Teriogenologiya

Teriogenologiya — baytarlığın heyvanların çoxalması ilə məşğul olan ixtisaslaşmış sahəsi. Bu elm heyvanların erkək və dişi reproduktiv sistemlərinin fiziologiyası və patologiyasını, eləcə də baytarlıq mama-ginekologiyası, androloji və köməkçi reproduktiv texnologiyalar (ART) üzrə klinik təcrübəni əhatə edir.

Teriogenoloqlar — heyvanların çoxalması sahəsində ixtisaslaşmış baytar həkimlərdir; onlar sperma analizi, qiymətləndirilməsi və emalı, cütləşməyə yararlılığın müəyyənləşdirilməsi, in vitro mayalanma (İVF), embrion köçürülməsi və mamalıq köməyi kimi sahələrdə qabaqcıl təlim keçmiş mütəxəssislərdir.

ABŞ-də bütün teriogenoloqlar Amerika Teriogenoloqlar Kolleci tərəfindən sertifikatlaşdırılır. "Teriogenologiya" sözü yunan dilindəki "therio" ("heyvan"), "gen" ("yaradılış") və "logos" ("elmi öyrənmə, bilik") sözlərindən yaranmışdır.^[1]