The Arockalypse — Lordi heavy-metal musiqi qrupunun 2006-cı ildə işıq üzü görən üçüncü və ən uğurlu musiqi albomu. Bu albomda yer alan "Hard Rock Hallelujah" mahnı ilə qrup 2006-cı ildə keçirilən Avroviziyada qalib gəlmişdir. Albom Finlandiyada 3 dəfə platin, İsveç, Almaniya və Yunanıstanda isə qızıl albom olmuşdur. Finlandiya, Yunanıstan və İsveç çartlarında o ilk yerləri tutmuş, Almaniya, Estoniya və İsveçdə isə ilk onluqda yer almışdır. Albomun üz qabığında bas gitaraçı OX təsvir olunub, amma əslində isə albomdakı bas gitara ifası Kalma-ya aiddir və bu haqda albomun açıqçasında məlumat verilir.
| The Arockalypse | |
|---|---|
| Lordi tərəfindən ifa olunmuş studiya albomu | |
| Yayımlanma tarixi | 3 mart 2006 |
| Janr | hard-rok |
| Müddət | 2.699 san. |
| Dil | ingilis dili |
"The Arockalypse" albomunun yazılması üçün Twisted Sisterdən Di Snayder və Jay Jay French, Acceptdən Udo Dirkşnayder (açıqçada onun adı "Ado" kimi yazılmışdır) və Kissdən Bryus Kulik kimi ulduzlar dəvət olunmuşlar.
- "SCG3 Special Report" (bədheybətlər komandasının təmsilçisi rolunda olan Di Snayderin iştirakı ilə) — 3:46 (Mr. Lordi/Kita)
- "Bringing Back the Balls to Rock" — 3:31 (Mr. Lordi)
- "The Deadite Girls Gone Wild" — 3:45 (Mr. Lordi/Kita/Tracy Lipp)
- "The Kids Who Wanna Play with the Dead" — 4:07 (Mr. Lordi)
- "It Snows in Hell" (solo-gitara patiyası ifa edən Bryus Kulikin iştirakı ilə) — 3:37 (Mr. Lordi/Kita/Lipp)
- "Who's Your Daddy?" — 3:38 (Mr. Lordi)
- "Hard Rock Hallelujah" — 4:07 (Mr. Lordi)
- "They Only Come Out at Night" (ikinci vokalçı kimi Udo Dirkşnayderin iştirakı ilə) — 3:39 (Mr. Lordi/Amen)
- "Chainsaw Buffet" (solo-gitaraçı kimi Cey Cey Frençin iştrakı ilə) — 3:47 (Mr. Lordi)
- "Good to Be Bad" — 3:30 (Mr. Lordi)
- "The Night of the Loving Dead" — 3:08 (Mr. Lordi)
- "Supermonstars (The Anthem of the Phantoms)" — 4:04 (Mr. Lordi)
2006-cı ilin noyabr ayında "The Arockalypse» Finlandiyada xüsusi nəşr kimi təkrar buraxılmışdır. Bu nəşrə 3 əlavə mahnı daxil edilmiş və DVD-si əlavə olunmuşdur. Bu versiya həm də "Lordi" qrupunun ABŞ-də yayımlanan ilk albomu idi.
- Bonus mahnılar
- "Would You Love a Monsterman?" (2006-cı ilin versiyası)
- "Mr. Killjoy"
- "Evilove"
- "Live at Market Square"
- "Hello Athens"
- Kliplər: "Who’s Your Daddy?", "Hard Rock Hallelujah" və "Would You Love a Monsterman?" (2006)
2007-ci ildə "The Arockalypse" albomu ABŞ-də vinildə məhdud sayda nəşr olundu və 4 versiyada yayımlandı: qara, ağ, göy və qırmızımtıl. Albom iki plastinkadan ibarətdir və xüsus nəşrin bütün mahnılarını və D üzündə 2ç live-treki özündə cəmləyir:
- "Devil Is a Loser (Live)"
- "Hard Rock Hallelujah (Live)"
- "Would You Love a Monsterman? (Live)"