Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bu məqaləni vikiləşdirmək lazımdır. |
Tofiq Mahmud oğlu Mehdiyev (6 noyabr 1931, Şahbuz, Naxçıvan MSSR – 4 aprel 1997, Bakı) — şair, nasir, tərcüməçi, publisist, 1958-ci ildən Azərbaycan Yazıçılar Birliyinin üzvü, Azərbaycan SSR Lenin komsomolu mükafatı mükafatı laureatı (1984).
| Tofiq Mahmud | |
|---|---|
| Tofiq Mahmud oğlu Mehdiyev | |
 | |
| Doğum tarixi | 6 noyabr 1931 |
| Doğum yeri | |
| Vəfat tarixi | 4 aprel 1997 (65 yaşında) |
| Vəfat yeri | |
| Vətəndaşlığı |
 SSRİ→ Azərbaycan |
| Fəaliyyəti | yazıçı, şair, tərcüməçi |
| Üzvlüyü | |
| Mükafatları |
 |
Tofiq Mahmud 1931-ci il noyabrın 6-da Naxçıvan MSSR Şahbuz rayonunda anadan olmuşdur. O Bakıda 31 saylı məktəbi bitirmişdir. Azərbaycan Dövlət Universitetinin filologiya fakültəsində 1949–1954-cü illərdə bakalavr təhsili alıb.[1]
Əmək fəaliyyətinə Azərbaycan Mədəniyyət Nazirliyinin Mədəni-Maarif Müəssisələri İdarəsində metodiki kabinetin metodisti kimi başlamışdır (1954). Sonra "Azərbaycan müəllimi" qəzeti redaksiyasında xüsusi müxbir (1958–1961)[2], "Göyərçin" jurnalı redaksiyasında ədəbi işçi olmuşdur (1961).[3]
İlk şeri "Kəsməsəm də, görməsəm də" 1953-cü ildə "İnqilab və mədəniyyət" jurnalında dərc olunmuşdur. 1976-cı ildən "Göyərçin" jurnalının redaktoru vəzifəsində işləmişdir.[4] Bədii tərcümə ilə də məşğul olmuşdur. Onun tərcüməsində Xuta Berulavanın "Quş südü", İsabəy İshaqovun "Hər şeyi öyrənmək istəyən" kitabları işıq üzü görmüşdür.[5] Əsərləri xarici ölkə xalqlarının dilinə tərcümə olunmuşdur. Azərbaycan Respublikası Uşaq Fondunun Bakı şöbəsinin sədri, həm də rəyasət heyətinin üzvü olmuşdur (1989-cu ildən). Azərbaycan Yazıçılar Birliyi uşaq və gənclər ədəbiyyatı şurasının sədri, keçmiş SSRİ Yazıçılar İttifaqı uşaq və gənclər ədəbiyyatı şurasının üzvü seçilmişdir. Azərbaycan Ali Soveti Rəyasət Heyətinin Fəxri fərmanı ilə təltif edilmişdir.[6]
Tofiq Mahmud 1997-ci il aprelin 4-də Bakıda vəfat etmişdir.
Şairin adına "Tofiq Mahmud mükafatı" (hər il ən yaxşı uşaq şeirlərinin müəlliflərinə təqdim olunur) təsis edilmişdir.
Kinorejissor Hüseyn Mehdiyevin qardaşı, bəstəkar Azər Hacıəsgərlinin babasıdır.
- Yola çıxıram. Bakı: Uşaqgəncnəşr, 1959, 36 səh.
- Mənim kürəkənim. Bakı: Xalq yaradıcılıq evi, 1959, 12 səh.
- Dibçək. Bakı: Uşaqgəncnəşr, 1962, 16 səh.[7]
- Buzovna qayaları. Bakı: Azərnəşr, 1963, 52 səh.
- Utancaq oğlan. Bakı: Uşaqgəncnəşr, 1964, 16 səh.
- Açıqdır pəncərəm. Bakı: Azərnəşr, 1966, 106 səh.
- Alpinistlər. Bakı: Gənclik, 1967, 62 səh.[8]
- Meşədə səs. Bakı: Gənclik, 1969, 70 səh.
- Ana qucağı. Bakı: Gənclik, 1971, 72 səh.
- Qızımın sualları. Bakı: Gənclik, 19 səh.
- Dalğalar. Bakı: Gənclik, 1976, 135 səh.
- Ulduzlar, düşüncələr. Bakı: Azərnəşr, 1977, 111 səh.
- Pəncərəyə toxunan budaq. Bakı: Gənclik, 1978, 134 səh.[9]
- Kəpənək gözəlliyi. Bakı: Gənclik, 1980, 178 səh.
- Məhəbbətim sirr deyil. Bakı: Yazıçı, 1981, 215 səh.
- Yerə dağılan muncuqlar. Bakı: Gənclik, 1983, 271 səh.[10]
- Şən şerlər. Bakı: İşıq, 1983,
- Bu işıqla qalacağam (şerlər, poemalar). Bakı: Yazıçı, 1985, 256 səh.
- Yağış yağır dənizə. Bakı: Gənclik, 1985, 175 səh.
- Gecə qapı döyülür. Bakı: Gənclik, 1988, 366 səh.
- Uzaqda ucalan dağlar. Bakı: Yazıçı, 1991, 310 səh.[11]
- ↑ Uşaq Bilik Portalı. "Tofiq Mahmud". 1 iyun 2023 tarixində arxivləşdirilib. İstifadə tarixi: 19 yanvar 2024.
- ↑ ""Tofiq Mahmud. Biblioqrafiya" kitabı təqdim edilib". Sia.az - Dünya və yerli xəbərlərin tək ünvanı (az.). 20 aprel 2020. İstifadə tarixi: 22 yanvar 2026.
- ↑ www.anl.az https://www.anl.az/down/meqale/525/2017/noyabr/561446.htm (#bare_url_missing_title). İstifadə tarixi: 22 yanvar 2026.
- ↑ "Tofiq Mahmud". clb.az. İstifadə tarixi: 22 yanvar 2026.
- ↑ ""Şeir gözümdəki işıq, könlümdəki nəğmədir..."". medeniyyet.info.az (ingilis). İstifadə tarixi: 22 yanvar 2026.
- ↑ "Azərbaycan uşaq ədəbiyyatının görkəmli nümayəndələrindən biri - şair, nasir, tərcüməçi Tofiq Mahmudun anım günüdür". az.baku-art.com (az.). İstifadə tarixi: 22 yanvar 2026.
- ↑ "Məmməd Araz - memmedaraz.az". www.memmedaraz.az. İstifadə tarixi: 22 yanvar 2026.
- ↑ "Tofiq Mahmud - yaxşı işlərin "günahkarı" - Elnarə AKİMOVA". Edebiyyatqazeti.az. 2 iyul 2024. İstifadə tarixi: 22 yanvar 2026.
- ↑ "ƏDƏBİYYAT VƏ İNCƏSƏNƏT". www.edebiyyatveincesenet.az (az.). İstifadə tarixi: 22 yanvar 2026.
- ↑ "Söz dünyamızın Tofiq Mahmud guşəsi". Manera.Az (az.). İstifadə tarixi: 22 yanvar 2026.
- ↑ "525-ci qəzet - Tofiq Mahmudun "Uzaqda ucalan dağlar" romanı latın qrafikasında". 525.az. İstifadə tarixi: 22 yanvar 2026.