Ursula Bextolşaymer-Kipp

Ursula Bextolşaymer-Kipp Almaniyanın pərakəndə satış maqnatı, Massa universal mağazalar şəbəkəsinin qurucusu Karl-Heynz Kippin yeganə qızıdır. 2017-ci ilin oktyabrında atası vəfat etdikdən sonra Ursula onun sərvətinin böyük bir hissəsini miras alıb.^[2] Ursula Bextolşaymer-Kipp Dr. Vilfrid Bextolşaymer ilə evli olub.^[2] Sunday Times Rich List-ə görə, onların ümumi sərvəti 1 milyard funt sterlinq dəyərində qiymətləndirilir.^[2]

Bextolşaymer-Kipp Almaniyada anadan olub.^[3] O, Karl-Heynz Kipp və Hannelore Kippin iki övladından biridir.^[4] Atası Karl-Heiynz Kipp pərakəndə satış və əmlak sahəsində sərvət qazanmış, özünü formalaşdırmış milyarder idi.^[4] O, daha çox 1965-ci ildə təsis etdiyi, iki onillik sonra – 1985-ci ildə satdığı Massa universal mağazalar şəbəkəsinin sahibi kimi tanınır.^[4] Onun qardaşı Ernst-Lüdviq-Kipp 2003-cü ildə vəfat edib və onun yeddi övladı olub.^[5]

Forbes-ə görə, Ursula 2016-cı ildə Çuggen Hotel Group-un sədri vəzifəsini öz üzərinə götürüb.^[6] O, bundan əvvəl uzun illər ərzində şirkətin fəaliyyətində iştirak edib. Çuggen Hotel Qrup lüks kurortlar şəbəkəsidir və 1980-ci ildə Karl-Heynz Kipp tərəfindən yaradılıb. Şirkət Avropada bir neçə kurorta sahibdir, o cümlədən İsveçrənin Arosa şəhərində yerləşən "Tschuggen Grand Hotel" və St. Moritzdəki yalnız lüks suitlərdən ibarət "Carlton Hotel" bura daxildir.^[7][8]

Ursula və əri Vilfred İngiltərənin Qlouçesterşir bölgəsində at yetişdirmə və təlim mərkəzinə sahibdir və onu idarə edirlər.^[9]

Dr. Vilfred Bextolşaymer8 aprel 2020-ci ildə, 71 yaşında İsveçrənin Askona şəhərində vəfat edib.^[10] Ursula və WVilfredin üç oğlu və bir qızı var.^[2]

• Onun böyük oğlu Feliks, Curse of Lono adlı qotik musiqi qrupunun üzvüdür.
• Digər oğlu Qotz, Pensilvaniya Universitetində akademik fəaliyyət göstərir.^[2]
• Ən kiçik oğlu Till (1982-ci il təvəllüdlü) keçmiş avtomobil yarışçısıdır və Nyu-Yorkda yerləşən Arosa Capital Management adlı investisiya idarəetmə şirkətini təsis edib.^[2]
• Yeganə qızı, Laura Tomlinson (Bextolşaymer) Britaniyalı dresaj idmançısıdır və 2012-ci ildə Londonda keçirilən Yay Olimpiya Oyunlarında iki medal qazanıb.^[2] O, 2013-cü ildə İngilis peşəkar polo oyunçusu Mark Tomlinson ilə evlənib. Toy mərasimində Kembric hersoqu və hersoginyası, eləcə də Sasseks hersoqu iştirak edib.^[11]

Bextolşaymer-Kipp^[6] ailəsini 1980-ci illərin sonlarında Almaniyadan İngiltərənin Qlouçesterşir bölgəsinə köçürüb. Forbes-ə görə, o, hazırda İsveçrədə yaşayır.^[3]

1. ↑ Ursula Bechtolsheimer.
2. ↑ ^{1 2 3 4 5 6 7 8} Times, The Sunday. "Rich List 2019: profiles 101-148=, featuring Alan Sugar" (ingilis). 2019-05-12. ISSN 0140-0460. 2021-07-09 tarixində arxivləşdirilib. İstifadə tarixi: 2019-05-14.
3. ↑ ^{1 2} "Ursula Bechtolsheimer-Kipp". Forbes (ingilis). 2019-05-14 tarixində arxivləşdirilib. İstifadə tarixi: 2019-05-14.
4. ↑ ^{1 2 3} "Karl-Heinz Kipp". Forbes (ingilis). 2019-05-14 tarixində arxivləşdirilib. İstifadə tarixi: 2019-05-14.
5. ↑ "Obituary: Ernst-Ludwig Kipp". Legacy.com. 2017-10-13 tarixində arxivləşdirilib.
6. ↑ ^{1 2} "Ursula Bechtolsheimer-Kipp". Bilanz (alman). 2019-03-07 tarixində arxivləşdirilib. İstifadə tarixi: 2019-05-14.
7. ↑ "Privately owned hotels in Ascona, Arosa and St. Moritz - Tschuggen Hotel Group". tschuggenhotelgroup.ch. 2019-05-14 tarixində arxivləşdirilib. İstifadə tarixi: 2019-05-14.
8. ↑ "History - Tschuggen Hotel Group". tschuggenhotelgroup.ch. 2019-05-14 tarixində arxivləşdirilib. İstifadə tarixi: 2019-05-14.
9. ↑ "Dr Wilfried and Ursula Bechtolsheimer and family". The Sunday Times (ingilis). 2008-04-27. ISSN 0956-1382. 2019-05-14 tarixində arxivləşdirilib. İstifadə tarixi: 2019-05-14.
10. ↑ "Dr. Wilfried Bechtolsheimer Passed Away" (ingilis). 2020-04-09. İstifadə tarixi: 2020-10-12.
11. ↑ Sawer, Patrick. "Duke and Duchess celebrate friends' wedding in Swiss Alps". The Daily Telegraph (ingilis). 2013-03-02. ISSN 0307-1235. 2019-05-14 tarixində arxivləşdirilib. İstifadə tarixi: 2019-05-14.