Tumbes

Tumbes ilk dəfə avropalılar tərəfindən 1528-ci ildə Fransisko Pisarronun ilk ekspedisiyası zamanı kəşf edilmişdir. Tumbes Perunun İspaniya tərəfindən fəth edilməsinin başlanğıcı sayıla bilər. 1532-ci ildə ikinci ekspedisiya zamanı şəhər Pisarronun qüvvələri tərəfindən fəth edildi və tabe edildi. Şəhərdə İspaniyaya məxsus ərazinin əlaməti olaraq xaç ucaldıldı. Tumbesdə Pisarro iki hindlini tərcüməçi kimi işə götürdü və onlar sonradan Perunun fəthində ona əhəmiyyətli dərəcədə kömək etdilər.^[2]

Şəhər Tumbes bölgəsinin inzibati mərkəzi olaraq, Sakit okeanın sahilində, Ekvador ilə sərhəd yaxınlığında yerləşir. Tumbes şəhəri Tumbes çayı ilə yaxın məsafədə yerləşir. Əhali sıxlığı və urbanizasiya Perunun digər şəhərlərinə nisbətən daha yüksəkdir. Şəhər əhalisinin böyük bir hissəsi ispan dilli və yerli xalqdan ibarətdir. Əhalinin əsas məşğuliyyəti balıqçılıq, kənd təsəsrrüfatı və ticarətdir. Tumbes şəhəri sahil bölgəsində yerləşdiyi üçün balıqçılıq və dəniz məhsullarının ticarəti burada çox inkişaf edib. Tropik meyvələr, xüsusilə banan və digər məhsullar bu regionda geniş şəkildə yetişdirilir. Tumbes turizm baxımından zəngin regiondur. Şəhər və ətrafındakı təbii gözəlliklər və çimərliklər turistlər üçün cəlbedici bir məkandır. Tumbesin yaxınlığında gözəl çimərliklər yerləşir. Zorritos Tumbesin yaxınlığında yerləşən məşhur çimərliklərdən biridir. Bu çimərliklər təmiz suyu və sakit atmosferi ilə tanınır. Həmçinin, burada termal bulaqlar və isti su mənbələri mövcuddur.^[3] |source 2 = Meteo Climat (record highs and lows)^[4] Şəhər həmçinin, yaşıllıq sahələri və Milli Parkları ilə seçilir. Tumbes Milli Parkı bunlardan biridir. Bu park regionun müxtəlif bitki və heyvan növlərini qorumağa yönəlmişdir. Tropik meşələr və müxtəlif növ quşlar və heyvanlar bu ərazidə yaşayır. Eyni zamanda parkda nadir və endemik növlər də mövcuddur.

•  
  Tumbes Kafedrali.
•  
  Bələdiyyə.
•  
  Pizarro Körfəzi.
•  
  Mərkəzi meydan