U-Tsanq

U-Tsanq (Tibet: དབུས་གཙང་, Vayli: dbus gtsang; çin. ənən. 衛藏, sadə. 卫藏, hərfi mənası: "Veytszan") — Tibetin üç tarixi bölgəsindən (çolka) biri. Khamın şimal-qərbində, Amdonun isə cənub-qərbində yerləşmişdir. Region Tibetın mərkəzi və qərb hissələrini əhatə etmişdir. Tsanqpo çayının hövzəsi, Kaylaş dağının qərbindəki ərazilər və şimalda Çanqtanq yaylasının böyük bir hissəsi bu bölgəyə daxil olmuşdur. U-Tsanqın cənub sərhədi Himalay dağları ilə müəyyənləşmişdir. O, paytaxt Lhasanın yerləşdiyi cənub bölgəsi U, mərkəzi bölgə Tsanq və uzun müddət siyasi müstəqilliyini qorumuş şimal bölgəsi Nqaridən ibarət olmuşdur. Müasir dövrdə U-Tsanq qərbi Kham ilə birlikdə Çin Xalq Respublikasının Tibet Muxtar Vilayətinin böyük hissəsini təşkil edir.^[1]