Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Truth Social

  • Məqalə
  • Müzakirə

Truth Social (TRUTH Social) – "Trump Media & Technology Group" (TMTG) tərəfindən yaradılmış sosial şəbəkədir.[1] Platforma pulsuz və açıq mənbə kodlu Mastodon proqram təminatı əsasında işləyir.[2] Sayt yalnız ABŞ və Kanadada yaşayan App Store və Google Play istifadəçiləri üçün açıqdır.[3]

Truth Social
Loqonun şəkli
URL truthsocial.com
Tipi sosial şəbəkə, Veb tətbiqi
i ingilis dili
Müəllif (lər)
  • Donald Tramp
Açılma tarixi 2021
Vikianbarın loqosu Vikianbarda əlaqəli mediafayllar

Sosial şəbəkə 21 fevral 2022-ci ildə istifadəyə verilib.[4]

Yaranma tarixçəsi

ABŞ-ın 45-ci prezidenti Donald Tramp 2021-ci ildə Twitter və Facebook-da bloklandıqdan sonra öz sosial şəbəkəsini yaratmaq niyyətini açıqladı.[5]

20 oktyabr 2021-ci ildə Trampın "Trump Media & Technology Group" şirkəti "2022-ci ilin birinci rübündə"[6][7] işə salınması planlaşdırılan Truth Social[8] sosial şəbəkəsini elan etdi. Bir neçə saatdan sonra bəzi internet saytlarında Truth Social-da qeydiyyatdan keçməyə imkan verən link yerləşdirildi. İstifadəçilər trolluq etməyə, saxta hesablar yaratmağa və satirik məzmun yerləşdirməyə başladılar. Xüsusilə, Donald Trampın adına açılan saxta hesabda onu təhqir edən məzmun yerləşdirilməyə başladı. Tezliklə platformaya giriş bağlandı.[9] Bundan əvvəl TMTG Respublikaçılar Partiyasının tərəfdarlarının 54%-nin yeni sosial şəbəkənin istifadəçisi olmaq istəməsi barədə sorğu dərc etmişdi.[10]

Xidmətin beta versiyası noyabr[11] ayında buraxılmalı idi, lakin sınaq versiyası ilə bağlı heç bir məlumat yayılmadı.[12] 2022-ci ilin fevralında isə 500 istifadəçinin proqramın beta sınaqlarında iştirak etdiyi elan edildi.[13]

Oktyabrın 26-da Mastodonun baş direktoru Yucin Roçko Truth Social-ın onun platformasının açıq mənbə koduna əsaslandığını açıqladı. O, hüquq departamentinə məktub göndərərək sosial şəbəkənin 30 gün ərzində koda girişi təmin etməli olduğunu, əks halda saytın lisenziyasını "həmişəlik" itirmək riski daşıdığını bildirdi.[14][15] Noyabrın 12-də platformanın saytında "açıq mənbə kodu" qeyd olunan və Mastodon mənbə kodunu daşıyan ZIP arxivin olduğu xüsusi bölmə yaradıldı.[2]

14 dekabr 2021-ci ildə tərtibatçılar Kanadanın Rumble videohostinq xidməti ilə tərəfdaşlıq qurduqlarını elan etdilər.[16] 21 aprel 2022-ci ildə TMTG Truth Social-ın Rumble bulud platformasına köçəcəyini və bununla əlaqədar infrastrukturun effektivliyinin artırılması üçün təkmilləşdirmələrin aparılacağını elan etdi.[17][18]

Yanvarın 24-də məlum oldu ki, TMTG məzmunun avtomatik moderasiyasına imkan verən texnoloji həllərə malik Hive şirkəti ilə müqavilə bağlayıb.[19]

21 fevral 2022-ci ildə iOS cihazları üçün tətbiq buraxıldı. Xidmət App Store-da yükləmələrin sayına görə birinci yeri tutdu.[20] Eyni zamanda, bir çox istifadəçi hesab yaratmaqda problem yaşayırdı. Bəzi insanlar doğum tarixini, e-poçt ünvanını və ya telefon nömrəsini daxil etməyə çalışarkən xəta mesajları alırdılar.[21] Bir neçə saat sonra, böyük istifadəçi axını səbəbindən platforma təxminən 13 saat davam edən texniki dayanmaya məruz qaldı. Sonrakı günlərdə yeni hesabların yaradılmasına məhdudiyyət qoyuldu. Bəzi günlərdə qeydiyyatdan keçmək üçün gözləyən istifadəçilərin sayı 500.000-dən çox idi.[22] Martın əvvəlində proqram istifadəçilər arasında populyarlığına görə 84-cü yerə düşdü.[23]

İlon Maskın Twitter sosial şəbəkəsini satın almasından sonra bir çox ekspertlər Truth Social ətrafındakı ajiotajın əhəmiyyətli dərəcədə azalacağını proqnozlaşdırdılar.[24] Mask özü bildirirdi ki, 2022-ci ilin aprel ayının sonuna olan məlumata görə, Truth Social proqramının endirilmə sayı Twitter və TikTok-u ötüb.[25] O, həmçinin Truth Social-ın Twitter-də həddən artıq senzura olduğuna görə mövcud olduğunu iddia edirdi. Bundan əlavə, Mask Trampın sosial şəbəkəsinin adının Trumpet olaraq dəyişdirilməsini təklif edərək hazırkı adı "eybəcər" adlandırdı.[26][27] Milyarderin şərhlərindən sonra Truth Social-ın populyarlığı əhəmiyyətli dərəcədə artdı və bu proqramın App Store-da birinci yerə qayıtmasına kömək etdi.[28][29]

13 oktyabr 2022-ci ildə sosial şəbəkə tətbiqi Google Play-də də yerləşdirildi.[30]

2022-ci ilin əvvəlində istifadəyə verildiyi vaxtdan 2023-cü ilin noyabrına olan məlumata görə, sosial şəbəkə 73 milyon dollar zərər gətirib.[31] Bununla belə, 26 mart 2024-cü ildə şəbəkə ictimai satışa çıxarıldı (Trump Media & Technology Group Corp (DJT)[32]) və ticarətin ilk iki günündə 9,7 milyard dollar bazar kapitallaşmasına yiyələndi.[33]

2024-cü ilin iyun ayında Truth Social, keçən ilin iyun ayı ilə müqayisədə istifadəçilərinin 38%-ni itirərək ən əhəmiyyətli auditoriya azalması yaşadı.[34][35]

2025-ci ilin fevralında Ukraynada bloklanıb.[36]

Təsviri

Platformanın interfeysi digər məşhur sosial şəbəkə Twitter[37] ilə oxşar dizayna malikdir. İstifadəçilər mesajlar ("truths" – "həqiqətlər") yerləşdirmək və onları digər istifadəçilərlə paylaşmaq ("retruths") imkanına malikdirlər. Xəbər lenti "həqiqət lenti" ("truth feed") adlanır.[38][39]

Truth Social özünü fikirlərin azad ifadəsi üçün platforma olan siyasi senzurasız sosial şəbəkə kimi təqdim edir.[40][41]

İstinadlar

  1. ↑ "Trump's 'Truth Social' app likely to launch on Feb 21: Report". business-standard.com (ingilis). 2022-01-07. 2022-05-06 tarixində arxivləşdirilib. İstifadə tarixi: 2022-05-06.
  2. ↑ 1 2 Michael Kan. "Trump's Social Media Site Quietly Admits It's Based on Mastodon". pcmag.com (ingilis). 2021-12-01. 2022-05-06 tarixində arxivləşdirilib. İstifadə tarixi: 2022-05-06.
  3. ↑ Roland Udvarlaki. "Truth Social: here are the regions where the Trump social media is available". pocketnow.com (ingilis). 2022-02-21. 2022-02-23 tarixində arxivləşdirilib. İstifadə tarixi: 2022-05-06.
  4. ↑ Johana Bhuiyan. "Donald Trump's social media app launches on Apple store". theguardian.com (ingilis). 2022-02-21. 2022-05-01 tarixində arxivləşdirilib. İstifadə tarixi: 2022-05-06.
  5. ↑ "Trump to launch new social media platform TRUTH Social". bbc.com (ingilis). 2021-10-21. 2021-10-21 tarixində arxivləşdirilib. İstifadə tarixi: 2022-05-06.
  6. ↑ Kyle Morris. "Trump announces 'TRUTH Social' network will be rolled out first quarter of 2022". foxnews.com (ingilis). 2021-10-20. 2022-05-06 tarixində arxivləşdirilib. İstifadə tarixi: 2022-05-06.
  7. ↑ Sara Fischer, Dan Primack. "Trump says he plans to launch new social media network in 2022". axios.com (ingilis). 2021-10-21. 2022-05-06 tarixində arxivləşdirilib. İstifadə tarixi: 2022-05-06.
  8. ↑ "Trump Media & Technology Group and Digital World Acquisition Corp. have entered into a definitive merger agreement" (PDF). s3.amazonaws.com (ingilis). 2021-10-20. 2021-12-04 tarixində arxivləşdirilib (PDF). İstifadə tarixi: 2022-05-06.
  9. ↑ Drew Harwell. "Pranksters have already defaced Trump's new social network". washingtonpost.com (ingilis). 2021-10-21. 2021-10-21 tarixində arxivləşdirilib. İstifadə tarixi: 2022-05-06.
  10. ↑ "TMTG Company Overview" (PDF). tmtgcorp.com (ingilis). 2022-03-28 tarixində arxivləşdirilib (PDF). İstifadə tarixi: 2022-05-06.
  11. ↑ Aanchal Nigam. "Donald Trump Announces His Social Network 'TRUTH Social'; Beta Version To Be Out In Nov". republicworld.com (ingilis). 2021-10-21. 2021-10-22 tarixində arxivləşdirilib. İstifadə tarixi: 2022-05-06.
  12. ↑ Cheryl Teh. "Trump's Truth Social missed its projected November deadline to launch the official beta version of its app". insider.com (ingilis). 2021-12-02. İstifadə tarixi: 2022-05-06.
  13. ↑ "Truth Social: beta testers get a glimpse of Donald Trump's new social media app". theguardian.com (ingilis). 2022-02-17. 2022-02-23 tarixində arxivləşdirilib. İstifadə tarixi: 2022-05-06.
  14. ↑ "Платформа микроблогов Mastodon обвинила соцсеть Трампа в использовании своего исходного кода и потребовала его открыть". vc.ru (rus). 2021-10-30. 2022-05-06 tarixində arxivləşdirilib. İstifadə tarixi: 2022-05-06.
  15. ↑ Антон Демидов. "Трампа обвинили в использовании для его соцсети исходного кода другой компании". gazeta.ru (rus). 2021-10-30. 2022-05-06 tarixində arxivləşdirilib. İstifadə tarixi: 2022-05-06.
  16. ↑ Nicholas Reimann. "Trump's TRUTH Social Announces Partnership With Video Platform Rumble". forbes.com (ingilis). 2021-12-14. 2022-05-07 tarixində arxivləşdirilib. İstifadə tarixi: 2022-05-07.
  17. ↑ "Truth Social Migrates to Rumble Cloud, Trump Platform Ready to Onboard Millions". tennesseestar.com (ingilis). 2022-04-23. 2022-04-23 tarixində arxivləşdirilib. İstifadə tarixi: 2022-05-07.
  18. ↑ "Trump's Truth Social Announces Major Upgrades". conservativefighters.co (ingilis). 2022-04-22. 2022-04-26 tarixində arxivləşdirilib. İstifadə tarixi: 2022-05-07.
  19. ↑ Brooke Singman. "Trump 'TRUTH Social' developing content moderation practices to ensure 'family-friendly' community". foxbusiness.com (ingilis). 2022-01-24. 2022-05-06 tarixində arxivləşdirilib. İstifadə tarixi: 2022-05-07.
  20. ↑ "Trump's Truth Social tops downloads on Apple App Store, many users waitlisted". cnbc.com (ingilis). 2022-02-21. 2022-05-07 tarixində arxivləşdirilib. İstifadə tarixi: 2022-05-07.
  21. ↑ Igor Bonifacic. "Trump's social network has launched on iOS". engadget.com (ingilis). 2022-02-20. 2022-05-07 tarixində arxivləşdirilib. İstifadə tarixi: 2022-05-07.
  22. ↑ A. Khalid. "Trump's free speech app Truth Social is censoring content and kicking off users". engadget.com (ingilis). 2022-02-23. 2022-05-07 tarixində arxivləşdirilib. İstifadə tarixi: 2022-05-07.
  23. ↑ Mikael Thalen. "An app to help kids do math is more popular than Trump's Truth Social". dailydot.com (ingilis). 2022-03-07. 2022-03-06 tarixində arxivləşdirilib. İstifadə tarixi: 2022-05-07.
  24. ↑ Claire Ballentine, Sophie Alexander. "Twitter Under Elon Musk Threatens to End Trump's Truth Social Media Venture". bloomberg.com (ingilis). 2022-04-25. 2022-04-26 tarixində arxivləşdirilib. İstifadə tarixi: 2022-05-07.
  25. ↑ Lawrence Richard. "Elon Musk seems to throw shade as Truth Social passes Twitter on App store". foxbusiness.com (ingilis). 2022-04-27. 2022-04-28 tarixində arxivləşdirilib. İstifadə tarixi: 2022-05-07.
  26. ↑ Adam Sabes. "Elon Musk says Trump's 'Truth Social' should be called 'Trumpet'". foxbusiness.com (ingilis). 2022-04-27. 2022-05-06 tarixində arxivləşdirilib. İstifadə tarixi: 2022-05-07.
  27. ↑ Graeme Massie. "Elon Musk suggests new name for Trump's Truth Social app as he accuses Twitter of censorship". independent.co.uk (ingilis). 2022-04-27. 2022-04-28 tarixində arxivləşdirilib. İstifadə tarixi: 2022-05-07.
  28. ↑ John Brandon. "A Curious Reason Why Donald Trump's Truth Social App Is Suddenly Popular". forbes.com (ingilis). 2022-04-30. 2022-05-07 tarixində arxivləşdirilib. İstifadə tarixi: 2022-05-07.
  29. ↑ Bailey Lipschultz. "Trump-Tied SPAC Shares Roar Back With Truth Social No.1 in App Store". bloomberg.com (ingilis). 2022-04-27. 2022-05-02 tarixində arxivləşdirilib. İstifadə tarixi: 2022-05-07.
  30. ↑ "Соцсеть Дональда Трампа Truth Social стала доступна в Google Play". www.kommersant.ru (rus). 2022-10-13. 2022-11-07 tarixində arxivləşdirilib. İstifadə tarixi: 2022-10-13.
  31. ↑ "Соцсеть Дональда Трампа Truth принесла убытки в $73 млн". 2024-04-01 tarixində arxivləşdirilib. İstifadə tarixi: 2024-04-01.
  32. ↑ "DJT Stock Quote Price and Forecast | CNN". 2024-04-01 tarixində arxivləşdirilib. İstifadə tarixi: 2024-04-01.
  33. ↑ "Trump Media увеличила стоимость ещё на $1,4 млрд за второй день торгов От Investing.com". 2024-04-01 tarixində arxivləşdirilib. İstifadə tarixi: 2024-04-01.
  34. ↑ Pengelly, Martin. "Trump's Truth Social network records second-worst audience decline". The Guardian (ingilis). 2024-07-31. 0261-3077. İstifadə tarixi: 2024-08-13.
  35. ↑ "Trump's Truth Social nears lowest audience mark since its launch, report says". The Independent (ingilis). 2024-07-31. 2024-08-13 tarixində arxivləşdirilib. İstifadə tarixi: 2024-08-13.
  36. ↑ "Ukraynada Trampa məxsus platforma bloklandı". Oxu.az (az.). İstifadə tarixi: 2025-02-20.
  37. ↑ Madeline Halpert. "Trump's Truth Social SPAC Down More Than 9% Following Reports Twitter Is Nearing A Deal With Musk". forbes.com (ingilis). 2022-04-25. 2022-05-07 tarixində arxivləşdirilib. İstifadə tarixi: 2022-05-07.
  38. ↑ Matt Binder. "Inside Truth Social: Hands on with Trump's social media platform". mashable.com (ingilis). 2022-03-08. 2022-05-07 tarixində arxivləşdirilib. İstifadə tarixi: 2022-05-07.
  39. ↑ Jason Cohen. "What Is Truth Social? All You Need to Know About Donald Trump's Social Network". pcmag.com (ingilis). 2022-02-21. 2022-05-07 tarixində arxivləşdirilib. İstifadə tarixi: 2022-05-07.
  40. ↑ Tom Fenton. "Trump's free speech social site will censor posts with artificial intelligence". independent.co.uk (ingilis). 2022-01-25. 2022-05-07 tarixində arxivləşdirilib. İstifadə tarixi: 2022-05-07.
  41. ↑ Wren Graves. "Trump Launches TRUTH Social, a "Free Speech" Site That Prohibits Making Fun of Him". consequence.net (ingilis). 2022-10-21. 2022-05-07 tarixində arxivləşdirilib. İstifadə tarixi: 2022-05-07.
Mənbə — "https://az.wikipedia.org/w/index.php?title=Truth_Social&oldid=8037469"
Informasiya Melumat Axtar