Ufuk Universiteti — Türkiyə Yol Qəzaları Yardım Vəqfi tərəfindən təsis edilmiş, Ankarada Konya-Əskişəhər yolu üzərində yerləşən xəstəxana binasının olduğu Balqat kampusunda, eləcə də İncək kampusunda fəaliyyət göstərən özəl universitetdir. Tibb fakültəsi və sağlamlıq peşə məktəbləri Balqat kampusunda, digər fakültə və bölmələr isə İncək kampusunda yerləşir.[2] Tibb fakültəsi üçün Balqatda 260 çarpayılı Dr. Rizvan Ege Sağlamlıq Araşdırma və Tətbiq Xəstəxanası istifadəyə verilmişdir.[3] İncəkdə yerləşən Dr. Rizvan Ege kampusunun ərazisində Dr. Muhittin Ülkər adına qız tələbələr üçün yataqxana mövcuddur.
| Ufuk Universiteti | |
|---|---|
| Ufuk Üniversitesi[1] | |
| Əsası qoyulub | 1999 |
| Ölkə | |
| Sayt | ufuk.edu.tr |
| 39°49′36″ şm. e. 32°43′47″ ş. u. | |
 |
|
Ufuk Universiteti 18 dekabr 1999-cu il tarixli və 23910 saylı Rəsmi Qəzetdə dərc edilmiş 4488 saylı qanun əsasında, Türkiyə Yol Qəzaları Yardım Vəqfi tərəfindən təsis edilmişdir. Universitet 2547 saylı qanunun vəqf ali təhsil müəssisələrinə dair müddəalarına tabe olmaqla, Ali Təhsil Şurasının 01.05.2002-ci il tarixli və 13.30.0. EÖB.0.00.00.03.06.05–954/09006 saylı icazə məktubları əsasında 2002–2003 tədris ilində təhsil fəaliyyətinə başlamışdır.[3]
Ufuk Universiteti 2018–2019 tədris ilinin əvvəlində loqosunu dəyişdirmişdir. Bununla əlaqədar olaraq, 2018–2019 tədris ilindən etibarən istifadə edilən yeni loqo ilə yanaşı, universitetə məxsus veb-sayt, diplomlar və şəxsiyyət kartları kimi vizual və yazılı materiallarda da dəyişikliklər aparılmışdır.
Türkiyə Yol Qəzaları Yardım Vəqfi tərəfindən Gölbaşı İncək ərazisində 84.000 m² sahədə əsas kampusun salınması planlaşdırılmışdır. Səhiyyə bölmələrindən kənar bütün tikililərin bu ərazidə yerləşməsi nəzərdə tutulmuşdur. Kampus 8000 tələbə tutumlu olaraq layihələndirilmiş və 45.000 m² qapalı sahəyə malik olacaqdır. Kampusun təməli 3 avqust 2011-ci ildə Türkiyə Böyük Millət Məclisinin sədri Cəmil Çiçək və Ətraf Mühit və Şəhərsalma naziri Ərdoğan Bayraktarın da iştirak etdiyi mərasimlə qoyulmuşdur. İncək kampusu 2013–2014 tədris ilində, 30.09.2013 tarixində istifadəyə verilmişdir.
- ↑ https://web.archive.org/web/20230815060630/https://uye.ankos.org.tr/uyeler/.
- ↑ "ufuk.edu.tr iletisim". ufuk.edu.tr. 16 Ağustos 2018 tarihinde kaynağından arşivlendi. Erişim tarihi: 16 Ağustos 2018.
- 1 2 "ufuk.edu.tr tarihce". ufuk.edu.tr. 16 Ağustos 2018 tarihinde kaynağından arşivlendi. Erişim tarihi: 16 Ağustos 2018.