Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTerazaki Koqyo (寺崎広業?, 10 aprel 1866, Akita – 21 fevral 1919) – Yaponiya rəssamı. Çutaro doğum adıdır.
| Terazaki Koqyo | |
|---|---|
 | |
| Doğum tarixi | 10 aprel 1866 |
| Doğum yeri | |
| Vəfat tarixi | 21 fevral 1919 (52 yaşında) |
| Vəfat səbəbi | baş və boyun şişləri[d] |
| Fəaliyyəti | rəssam, boyakar[d], litoqraf |
 Vikianbarda əlaqəli mediafayllar | |
1866-cı ildə indiki Akita prefekturasının ərazisində yoxsul samuray ailəsində doğulmuşdur.[1] Satake klanına nəsillər boyunca xidmət etmiş ailənin başçısı olmuş Hirotomonun oğlu idi. Ailəsi Toryuken adlı mülkdə yaşamışdır.[2] Əvvəlcə Kano məktəbinin bir rəssamı ilə təhsil almış, daha sonra Maruyama–Şico məktəbinin rəssamı olan Hirafuku Suianın və boyakar Suqavara Hakuryunun şagirdi olmuşdur.[1] Eyni zamanda "Toyodo Publishers" üçün işləmiş, "Fuzoku Gaho" jurnalı üçün illüstrasiyalar çəkmişdir.[2]
1888-ci ildə Tokioya getmiş və 1891-ci ildə Yaponiya Gənc Rəssamlıq Cəmiyyətinin yaradılmasında aktiv iştirak etmişdir.[1] 1890-cı ildə III Sənaye Sərgisinin mükafatını qazanmışdır. 1898-ci ilə qədər Tokio Təsviri İncəsənət Məktəbinin müəllimi olmuşdur. Həmin il məktəbi tərk edərək Yaponiya Təsviri İncəsənət Akademiyasını quran Okakura Kakuzonu izləmişdir. Koqyo bu akademiyanın müəllimi olmuş, lakin 1901-ci ildə Tokio Təsviri İncəsənət Məktəbində dərs deməyə davam etmişdir. O, hökumətin dəstəyi ilə keçirilən Bunten incəsənət sərgilərində münsif qismində iştirak etmiş və imperatorluq ailəsinin sənətçisi kimi seçilmişdir.[1]
Koqyo Rus-yapon müharibəsində müxbir kimi iştirak edərkən bir çox rəsm çəkmişdir. 1910-cu ildə Yokoyama Taykanla birlikdə Çinə səfər etmişdir. Bu səfər zamanı "Şiaoşianın səkkiz mənzərəsi" əsərindən təsirlənmişdir. Koqyonun ən tanınmış əsəri dörd rəsmdən ibarət "Dərələr: Dörd mövzu" (1909) kolleksiyasıdır. Bu əsəri Naqano prefekturasında hazırladığı eskizlər əsasında çəkmişdir.[1] 1917-ci ildə İmperator İncəsənət Akademiyasına qoşulmuşdur.[2] Onun realistik üslubu Maruyama–Şico və bucinqa üslublarının qarışığından ibarət olmaqla yanaşı, Qərb prespektivinə, modelləşdirməsinə və kölgələndirməsinə malik olmuşdur.[1] Digər əsas əsərlərinə "İki Çin çayının səkkiz mənzərəsi" və "Hündür bir dağın payız mənzərələri" daxildir. Həyatının son illərində Naqano prefekturasında yerləşən Kambayaşiyə köçmüşdür. Yaşadığı villa Koqyo məbədinə çevrilmişdir.[2]
- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 13. ISBN 0-87011-628-2. İstifadə tarixi: 14 sentyabr 2025.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1680. İstifadə tarixi: 14 sentyabr 2025.