Teymur Ramiz oğlu Mehdiyev — Azərbaycan Respublikası Fövqəladə Hallar nazirinin müavini (2014–2025), general-mayor (2014).[1]
| Teymur Mehdiyev | |
|---|---|
| 5 may 2014 – 1 dekabr 2025 | |
| Nazir | Kəmaləddin Heydərov |
| 3 mart 2011 – 5 may 2014 | |
| Rəis | Arzu Rəhimov Firudin Nəbiyev |
| 7 fevral 2006 – 3 mart 2011 | |
| Nazir | Əbülfəs Qarayev |
| 20 fevral 2004 – 7 fevral 2006 | |
| Nazir | Əbülfəs Qarayev |
| Şəxsi məlumatlar | |
| Doğum tarixi | 25 iyun 1975 (50 yaş) |
| Doğum yeri | |
| Təhsili | Bakı Dövlət Universitetinin Hüquq fakültəsi |
| Atası | Ramiz Mehdiyev |
| Anası | Qalina Mehdiyeva |
| Rütbəsi |
 General-mayor  III dərəcəli dövlət miqrasiya xidməti müşaviri |
|
|
|
| Təltifləri |
 |
Ramiz Mehdiyevin oğludur.[2]
Teymur Ramiz oğlu Mehdiyev 25 iyun 1975-ci ildə Gürcüstan Sovet Sosialist Respublikasının Abxaziya MSSR-nın Suxumi şəhərində anadan olub. 1982-ci ildən 1992-ci ilə qədər Bakı şəhərində 134 № li orta məktəbdə təhsil almışdır. 1992-ci ildə Bakı Dövlət Universitetinin Hüquq fakültəsinə daxil olmuş və 1997-ci ildə həmin Universiteti bitirmişdir. 1997–1999-cu illərdə Azərbaycan Respublikası Milli Təhlükəsizlik Nazirliyində çalışmışdır. 1999–2001-ci illərdə Azərbaycan Respublikası Daxili İşlər Nazirliyində işləmişdir. 2001–2004-cü illərdə Azərbaycan Respublikası Xarici İşlər Nazirliyində çalışmışdır.[3]
2004–2006-cı illərdə Azərbaycan Respublikası gənclər, idman və turizm nazirinin müavini, 2006–2011-ci illərdə isə Azərbaycan Respublikası mədəniyyət və turizm nazirinin müavini, 2011–2014-cü illərdə isə Azərbaycan Respublikası Dövlət Miqrasiya Xidməti rəisinin birinci müavini vəzifələrində çalışmışdır. 2011-ci ildə ona III dərəcəli dövlət miqrasiya xidməti müşaviri ali xüsusi rütbəsi verilmişdir.[3]
Azərbaycan Respublikası Prezidentinin 5 may 2014-cü il tarixli Sərəncamı ilə Azərbaycan Respublikası fövqəladə hallar nazirinin müavini təyin edilmiş və ona general-mayor ali hərbi rütbəsi verilmişdir.[3] 1 dekabr 2025-ci ildə general-mayor Teymur Mehdiyev fövqəladə hallar nazirinin müavini vəzifəsindən azad edilmişdir.[4]
Azərbaycan Respublikası Prezidentinin 14 dekabr 2018-ci il tarixli Sərəncamı ilə 3-cü dərəcəli "Vətənə xidmətə görə" ordeni ilə təltif edilmişdir.[3]
- ↑ "Rəhbərlik haqqında məlumat / Nazirlik - Azərbaycan Respublikasının Fövqəladə Hallar Nazirliyi". fhn.gov.az (az.). İstifadə tarixi: 29 noyabr 2025.
- ↑ "Ramiz Mehdiyevin general oğlu yola salınır?". Oxu.az (az.). İstifadə tarixi: 26 oktyabr 2024.
- 1 2 3 4 https://konkret.az/gezmediyi-nazirlik-qalmayib-ramiz-mehdiyev-oglunu-hakimiyyete-hazirlayirdi/
- ↑ "Ramiz Mehdiyevin oğlu fövqəladə hallar nazirinin müavini vəzifəsindən azad edildi". Oxu.az (az.). İstifadə tarixi: 1 dekabr 2025.