Çarlton Kennet Ceffri Hovard (17 avqust 2003[2]), sənət aləmindəki adı ilə The Kid LAROI — Avstraliya müğənnisi; repçi və mahnı müəllifi.
| The Kid Laroi | |
|---|---|
 | |
| Ümumi məlumatlar | |
| Doğum adı | Charlton Kenneth Jeffrey Howard[1] |
| Doğum tarixi | 17 avqust 2003[2] (22 yaş) |
| Musiqiçi məlumatları | |
| Fəaliyyəti | repçi, müğənni, mahnı yazarı[d] |
| Fəaliyyət illəri | 2016-cı ildən |
| Janrlar | hip-hop[d], müasir R&B[d], emo, pop musiqisi, alternativ rok |
| Albom şirkətləri | Columbia Records |
 |
|
| tkl.world | |
 Vikianbarda əlaqəli mediafayllar | |
14 yaşında "Triple J Unearthed" platforması onu kəşf edir. Lil Bibbinin "Grade A Productions" şirkəti ilə "Columbia Records"un birgə layihəsi çərçivəsində müqavilə imzalayır. Geniş auditoriyaya isə 2021-ci ildə Castin Biber ilə birlikdə ifa etdiyi "Stay" mahnısı sayəsində çatır. Həmin mahnı vətəni Avstraliya da daxil olmaqla bir çox ölkənin, o cümlədən "Canadian Hot 100" və "Billboard Hot 100" hit-paradlarının liderliyinə yüksəlir.
2020-ci ildə "F*ck Love" miksteypini yayımlayır və bununla "ARIA" hit-paradının ən üst pilləsinə qalxaraq tarixi bir rekorda imza atır. Bu nailiyyəti əldə etmiş ən gənc avstraliyalı solo sənətçi məhz odur. Miksteyp ABŞ "Billboard 200"də də yüksək sıralara düşür.[3][4] Sonradan əsərin iki ayrı versiyası dinləyicilərin qarşısına çıxır. "F*ck Love: (Savage)" adlı versiyadan "Without You" mahnısı boy göstərir və geniş kütlənin diqqətini cəlb edir. Mayli Sayrus ilə birgə hazırlanan remiksi "Billboard Hot 100"ün ilk onuna sıxışıb girir. "F*ck Love: Over You" (2021) versiyası isə "Stay" mahnısını dünyaya tanıdır.[5] 2023-cü ildə "The First Time" adlı ilk tam studiya albomu üzə çıxır. Albom "Love Again" sinqlı və Conquk, Sentral Si ilə birgə ifa edilən "Too Much" mahnısı ilə müşayiət olunur. Bununla belə, əsər nə tənqidçiləri coşdurur, nə də satış rəqəmləri baxımından fərqlənir. 2026-cı ildə isə "Before I Forget" ilə yenidən diqqət mərkəzinə düşür. "The First Time" albomunu arxadan dəstəkləyən bu layihə "A Cold Play", "A Perfect World" və "Back When You Were Mine" sinqllarını ehtiva edir.
2003-cü il avqustun 17-də[6] Sidneyin cənub qurtaracağındakı Vaterlo (Yeni Cənubi Uels) şəhərində doğulub.[7] Ailəsində Ostin adlı bir qardaşı var.[8] Atası Nik Hovard vaxtilə müğənni kimi ad çıxarmaq arzusuyla Saymon Kouell ilə müqavilə bağlayıb, lakin o yolda çox getməyib və "Bardot" (musiqi qrupu) ilə Delta Qudrem kimi avstraliyalı adların yanında prodüser və səs mühəndisi kimi işə keçib. Anası Sloun Hovard isə musiqi dünyasında menecer və şirkət rəhbəri kimi fəaliyyət göstərib. Aboriginal və Avropa mənşəli olan anası, bir zamanlar "Popstars" müsabiqəsinin qalibi Skott Keynin meneceri olub.[9][10]
Laroyun ana tərəfdən ulu nənəsinin atası "Oğurlanmış nəsil" adlanan dövrdə zorla ailəsindən qopardılmış Aborigen əsilli uşaqlardan biri olub. Məhz bu əcdad sayəsində o, Qamilaray (ya da Kamilaroy) xalqına mənsubdur və "Laroi" səhnə adını da buradan götürüb.[11][12][13]
Hip-hopa olan sevgisi lap uşaqlıqdan meydana gəlib. Anası evdə "Fugees", 2Pac, Lil Veyn və Kanye Vest kimi adların mahnılarını tez-tez qoyardı.[14] Sonralar o, K. Vestin 2008-ci ildə buraxdığı "808s & Heartbreak" albomunun ömründə eşitdiyi ən yaxşı albom olduğunu söyləyib.[15]
Doğma atası onun həyatında tutarlı bir yerə sahib olmadığından, ögey atası zamanla bu boşluğu doldurub.[16]
Etiraf edir ki, mühitində nəsildən-nəslə ötürülən yoxsulluq həlqəsini qırmaq istəyi onu irəlilətməyə sövq edib.[17][18] Valideynləri dörd yaşında ayrılandan sonra həyatı daha da qeyri-sabit bir hal alır. Yeddi yaşında anası ilə birlikdə Yeni Cənubi Uelsin ucqar Broken-Hill şəhərciyinə köçür, burada qardaşı, nənə-babası və ögey atası ilə yaşayır. Təhsilinə gəldikdə, "Sacred Heart Parish School" özəl məktəbində oxuyur, ev kapitanı olur, natiqlik müsabiqəsindən də mükafatla qayıdır.[19] Sonralar Adelaidadakı "Sacred Heart College"ə keçir. Ancaq burada işlər gözlənilən kimi getmir. Qısnamaya məruz qalır, üstəlik anası da məktəb pullarını verə bilmir. 2017-ci ildə ailə yenidən Sidneyə dönür.[20]
Sidneydə yaşadığı illərdə təqaüd əsasında Avstraliya İncəsənət Qrammatika Məktəbinə qəbul olur. Ancaq doqquzuncu sinifin ortasına çatanda beynəlxalq karyera həvəsi onu məktəbdən uzaqlaşdırır.[21][22][23] Aiəsi o vaxtlar Redfern məhəlləsindəki dövlət evlərindən birində qalırdı.[24] 2021-ci ildə bir müsahibədə anasının onun üçün dünyada ən əziz insan olduğunu deyib. Ailəsinin üzləşdiyi maliyyə çətinliklərini aşmaq üçün meyvə dükanında yarım ştat işə düzəlmişdi.[25]
2019-cu ildə "No Jumper" hip-hop podkastı Redfern rayonunda Laroy və onun dövrəsindəkilərlə sənədli film çəkir. Onlar bu ərazini "getto" adlandırırlar.[26] Laroy o vaxtlar Avstraliyadan kənarda özünə yer açmaq üçün nələr etdiyini açıqlayır. Xarici sənətçilərlə əlaqə qurmaq üçün hər fürsəti dəyərləndirirdi. Şəhərə məşhur biri gələndə gedib otelinin qabağında pusqu qurur, musiqisini dinlətməyin ya da içəri düşməyin bir yolunu gözləyirdi.[27] Bu inadı bir gün işə yarayır. Svey Li Avstraliyaya gələndə Laroy bir qız tanışını onun otelə yollayır ki, musiqisini ona çatdırsın. İş alınır. İkisi görüşür, bir müddət sonra isə birgə musiqi yaradırlar.[28]
2020-ci il etibarilə Laroy anası və kiçik qardaşı ilə Los-Ancelesdə yaşayır.[29] Sənətçi özünü Avstraliyanın "elçisi" hesab edir və "Triple J"ə verdiyi müsahibədə açıqlayıb ki, Dreykin Toronto və Kanadanı dünya aləminə çıxardığı kimi, o da Avstraliyanı eyni yolla tanıtmaq istəyir.
Laroy uşaqlıq illərinin bir qismini Sidneyin Redfern məhəlləsində keçirib və bu gün həmin bölgəni təmsil edən Milli Reqdbi Liqası klubu "Saut Sidney Rebbitouz"un sadiq azarkeşidir.[30]
Laroy 2020-2023-cü illər arasında "TikTok" ulduzu Katarin Dem ilə sevgili olub. Özü də açıqlayıb ki, onların ayrılığı "The First Time" albomunun bir neçə mahnısına ilham mənbəyi olub.[31] 2024-cü ilin aprelində Laroy kanadalı müğənni Teyt Makrey ilə münasibətdə olduğunu təsdiqləyib.[32] İkisi birgə onun 2025-ci ildəki "So Close to What" albomunda yer alan "I Know Love" mahnısını yaradıb.[33] Cütlük 2025-ci ilin iyulunda ayrı yollara düşüb.
Studiya albomları
- The First Time (2023)
- Before I Forget (2026)
- ↑ https://repertoire.bmi.com/Catalog.aspx?detail=writerid&page=1&fromrow=1&torow=25&keyid=2062402&subid=0.
- 1 2 https://mobile.twitter.com/thekidlaroi/status/1294551414425804801/.
- ↑ "Meet The Kid Laroi: the 17-year-old Australian hip hop prodigy poised to take the world by storm with his debut album". 14 dekabr 2020. 14 dekabr 2020 tarixində arxivləşdirilib. İstifadə tarixi: 10 fevral 2021.
- ↑ Crivellaro, Grace. "Rap prodigy The Kid Laroi continues rise to fame with debut mixtape". 20 avqust 2020. 25 oktyabr 2020 tarixində arxivləşdirilib. İstifadə tarixi: 10 fevral 2021.
- ↑ "The Kid Laroi & Justin Bieber's 'Stay' Hits No. 1 on Billboard Hot 100". Billboard. 9 avqust 2021. 9 avqust 2021 tarixində arxivləşdirilib. İstifadə tarixi: 9 avqust 2021.
- ↑ charlton [thekidlaroi]. "My bday is actually on the 17th da Internet is a lie" (Tweet) (ingilis). 15 avqust 2020. 15 avqust 2020 tarixində arxivləşdirilib. İstifadə tarixi: 10 avqust 2021.
- ↑ "The Kid Laroi; The Heat is On and it feels good". Flaunt Magazine. 9 iyun 2020 tarixində arxivləşdirilib. İstifadə tarixi: 8 avqust 2020.
- ↑ "Teen Aussie Rapper 'The Kid Laroi' Overtakes Kendrick Lamar on Spotify". chilli 90.1fm (ingilis). 13 yanvar 2021. 3 dekabr 2021 tarixində arxivləşdirilib. İstifadə tarixi: 11 avqust 2021.
- ↑ "Music helps smiling April cope with pain of TJ's death". The Sydney Morning Herald (ingilis). 28 mart 2004. 11 avqust 2021 tarixində arxivləşdirilib. İstifadə tarixi: 11 avqust 2021.
- ↑ "Everything You Need To Know About The Kid Laroi". Girlfriend (ingilis). 11 avqust 2021 tarixində arxivləşdirilib. İstifadə tarixi: 11 avqust 2021.
- ↑ Moran, Robert. "The Kid Laroi, the pride of Waterloo, takes on the world". The Sydney Morning Herald. 13 avqust 2020. 15 avqust 2020 tarixində arxivləşdirilib. İstifadə tarixi: 29 avqust 2020.
- ↑ Sun, Michael. "'I missed out on being a kid': The Kid Laroi on fame, fans and coming home to Australia". The Guardian. 28 may 2022.
The 18-year-old Kamilaroi rapper, whose fans include Elton John and Justin Bieber, is back in Sydney
- ↑ Reid, Poppy. "The 50 Most Iconic Australian Music Moments Of All Time". Rolling Stone. 7 mart 2023.
As a proud Kamilaroi man, LAROI’s global career sends a strong message of triumph to his community back home.
- ↑ "The Evolution of The Kid Laroi". V Magazine (ingilis). 13 sentyabr 2021. İstifadə tarixi: 16 noyabr 2023.
- ↑ Aramesh, Waiss. "The Kid Laroi Keeps Topping Charts, But He'd Rather Think About His Next Album". Complex (ingilis). İstifadə tarixi: 16 noyabr 2023.
- ↑ High, Kemet. "The Kid Laroi Goes From Rookie Rapper to Streaming Success". XXL Mag (ingilis). 12 yanvar 2021. 3 avqust 2021 tarixində arxivləşdirilib. İstifadə tarixi: 13 avqust 2021.
- ↑ "Who Is The Kid Laroi? Inside the 17-Year-Old's Meteoric Rise". Time (ingilis). 10 avqust 2021 tarixində arxivləşdirilib. İstifadə tarixi: 10 avqust 2021.
- ↑ "Exclusive Interview: Kid Laroi Talks About His New Single with Juice Wrld, Future Plans And More". Sidedoor Magazine (ingilis). 19 iyun 2020. 11 avqust 2021 tarixində arxivləşdirilib. İstifadə tarixi: 11 avqust 2021.
- ↑ "Weekly School Newsletter - Charlton Howard House Captain". 15 avqust 2022 tarixində arxivləşdirilib. İstifadə tarixi: 11 avqust 2021.
- ↑ "The Kid Laroi on Juice WRLD Mentorship, Being Homeless in Australia & More", YouTube (ingilis), 10 dekabr 2020, 13 avqust 2021 tarixində arxivləşdirilib, İstifadə tarixi: 13 avqust 2021
- ↑ "The Kid Laroi Releases New Single 'So Done'". The Source (ingilis). 23 oktyabr 2020. 2 avqust 2021 tarixində arxivləşdirilib. İstifadə tarixi: 11 avqust 2021.
- ↑ Jones, Megan. "Mentored by Juice Wrld, new artist the kid Laroi is on his way to the top" (ingilis). 25 yanvar 2021. 13 avqust 2021 tarixində arxivləşdirilib. İstifadə tarixi: 13 avqust 2021.
- ↑ Staveley, Jessica. "From public housing to the world stage: The meteoric rise of 17-year-old The Kid Laroi". Mamamia (ingilis). 12 may 2021. 16 avqust 2021 tarixində arxivləşdirilib. İstifadə tarixi: 16 avqust 2021.
- ↑ "Video Premiere: The Kid Laroi Could be Australia's Biggest Rap Export. He's 15". Acclaim Magazine (ingilis). 7 noyabr 2018. 13 avqust 2021 tarixində arxivləşdirilib. İstifadə tarixi: 13 avqust 2021.
- ↑ The Kid Laroi Talks F*ck Love, Growing Up in Australia, Freestyling His Lyrics & More (ingilis), 15 fevral 2021, 13 avqust 2021 tarixində arxivləşdirilib, İstifadə tarixi: 13 avqust 2021
- ↑ The Kid Laroi Takes You Inside the "Ghettos" of Australia. No Jumper. 18 aprel 2019. 10 avqust 2021 tarixində arxivləşdirilib. İstifadə tarixi: 10 avqust 2021 – YouTube vasitəsilə.
- ↑ Morgan, Heather R. "How The Kid Laroi Became A Superstar With Billions Of Music Streams". Forbes (ingilis). 10 avqust 2021 tarixində arxivləşdirilib. İstifadə tarixi: 10 avqust 2021.
- ↑ The Kid Laroi on Blowing Up Out of Australia, Juice WRLD, Lil Tecca & More. No Jumper. 12 fevral 2020. 2 avqust 2021 tarixində arxivləşdirilib. İstifadə tarixi: 10 avqust 2021 – YouTube vasitəsilə.
- ↑ Norris, John. "The Kid Laroi talks 'Go' collab with 'big brother' Juice WRLD & relationship-fueled 'F—k Love' project". Billboard. 16 iyun 2020. 27 iyun 2020 tarixində arxivləşdirilib. İstifadə tarixi: 24 iyun 2020.
- ↑ "Redfern-Waterloo greats show off south Sydney pride".
- ↑ "The Kid Laroi | the First Time, F*ck Love, Bleed, Jungkook". YouTube. 10 noyabr 2023.
- ↑ Dailey, Hannah. "The Kid Laroi Calls Tate McRae His 'Girlfriend' On Stage at Dublin Concert: Watch". Billboard (ingilis). 15 aprel 2024. İstifadə tarixi: 20 aprel 2024.
- ↑ Delgado, Sara. "Tate McRae and The Kid Laroi: A Complete Relationship Timeline". Teen Vogue. 21 fevral 2025. İstifadə tarixi: 22 fevral 2025.
- tkl.world — rəsmi saytı