Tofiq Seyidov

Tofiq Həbib oğlu Seyidov 1959-cu il avqust ayının 2-də, Naxçıvan rayonynun (Babək rayonu) Zeynəddin kəndində anadan olub. 1975-ci ildə Zeynəddin kənd orta məktəbini bitirib. Əmək fəaliiyyətinə "Naxçıvan" üzümçülük sovxozunda fəhlə kimi başlayıb. 1978-ci ildə M. A. Əliyev adına Azərbaycan Dövlət İncəsənət İnistutunun dram və kino aktyorluğu ixtisasında təhsil almağa başlayıb. Təhsil illərində aktyorluq sənətinin sirlərini Mehdi Məmmədov, Nəsir Sadıqzadə və Vaqif Abbasov kimi sənətkarlardan alıb. İnistutu bitirdikdən sonra 1982-ci ildən C. Məmmədquluzadə adına Naxçıvan Dövlət Musiqili Dram Teatırında aktyor kimi fəaliyyətə başlayıb. 1989-cu ildən isə həmən teatrada aktyorluqla yanaş rejissor kimi də yaradıcılığını davam etdirmişdir. Səmərəli aktyor və rejissor yaradıcılığı Tofiq Seyidovu Naxçıvanda yeni yaranan sənət ocağına Naxçıvan Dövlət Uşaq Teatrına direktor kimi fəalliyyətə gətirib çıxarır. Bu faliyətlərlə yanaşı uzun illərdir ki, Naxçıvan Dövlət Univerisitetində gənc aktyor nəslinin yetişdirilməsində baş müəllim kimi pedoqiji fəaliyyətdədir. Ailəlidir, iki qızı, iki oğulu və bir nəvəsi var.

Tofiq Seyidov təhsilini başa vurduqdan sonra C. Məmmədquluzadə adına Naxçıvan Dövlət Milli Dram Teatrında aktyor kimi əllidən çox silsilə obrazlar yaratmışdır. Səhnə həyatı bəxş etdiyi rollardan H. Orucov " Məni qınamayın"da Şahin, H. Arzulu " Əlincə Qalası"da Şeyx Ömər Osman, K. Ağayeva " Mənim tanrım gözəllikdir sevgidir"də Şeyx Sənan və gənc aşiq, R. Rza "Bir gün də insan ömrüdür"də Rəsul Rza, R. Rövşən "Dərs"dramında Nurulla, M. Araz "Azərbaycan dünyam mənim"də Məmməd Araz, V. Hüqo "Gülən adam"da Botl, Sofokl "Elektra" faciəsində Orest, R. İbrahimbəyov "Ultimatom"da İkinci mən, R. N. Güntəkin "Dodaqdan qəlbə" əsərdə Kanan, H. Cavid "Uçrum"da Yıldırım, yenə H Cavid "Xəyyam"da Xəyyam, C. Məmmədquluzadənin əsərləri əsasnda özünün səhnələşdirdiyi "Ölülər və dəlilər" faciəsində Molla Abbas, Elçın "Teleskop"da Mələk və başqa bu kimi obrazlarıyla aktyor yaradıcılığının sevilən rollarını yaratmışdır. Naxçıvan teatrının səhnəsində M. S. Ordybadi və S. Ələsgərovun "Ozümüz bilərik", M. F. Axundzadəin "Hacı Qara" və "Müsyö Jordan və dərviş Məstəlişah" A. P. Çexovun vodevilləri əsasında "Rus sayağı evlənmə" Ç. Aytmatovun "Manqurt", N. Nərimanovun "Nadanlıq" və "Nadir şah", H. İbsen "Kuklalar evi", M. S. Ordubadinin "Qılınc və qələm", A. Ekzüperi "Balaca şahzadə", M. Meterlinqin "Göy quş", C. Məmmədquluzadənin əsərləri əsasında özünün səhnələşdirdiyi "Ölülər və dəlilər", A. Qribayedovun "Ağıldan bəla", T. Setyidovun "Nizaminin sirlər xəzinəsi", İ. Əfəndiyevin "Xurşudbanu Nətavan" əsərlərinə uğurlu quruluşlar vermişdir. Naxçıvan Dövlət Uşaq Teatrının səhnəsində A. Saiqin "Danşan kükla", Antuan dö sənt Ekzuperinin "Balaca şahzadə" H. Eyvazlı "Nadan xoruz" T. Seyidovun "Şir ağa və yumruçanaq tısbağa"və bşqa əsərlərə quruluş vermişdir. T. Seyidov eyni zamanda bir çox səhnə əsərinin müəəlifidir. Əsərlər C. Məmmədquluzadə adına Naxçıvan Dövlət Milli Dram teatrında, Naxşıvan Dövlət Uşaq Teatrında və Muxtar Respublikanın xalq teatrlarında uğurla tamaşaya qoyulmuşdur. Bunlarda "Qarabağ şikəstəsi", "Kimsənələr", "Yarım günlük rəis mavini", "Meşəbəyinin yuxusu", "Siçanlar və pişiklər", "Nizaminin sirlər xəzinəsi" "Bahar qızı küsüb" "İşıq yolu" və.s misal göstərmək olar.

2016-cı ildə prezdent mükafatına və 2017-ci ildə isə Azərbaycan Respublikasının Əməkdar artisti fəxri adına laiq görülüb.