Telltale, Inc. (ticarət nişanı – Telltale Games) — ABŞ videooyun istehsalı və yayımı şirkəti. 2004-cü ilin iyun ayında "LucasArts"ın keçmiş əməkdaşları Kevin Bruner, Daniel Konnors və Troy Molander tərəfindən təsis edilən şirkətin baş ofisi San-Rafeldə yerləşir. "Telltale Games" məşhur televiziya serialları və komiks kitablarına əsaslanan macəra oyunları ilə tanınmağa başladı. "Telltale"in biznes modeli rəqəmsal yayıma və epizodik oyun buraxılışlarına əsaslanırdı. İl ərzində ardıcıl olaraq bir neçə qısa hissə buraxılmışdır.
| Telltale Games | |
|---|---|
 | |
| Ümumi məlumatlar | |
| Tipi | özəl şirkət |
| Sənaye | videooyun sənayesi[d] |
| Təsis tarixi | iyul 2004 |
| Bağlanma tarixi | 11 oktyabr 2018 |
| Baş qərargahın yeri | |
| Struktur | |
| İşçi sayı |
|
| telltale.com | |
 Vikianbarda əlaqəli mediafayllar | |
Studiyanın ilk oyunlarında ənənəvi janr oyunu və oyunçunun irəliləmək üçün həll etməli olduğu çoxsaylı tapmacalar yer alırdı. "The Walking Dead" komiks seriyasına əsaslanan "The Walking Dead: The Game" (2012) ilə başlayan studiya, oyunçunun müxtəlif vəziyyətlərdəki seçimlərinin hekayənin gedişatını müəyyən etdiyi hekayə əsaslı oyunlara keçmişdir. Sonrakı bütün oyunlar bu oyun modelindən istifadə etmişdir. Studiya inkişafının əvvəlində hazırlanmış öz oyun mühərriki olan "Telltale Tool"dan istifadə etmişdir.
Oyunlarının uğuruna, sürətli böyüməsinə və çoxsaylı elan edilmiş layihələrə baxmayaraq, studiya daxili problemlərlə üzləşirdi. Bir çox tərtibatçı və hətta keçmiş rəhbərlər "Telltale"i tərk etmiş, öz videooyun inkişaf studiyalarını qurmuşdular. 2017-ci ildə, daha bir idarəetmə dəyişikliyindən sonra "Telltale" işçi qüvvəsini dörddə bir azaltmışdır. 2018-ci ilin sentyabrında iflas elan etmiş və demək olar ki, bütün işçilərini işdən çıxarmışdır. Əvvəllər başlamış layihələrdə işləri bitirərək heyətdə yalnız 25 nəfər qalmışdır. 4 oktyabrda qalan bütün işçilər işdən çıxarılmışdır. 11 oktyabrda şirkət rəsmi olaraq fəaliyyətini dayandırmışdır. 2019-cu ilin aprel ayına qədər onun qalıqları ləğv edilmişdir. 28 avqust 2019-cu ildə "LCG Entertainment" korporasiyası "Telltale Games"in aktivlərini əldə etmiş və studiyanın bərpa olunduğunu açıqlamışdır.[1]
- ↑ "Telltale Games решили возродить — после закрытия не прошло и года". www.igromania.ru. 28 avqust 2019 tarixində arxivləşdirilib. İstifadə tarixi: 28 avqust 2019.