əliyev. İlmələrdə yaşayan ömür (film, 1999)(tammetrajlı sənədli film)(TV)
- Xeyirxah nağıl (film, 1986)
- İlham (film, 1972)
- İsmayıl Osmanlı (film, 1974)
- Kamil (film, 1997)
- Kommunist haqqında poema (film, 1977)
- Qalalı dağlar (film, 1995)
- Qara leylək (film, 1985)
- Qara ney (film, 1994)
- Qayıdış (film, 1988)
- Qırmızılar, qaralar və başqaları (film, 1969)
- Qız qalası (film, 1984)
- Qurbanəli bəy (film, 1989)
- Lahıc (film, 2004)
- Məmmədhüseyn Təhmasib (film, 2003)
- Mənsuriyyə sorağında (film, 2002)
- Mirvarid (film, 1998)
- Möcüzələr adası (film, 1978)
- Muzey (film, 1996)
- Naftalan (film, 2003)
- Nailə (film, 1994)
- Ölüm haqqında şəhadətnamə və ya Quranı oxuyarkən (film, 1996)
- Ömrün dedikləri (film)
- Rəşid Behbudov ulduzu (film, 1996)
- Rüstəm İbrahimbəyov (film, 1988)
- Sağ ol, dostum (film, 1980)
- Sehrli çıraq (film, 1987)
- Sənsiz (film, 1998)
- Sirli salnamələr (film, 1995)
- Startlar (film, 1977)
- Şeirin xəzrisi (film, 2000)
- Şəki heyvandarları (film, 1975)
- Təbiətin bəhrəsi (film, 2003)
- Ustalar-qızıl əllər (film, 1976)
- Yayın bir günündə (film, 1979)
- Yeraltı şəhərin izi ilə (film, 2004)
- Zaqatala (film, 1980)
- Zəfəran (film, 1976)
- ↑ "Azərbaycan Respublikasının kino xadimlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN FƏRMANI". 2014-08-11 tarixində orijinalından arxivləşdirilib. İstifadə tarixi: 2014-03-29.
- Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 815.